കണ്ണൂരിൽ വോട്ട് ചെയ്യാനെത്തിയ യുവാവ് കുഴഞ്ഞുവീണ് മരിച്ചു. ലോട്ടറി വിൽപ്പന തൊഴിലാളിയായ മോറാഴ സ്വദേശി കെ പി സുധീഷ് (48) ആണ് മരിച്ചത്. ആന്തൂർ നഗരസഭയിലെ മോറാഴ സൗത്ത് എൽപി സ്‌കൂളിലായിരുന്നു സംഭവം നടന്നത്.

സുധീഷ് വോട്ട് ചെയ്യാനായി എത്തിയപ്പോൾ വലിയ ക്യൂ അനുഭവപ്പെട്ടിട്ടുണ്ടായിരുന്നു . ആരോഗ്യപ്രശ്നങ്ങൾ നേരിട്ടിരുന്ന സുധീഷിനെ അധികൃതർ ഇടപെട്ട് കയറ്റിവിട്ടു.

വോട്ട് ചെയ്യുന്നതിന് തൊട്ടുമുൻപ് ഇദ്ദേഹം കുഴഞ്ഞുവീഴുകയായിരുന്നു. ഉടൻ തന്നെ തൊട്ടടുത്ത ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല. മൃതദേഹം പരിയാരം മെഡിക്കൽ കോളേജ് ആശുപത്രിയിലേക്ക് മാറ്റിയിരിക്കുകയാണ്.