നാല് അഭിഭാഷകരെ കൂടി ജഡ്ജിമാരായി നിയമിക്കാന്‍ ശുപാര്‍ശ ചെയ്ത് കേരള ഹൈക്കോടതി കൊളിജിയം. അഭിഭാഷകരായ ടി കെ അരവിന്ദ് കുമാര്‍, ബസന്ത് ബാലാജി, കെ എ സ‌ഞ്ജീത, ശോഭ അന്നമ്മ ഈപ്പന്‍ എന്നിവരുടെ പേരുകളാണ് ശുപാര്‍ശ ചെയ്തിട്ടുള്ളത്. ഇവരുടെ പട്ടിക സുപ്രീംകോടതി കൊളിജിയത്തിന് കൈമാറി.

ചീഫ് ജസ്റ്റിസിന്റെ അധ്യക്ഷതയിലാണ് കൊളിജിയം യോഗം ചേര്‍‍ന്നത്. ശുപാര്‍ശ ചെയ്യപ്പെട്ടവരില്‍ മൂന്ന് പേര്‍ സര്‍ക്കാര്‍ അഭിഭാഷകരായി പ്രവര്‍ത്തിച്ചിട്ടുണ്ട്. സുപ്രീംകോടതി കൊളിജിയം, കേന്ദ്ര നിയമ മന്ത്രാലയം എന്നിവയുടെ അംഗീകാരത്തിന് ശേഷമാകും രാഷ്ട്രപതി ഇവരെ ജഡ്ജിമാരായി നിയമിച്ചുള്ള വിജ്ഞാപനം പുറപ്പെടുവിക്കുക. നേരത്തെ ശുപാര്‍ശ ചെയ്ത ഏഴ് പേരുകള്‍ ഇപ്പോഴും നിയമന്ത്രാലയത്തിന്റെ പരിഗണനയിലാണ്.