ഇച്ഛാശക്തിയും കഠിനാധ്വാനവും ഭാഗ്യവും ദൈവാനുഗ്രഹവും ഉണ്ടെങ്കില്‍ ഏതറ്റവും വരെ പോകാമെന്ന് തെളിയിക്കുകയാണ് മിസ് ഇന്ത്യ റണ്ണറപ്പ് മന്യ സിംഗ്. മന്യ സിംഗിന്റെ മിസ് ഇന്ത്യ റണ്ണറപ് കിരീടത്തില്‍ തിളക്കങ്ങളേറെയുണ്ട്.

ഉത്തര്‍പ്രദേശിലെ ഖുശിനഗറില്‍ ഓട്ടോറിക്ഷാ ഡ്രൈവറായ ഓംപ്രകാശിന്റെ മകളായ മന്യ, മിസ് ഇന്ത്യ വേദി വരെ നടന്നു കയറിയത് കഠിനമായ ജീവിത പാതയിലൂടെയാണ്.

മത്സരത്തില്‍ റണ്ണറപ് ആയ മന്യ ഇന്‍സ്റ്റഗ്രാമില്‍ പോസ്റ്റു ചെയ്ത കുടുംബ ചിത്രത്തിനൊപ്പമുള്ള കുറിപ്പിലാണ് സ്വന്തം ജീവിതകഥ പുറം ലോകമറിഞ്ഞത്. ഭക്ഷണവും ഉറക്കവുമില്ലാതെ എത്രയോ രാത്രികള്‍ കഴിച്ചുകൂട്ടി. വണ്ടിക്കൂലി ലാഭിക്കാന്‍ എത്രയോ കിലോമീറ്ററുകള്‍ നടന്നു. പാവപ്പെട്ട ഒരു ഓട്ടോ െ്രെഡവറുടെ മകളെന്ന നിലയില്‍ എനിക്കു സ്‌കൂളില്‍ പോകാന്‍ കഴിഞ്ഞില്ല. പതിനാലാം വയസ്സില്‍ വീടുവിട്ടു പോകേണ്ടി വന്നു. ജോലിക്കു പോയിത്തുടങ്ങി. വൈകിട്ട് ഹോട്ടലില്‍ പാത്രങ്ങള്‍ കഴുകിയും രാത്രി കോള്‍ സെന്ററില്‍ ജോലി ചെയ്തുമാണ് പഠിക്കാനുള്ള പണം ഞാനുണ്ടാക്കിയത്.

അമ്മയുടെ അവസാന തരി പൊന്നും പണയം വച്ചാണ് ഡിഗ്രി പരീക്ഷയ്ക്കു ഫീസടച്ചത്. പക്ഷേ, എന്റെ ചോരയും കണ്ണീരും എന്റെ ആത്മാവിനു ഭക്ഷണമായി, വലിയ സ്വപ്നങ്ങള്‍ കാണാന്‍ ഞാന്‍ ധൈര്യം കാട്ടി. ഈ മിസ് ഇന്ത്യ മത്സരവേദി എന്റെ അച്ഛനെയും അമ്മയെയും സഹോദരനെയും മെച്ചപ്പെട്ട ജീവിതത്തിലേക്കു കൈപിടിച്ചുയര്‍ത്താനുള്ള അവസരമായാണ് ഞാന്‍ കാണുന്നത്.

സ്വപ്നം കാണാനും അതിനായി ആത്മാര്‍ഥമായി പരിശ്രമിക്കാനും കഴിഞ്ഞാല്‍ നമ്മെ ആര്‍ക്കും തടഞ്ഞുനിര്‍ത്താനാകില്ല എന്നും മന്യ പറയുന്നു.

തെലങ്കാനയുടെ മാനസ വാരാണസിയാണ് മിസ് ഇന്ത്യ കിരീടം നേടിയത്. ഹരിയാനയുടെ മനിക ഷീക്കന്ദ് മിസ് ഗ്രാന്‍ഡ് ഇന്ത്യ ആയി തിരഞ്ഞെടുക്കപ്പെട്ടു. 23 കാരിയായ മാനസ വാരണാസി 2020ല്‍ ഗ്ലോബല്‍ ഇന്ത്യനുമായി സ്‌കൂള്‍ വിദ്യാഭ്യാസം പൂര്‍ത്തിയാക്കി. വാസവി കോളേജില്‍ നിന്ന് എഞ്ചിനീയറിംഗ് പഠനം പൂര്‍ത്തിയാക്കി സര്‍ട്ടിഫിക്കേഷന്‍ എഞ്ചിനീയറായി ജോലി ചെയ്യുന്നു.

ബുധനാഴ്ച മുംബൈയിലാണ് ഫെമിന മിസ് ഇന്ത്യ 2020 ന്റെ ഗ്രാന്‍ഡ് ഫിനാലെ നടന്നത്. വാണി കപൂര്‍, ചിത്രഗന്ദ സിംഗ്, നേഹ ധൂപിയ, പുലികിത് സാമ്രാട്ട്, അപാരക്തി ഖുറാന എന്നിവര്‍ മത്സരത്തില്‍ പങ്കെടുത്തു. മിസ് ഇന്ത്യ 2020 ല്‍ മന്യ സിംഗ് ഫെമിന റണ്ണറപ്പായി.

മിസ് ഗ്രാന്‍ഡ് ഇന്ത്യയായി മാണിക്ക ശ്യോകന്ദ് ഫെമിന തിരഞ്ഞെടുക്കപ്പെട്ടു. കൊറോണ വൈറസ് കാരണം ഈ വര്‍ഷം മിസ് ഇന്ത്യ ഓണ്‍ലൈനിലാണ് മത്സരങ്ങള്‍ സംഘടിപ്പിച്ചത്. ഫെമിന മിസ് ഇന്ത്യ 2020 ആതിഥേയത്വം വഹിച്ചത് അപര്‍ശക്തിയാണ്, നേഹ ധൂപിയയാണ് പരിപാടിയുടെ ഔദ്യോഗിക മത്സരം. ശോഭ ശൃംഗര്‍ ജ്വല്ലേഴ്‌സാണ് മിസ് ഇന്ത്യ കിരീടം രൂപകല്‍പ്പന ചെയ്തിരിക്കുന്നത്.


അവസാന റൗണ്ടില്‍ മിസ് ഇന്ത്യ മാനസ വാരണാസി ഇരുണ്ട നീല നിറത്തിലുള്ള സീക്വന്‍സ് വസ്ത്രമാണ് ധരിച്ചിരുന്നത്. ഭാവ്‌ന റാവു ആണ് ഇവരുടെ വേഷം രൂപകല്‍പ്പന ചെയ്തിരിക്കുന്നത്. 2021 ലെ മിസ്സ് ഇന്ത്യ മത്സരത്തിന്റെ സമാപനം ഒരു താരനിബിഡമായിരുന്നു, വാണി കപൂറും അപരശക്തി ഖുറാനയും മികച്ച പ്രകടനത്തിന് ആതിഥേയത്വം വഹിച്ചു.

നേഹ ധൂപിയ, ചിത്രാംഗദ സിംഗ്, പുല്‍ക്കിത് സാമ്രാട്ട്, പ്രശസ്ത ഡിസൈനര്‍ ജോഡികളായ ഫാല്‍ഗുനി, ഷെയ്ന്‍ മയില്‍ എന്നിവരായിരുന്നു മിസ്സ് ഇന്ത്യ ജൂറി പാനലില്‍ ഉണ്ടായിരുന്നത്. മിസ്സ് വേള്‍ഡ് ഏഷ്യ 2019 സുമന്‍ റാവുവാണ് മത്സരത്തിന്റെ ആദ്യ റൗണ്ട് നയിച്ചത്. ഇതിലേറെ തിളക്കമുള്ളതാണ് മന്യ സിംഗിന്റെ മിസ് ഇന്ത്യ റണ്ണറപ്പ്.