മെട്രോമാന്‍ ഇ ശ്രീധരനെ വിമര്‍ശിച്ചു സിപിഎം സംസ്ഥാന സെക്രട്ടറി എ വിജയരാഘവന്‍. മെട്രോമാന്‍ ശ്രീധരന്‍ നല്ല എഞ്ചിനീയറാണ്. എങ്കിലും ചരിത്രബോധമില്ലെന്ന് അദ്ദേഹത്തിന്റെ പ്രസ്താവനയില്‍ നിന്ന് വ്യക്തമായിയെന്നും വിജയരാഘവന്‍ പറഞ്ഞു. മതമൗലീക വാദത്തെ പ്രോത്സാഹിപ്പിക്കുന്ന യുഡിഎഫിനെ കാത്തിരിക്കുന്നത് ചരിത്രത്തിലെ ഏറ്റവും വലിയ പരാജയമാണെന്നും അദ്ദേഹം വിമര്‍ശിച്ചു.

എല്‍ഡിഎഫ് വടക്കന്‍ വികസന മുന്നേറ്റ യാത്രയുടെ ഭാഗമായി മാധ്യമപ്രവര്‍ത്തകരോട് സംസാരിക്കുയായിരുന്നു വിജയരാഘവന്‍. പിണറായി വിജയന്റെ നേതൃത്വത്തില്‍ എല്‍ഡിഎഫിന്റെ തുടര്‍ഭരണമെന്നത് വസ്തുനിഷ്ഠ സാഹചര്യമാണ് . മുന്നണി എന്ന നിലയില്‍ എല്‍ഡിഎഫ് ശക്തിപെടുമെന്നും വിജയരാഘവന്‍ പറഞ്ഞു.

രാഷ്ട്രീയ മില്ലാത്തിടത്ത് അപവാദങ്ങളും അസത്യങ്ങളും പറഞ്ഞുകൊണ്ടിരിക്കും. അപവാദ വ്യവസായമാണ് നടത്തുന്നത്. രാഷ്ട്രീയ നിലപാട് വ്യക്തമാക്കാന്‍ യുഡിഎഫ് തയ്യാറാകണം. ജമാഅത്തെ ഇസ്ലാമിയുമായി തെരഞ്ഞെടുപ്പില്‍ ബന്ധമുണ്ടാക്കുമോയെന്ന് യുഡിഎഫ് വ്യക്തമാക്കണം. കാലാവധി കഴിഞ്ഞ റാങ്ക് ലിസ്റ്റിനായാണ് അവര്‍ സമരം നടത്തുന്നത്. സമരത്തിന് ജനപിന്തുണ ഇല്ലാതായപ്പോള്‍ അക്രമം അഴിച്ചുവിട്ടു. അക്രമസമരം ഗൂഢാലോചനയില്‍നിന്നുണ്ടായതാണ്. .

ഇ ശ്രീധരന്‍ നല്ല നിര്‍മ്മാണങ്ങള്‍ ഏറ്റെടുത്ത് നടത്തിയിട്ടുണ്ടെന്നത് ശരിയാണ്. അതാണ് അദ്ദേഹത്തിന്റെ മേഖല. പിണറായിയെ ഏകാധിപതിയെന്ന് വിശേഷിപ്പിക്കുന്നയാള്‍ ഇപ്പോള്‍ ആരുടെ കൂടെയാണ്. ബിജെപിയില്‍ ജനാധിപത്യമുണ്ടോ എന്നും വിജയരാഘവന്‍ ചോദിച്ചു.

മുഖ്യമന്ത്രിയെക്കുറിച്ച്‌ പറഞ്ഞത് ബാലിശമായ അഭിപ്രായം. നമ്മുടെ വ്യക്തിത്വം പാര്‍ട്ടിയാണ്. അതുകൊണ്ട് ആരെ ലക്ഷ്യംവെച്ച്‌ പറഞ്ഞാലും അത് പാര്‍ട്ടിയെ ആണ് പറയുന്നത്. പാര്‍ട്ടിക്ക് നേരെയാണ് ആക്രമണം. തെരഞ്ഞെടുപ്പ് കഴിയുമ്ബോള്‍ യുഡിഎഫ് കൂടുതല്‍ ശിഥിലമാകും. രാഷ്ട്രീയേര വിവാദങ്ങള്‍ ചില മാധ്യമങ്ങളെ കൊണ്ട് സൃഷ്ടിക്കുന്നു. സ്വര്‍ണക്കള്ളടത്തിന്റെ പേരില്‍ എത്രമാത്രം നുണക്കഥ പ്രചരിപ്പിച്ചു. അത് നാട്ടില്‍ ചെലവായില്ലെന്നും വിജയരാഘവന്‍ പറഞ്ഞു.