ജയകൃഷ്ണന്‍ മാസ്റ്ററുടെ അവസ്ഥ വരുമെന്ന വിവാദമായിരിക്കുന്ന ഡി.വൈ.എഫ്.ഐ. നേതാവിന്റെ കൊലവിളി പ്രസംഗത്തിനോട് സമൂഹ മാധ്യമങ്ങളിലൂടെ വന്നിരിക്കുന്ന ചുട്ട മറുപടി മാത്രം മതി ആ കൊലവിളിക്കെതിരെയുള്ള പ്രതികരണത്തിന്റെ ശക്തി തിരിച്ചറിയാന്‍. ഏതായാലും താന്‍ കുഴിച്ച കുഴിയില്‍ താന്‍ വാളെടുത്തവന്‍ വാളാന്‍ എന്നീ കാര്യങ്ങള്‍ സിപിഎം ഇനിയെങ്കിലും ഒന്ന് ഓര്‍ക്കുന്നത് നല്ലതാണ്.

അല്ലെങ്കില്‍ ഊരിപ്പിടിച്ച വാളുമായി ബ്രണ്ണന്‍ കോളജിലൂടെ നടന്ന തള്ള് ജനം പുഛ്ഛിക്കും. സി.പി.എമ്മിനെ പ്രതിരോധത്തിലാക്കി ഡി.വൈ.എഫ്.ഐ. നേതാവിന്റെ ഭീഷണി പ്രസംഗം. ഡി.വൈ.എഫ്.ഐ. കോഴിക്കോട് ജില്ലാ കമ്മിറ്റി അംഗം രാഹുല്‍ രാജാണ് പ്രസംഗം നടത്തിയത്.

സി.പി.എമ്മിനെതിരേ വന്നാല്‍ കെ.ടി. ജയകൃഷ്ണന്‍ മാസ്റ്ററുടെ അവസ്ഥയുണ്ടാകുമെന്നും അക്കാര്യം യൂത്ത് ലീഗ് ഓര്‍മിക്കണമെന്നുമായിരുന്നു രാഹുലിന്റെ വാക്കുകള്‍. യൂത്ത് ലീഗിനെ നിലയ്ക്ക് നിര്‍ത്തുമെന്നും അക്കാര്യത്തില്‍ ഒരു സംശയവും വേണ്ടെന്നും രാഹുല്‍ പറയുന്നുണ്ട്. എടച്ചേരിയില്‍ സി.പി.എമ്മും യു.ഡി.എഫും തമ്മില്‍ സംഘര്‍ഷം നടക്കുന്നതുമായി ബന്ധപ്പെട്ട് സി.പി.എം. സംഘടിപ്പിച്ച പ്രതിഷേധ പരിപാടിയിലായിരുന്നു രാഹുല്‍ രാജിന്റെ പ്രസംഗം.

ഡി.വൈ.എഫ്.ഐ. ജില്ലാ കമ്മിറ്റി അംഗം, ഡി.വൈ.എഫ്.ഐ. നാദാപുരം ബ്ലോക്ക് പ്രസിഡന്റ്, യുവജന കമ്മിഷന്‍ കോഓര്‍ഡിനേറ്റര്‍ തുടങ്ങിയ സ്ഥാനങ്ങള്‍ രാഹുല്‍ വഹിക്കുന്നുണ്ട്. തിരഞ്ഞെടുപ്പ് അടുത്തിരിക്കവേയാണ് പാര്‍ട്ടിയെ പ്രതിരോധത്തിലാക്കുന്ന തരത്തിലുള്ള രാഹുലിന്റെ പ്രസംഗം. അപവാദ പ്രചരണവുമായി സി.പി.എമ്മിനെതിരേ വന്നാല്‍ ഒരു യൂത്ത് ലീഗുകാരനും യൂത്ത് കോണ്‍ഗ്രസുകാരനും പുറത്തിറങ്ങി നടക്കില്ല എന്നും രാഹുലിന്റെ പ്രസംഗത്തിലുണ്ട്.

എല്‍.ഡി.എഫിന്റെ വികസന മുന്നേറ്റ ജാഥ ഇന്നലെ കോഴിക്കോട് അവസാനിച്ചതിനു പിന്നാലെയാണ് രാഹുലിന്റെ ഭീഷണിപ്രസംഗം. എന്തായാലും വികസനം എന്നത് ഇതാണ് ഇങ്ങനെയാണ് എന്നൊക്കെയാണ് സിപിഎം നേതാക്കള്‍ക്ക് ചൂണ്ടികാണിക്കാനുള്ളതെങ്േകില്‍ പിന്നെ മോദിപ്പട സാക്ഷാല്‍ ബ്രണ്ണന്‍ കോളജിലെ നിലപാടുകളുമായി രംഗത്തിറങ്ങും.

അല്ലെങ്കില്‍ തിരുവനന്തപുരം യൂണിവേഴ്‌സിറ്റി കോളജിലെ അവസ്ഥയാകും സഖാക്കന്‍മാര്‍ക്ക്. കാരണം ഇത് ലീഗിന് നേരെയോ കേരളത്തിലെ ഒരു രാഷ്ട്രീയ പാര്‍ട്ടിക്ക് നേരെയോ ഉള്ള വെല്ലുവിളിയല്ല. ജനാധിപത്യ കേരളത്തിന് നേരെയുള്ള ആക്രോശമാണ്. അത് അനുവദിക്കാനാകില്ല എന്ന നിലപാടില്‍ തന്നെയാണ് കേരളം.

എന്തായാലും ഇ ശ്രീധരന്‍ ബി.ജെ.പിയില്‍ ചേര്‍ന്നപ്പോള്‍ വാളെടുത്തവര്‍ക്കൊന്നും ഇപ്പോള്‍ മിണ്ടാട്ടമില്ല. കാരണം പറഞ്ഞത് സാക്ഷാല്‍ ചങ്ക് പിണറായിയുടെ അണികളാണല്ലോ അല്ലേ