സംസ്ഥാനത്ത് ആനക്കൊമ്പ് ചന്ദനത്തടി വ്യാപാരം തകൃതിയെന്നാണ് പുതിയ വാര്‍ത്തകള്‍. എന്നിട്ട് ആ പണം എങ്ങോട്ട് പോകുന്നുവെന്ന് അറിയണ്ടേ. വിറ്റുകിട്ടുന്ന പണം ഉപയോഗിക്കുന്നത് ദേശദ്രോഹ പ്രവര്‍ത്തനങ്ങള്‍ക്ക്.

ആനക്കൊമ്പിന് കിലോയ്ക്ക് വന്‍ വിലയുണ്ട്. ഇടുക്കി കേന്ദ്രീകരിച്ചാണ് ആനക്കൊമ്പിന്റെ പ്രധാന വില്‍പ്പന. ഇതിനായി ആനവേട്ട നടക്കുന്നതായി വിവരമുണ്ട്. കൊമ്പിന് ആവശ്യക്കാര്‍ ഏറെയും തിരുവനന്തപുരം കേന്ദ്രീകരിച്ചാണ്. ഈ കൊടുംചതി പരമ്പരകളായി മാധ്യമങ്ങള്‍ അന്വേഷിക്കേണ്ടതല്ലേ.

പക്ഷെ അതിനൊന്നും ചിലര്‍ക്ക് സമയമില്ല. കാരണം സര്‍ക്കാരിന്റെ പരസ്യം നഷ്ചടമായലോ. സംസ്ഥാനത്ത് ഒരിടവേളയ്ക്ക് ശേഷം ആനക്കൊമ്പ്ചന്ദനത്തടി വ്യാപാരം തകൃതി. കഴിഞ്ഞ ദിവസം ഇടുക്കിയില്‍ ആനക്കൊമ്പുമായി മൂന്നംഗ സംഘത്തെ വനപാലകര്‍ പിടികൂടിയിരുന്നു.

ഇതിന്റെ ഭാഗമായി നടത്തിയ അന്വേഷണത്തിലാണ് ഞെട്ടിക്കുന്ന വിവരങ്ങള്‍ ലഭിച്ചത്. ഇത്തരത്തില്‍ ലഭിക്കുന്ന പണത്തില്‍ അധികവും തീവ്രവാദം പോലുള്ള ദേശദ്രോഹ പ്രവര്‍ത്തനങ്ങള്‍ക്ക് വിനിയോഗിക്കുന്നുവെന്നാണ് ഇന്റലിജന്‍സ് വിഭാഗങ്ങളുടെ നിഗമനം. ആനക്കൊമ്പ്, ചന്ദനക്കടത്ത്, കള്ളനോട്ട്, കുഴല്‍പ്പണം, മയക്കുമരുന്ന് ഇടപാടുകളാണ് വര്‍ധിച്ചിരിക്കുന്നത്.

ആഴ്ചകളെടുത്താണ് ആനക്കൊമ്പ് സംഘത്തെ ആവശ്യക്കാരെന്ന വ്യാജേന എത്തി വനപാലകര്‍ക്ക് കുടുക്കാനായത്. വനംവകുപ്പ്, പോലീസ് വിഭാഗങ്ങളുടെ അന്വേഷണത്തില്‍ സംസ്ഥാനത്ത് ലോക്ഡൗണിന് ശേഷം ഇത്തരത്തിലുള്ള സംഘങ്ങള്‍ സജീവമായതായി വ്യക്തമാണ്. ഇടുക്കി കേന്ദ്രീകരിച്ച് വലിയ സംഘം തന്നെ ഇതിന് പിന്നില്‍ പ്രവര്‍ത്തിക്കുന്നുണ്ട്.

കുമളി, അടിമാലി പോലുള്ള ഹൈറേഞ്ച് മേഖലയാണ് ഇതില്‍ അധികവും. തമിഴ്‌നാടുമായി അതിര്‍ത്തി പങ്കിടുന്ന മറ്റ് ജില്ലകളിലും ഇത്തരം പ്രവര്‍ത്തികള്‍ കൂടി വരികയാണ്. ഇതിനായി ആനവേട്ട നടക്കുന്നതായി വിവരമുണ്ട്. കൊമ്പിന് ആവശ്യക്കാര്‍ ഏറെയും തിരുവനന്തപുരം കേന്ദ്രീകരിച്ചാണ്.

ഇത്തരത്തില്‍ ആനവേട്ടക്കാരോ തദ്ദേശവാസികളോ വില്‍ക്കുന്ന കൊമ്പുകള്‍ കൂടിയ വിലയ്ക്ക് അന്തര്‍ദേശീയ മാര്‍ക്കറ്റിലും മറ്റ് ആവശ്യക്കാര്‍ക്കും നല്‍കുകയാണ് പതിവ്. 22 കിലോയിലധികം തൂക്കവും 35 ലക്ഷം രൂപ വിപണി വിലയുള്ള ആനക്കൊമ്പുകളാണ് അടിമാലി ഇരുമ്പുപാലത്ത് നിന്ന് ബുധനാഴ്ച വനപാലക സംഘം പിടിച്ചെടുത്തത്. ഒരിടവേളക്ക് ശേഷം ചന്ദനക്കടത്തും വ്യാപകമാണ്.

മോഹിപ്പിക്കുന്ന വിലയാണ് ഇതിനെല്ലാം കൊള്ള സംഘങ്ങള്‍ക്ക് പ്രചോദനമാകുന്നത്. ഏതായാലും ഇത്തരത്തില്‍ സംഭവങ്ങള്‍ സജീവമാണെങ്കില്‍ അതിനെതിരെ ജാഗ്രത കടുപ്പിക്കേണ്ട ഉത്തരവാദിത്വം ആര്‍ക്കാണ് സര്‍ക്കാരിനും വകുപ്പിനുമാണ്.

ഒന്നും ചെയ്യുന്നില്ല എന്നല്ല, പക്ഷെ ഇത് പോരാ കാരണം ഒരു വശത്ത് മിണ്ടാപ്രാണികളെ കൊന്ന് നേടുന്ന ഈ പണം മറുവശത്ത് ഭീകരവാദത്തിന് പോകുന്നുവെന്നതാണ്. ഇത് തടയാന്‍ അതിശക്തമായ നടപടികള്‍ തന്നെ കേന്ദ്രസംസ്ഥാന സര്‍ക്കാരുകളുടെ ഭാഗത്ത് നിന്നും ഉണ്ടാകണം.