പ​ടി​ഞ്ഞാ​റ​ത്ത​റ-​വെ​ള്ള​മു​ണ്ട ഗ്രാ​മ പ​ഞ്ചാ​യത്തുകളിലെ പാലിയാണ, തേർത്തുകുന്ന് ഗ്രാമങ്ങളിലെ പ്രദേശവാസികളാണ് കാൽനൂറ്റാണ്ടിലേറെയായി കാത്തിരിക്കുകയാണ്. പുഴയോട് ചേർന്നിരിക്കുന്ന രണ്ടു ഗ്രാമങ്ങളും ഒന്നിക്കുവാനാണ് പാലം. പാ​ലി​യാ​ണ​യി​ലാ​ണ്​ പാ​ലം ഉ​യ​രേ​ണ്ട​ത്.

പാ​ലി​യാ​ണ ഭാ​ഗ​ക്കാ​ര്‍​ക്ക് പടിഞ്ഞാറത്തറ, കൽപ്പറ്റ ഭാഗത്തേക്ക് വിവിധ ആവശ്യങ്ങൾക്ക് പോകാൻ ഇവിടെ പാലം വരേണ്ടത്. പാലമില്ലാത്തതിനാൽ വളരെ ബുദ്ധിമുട്ടി കിലോമീറ്ററുകളോളം സഞ്ചരിച്ച് തരുവണ എത്തിയാണ് മറ്റിടങ്ങളിലേക്ക് പോകാൻ. ഇവിടെ പാലം വന്നാൽ തേ​ര്‍​ത്ത് കു​ന്ന് ഭാ​ഗ​ക്കാ​ര്‍​ക്ക് മാ​ന​ന്ത​വാ​ടി ഉ​ള്‍​പ്പെ​ടെ ടൗ​ണി​ലേ​ക്ക് പോ​കാ​ന്‍ സാധിക്കും. കൂടാതെ ആദിവാസി കുടുംങ്ങളും പാലമില്ലാത്തതിനാൽ നിരവധി ദൂരം സഞ്ചരിക്കേണ്ടി വരുന്നു. നാട്ടുകാരിപ്പോൾ സ്വന്തമായി നിർമ്മിച്ച അപകടം പിടിച്ച പാലത്തിലൂടെയാണ് സഞ്ചരിക്കുന്നത്. മഴക്കാലമാകുമ്പോൾ ദുരിതവും കൂടും അതുപോലെ പാലവും ഒലിച്ചു പോകാറുണ്ട്. വേ​ന​ലാ​വു​ന്ന​തോ​ടെ നാ​ട്ടു​കാ​ര്‍ പി​രി​വി​ട്ട് മ​ര​പ്പാ​ലം പ​ണി​യും. ക​ല്‍​പ​റ്റ, മാ​ന​ന്ത​വാ​ടി നി​യോ​ജ​ക മ​ണ്ഡ​ല​ത്തി​ല്‍ അ​തി​ര്‍​ത്തി സ്ഥ​ല​ങ്ങ​ളാ​യ​തി​നാ​ല്‍ പ​ല​പ്പോ​ഴും ഫ​ണ്ട് വി​നി​യോ​ഗ​ത്തി​ല്‍ പ്രശ്നങ്ങൾ ഉണ്ടാകാറുണ്ട്.

രണ്ടു പഞ്ചായത്തിലെയും ത്രിതല പഞ്ചായത്ത് സ്ഥാപങ്ങൾ സഹകരിച്ചാൽ വേഗത്തിൽ തന്നെ കോൺക്രീറ്റ് പാലം നിർമ്മിക്കാനാകുമെന്നാണ് ഗ്രാമവാസികൾ പറയുന്നത്. വി​വി​ധ ഫ​ണ്ടു​ക​ള്‍ ഏ​കീ​ക​രി​ച്ച്‌ പാ​ലം നി​ര്‍​മാ​ണ​ത്തി​ന്​ ശ്ര​മി​ക്കു​മെ​ന്ന്​ പ​ടി​ഞ്ഞാ​റ​ത്ത പ​ഞ്ചാ​യ​ത്ത് നാ​ലാം വാ​ര്‍​ഡ് മെം​ബ​ര്‍ ഈ​ന്ത​ന്‍ മു​ഹ​മ്മ​ദ് ബ​ഷീ​ര്‍ പറയുകയുണ്ടായി.