ജില്ലയിലെ വിവിധ ഭാഗങ്ങളിലെ അമ്പലങ്ങളും ഓഫീസുകളും കുത്തിത്തുറന്ന് മോഷണം നടത്തിയ സംഘമാണ് അറസ്റ്റിലായത്. ഒരുസ്ത്രീയടക്കം മൂന്നുപേരാണ് ഈ സംഘത്തിലുണ്ടായിരുന്നത്. മുട്ടത്തറ ആര്യൻകുഴി ദേവി ക്ഷേത്രത്തിലും കമലേശ്വരം ശിവ ക്ഷേത്രത്തിലും നടന്ന മോഷണവുമായി ബന്ധപ്പെട്ടാണ് ഇവരെ പിടികൂടിയത്.
 
തൃശൂര്‍ ചേര്‍പ്പ് പാറക്കോവില്‍ പുളിപ്പറമ്ബില്‍ വീട്ടില്‍ റഫീക് സതീഷ് എന്ന സതീഷ് (39), കൊച്ചുവേളി ശംഭുവട്ടം ജങ്ഷനില്‍ വാടകക്ക് താമസിക്കുന്ന സാബു സേവ്യര്‍ (35), വലിയതുറ മേരി മാതാ ലെയിനില്‍ വനിത എന്ന വനജ (32) എന്നിവരെയാണ് പൂന്തുറ എസ്.എച്ച്‌.ഒ സജികുമാറിന്‍റെ നേതൃത്വത്തിലുള്ള പ്രത്യേക അന്വേഷണസംഘം ഇന്നലെ  അറസ്റ്റ് ചെയ്തത്. പകൽ സമയങ്ങളിൽ മൂവരും ക്ഷേത്ര ദർശനത്തിനാണെന്ന വ്യാജേന ഓട്ടോറിക്ഷയിൽ കറങ്ങി അമ്പലത്തിന്റെ പരിസരം മനസിലാക്കി വെക്കും.

രാത്രി സാബുവും സതീഷും ഓട്ടോറിക്ഷയിൽ ക്ഷേത്രത്തിൽ എത്തും. തുടർന്ന് സതീഷാണ് ക്ഷേത്രത്തിൽ കയറി മോഷണം നടത്തുന്നത്. ക്ഷേത്രത്തിലെ കാണിക്ക വഞ്ചി കുത്തിതുറന്നെടുക്കുന്ന തുട്ടുകളും സ്വർണ്ണവും വില്പന നടത്തുന്നത് വനജയാണ് .