കേരളത്തിന്റെ് സൈന്യത്തെ മുഖ്യമന്ത്രി പിന്നില്‍ നിന്ന് കുത്തിയെന്ന് വി മുരളീധരന്‍
കേരളത്തിന്റെ സൈന്യമെന്ന് പറഞ്ഞ് വാഴ്ത്തിയ മുഖ്യമന്ത്രി മത്സ്യത്തൊഴിലാളികളെ പിന്നില്‍ നിന്ന് കുത്തിയെന്ന് കേന്ദ്ര മന്ത്രി വി മുരളീധരന്‍. അമേരിക്കന്‍ കമ്പനിക്ക് കേരളത്തിന്റെ ആഴകടലില്‍ മത്സ്യബന്ധനത്തിന് രഹസ്യ അനുമതി കൊടുത്തിരിക്കുകയാണെന്നും മത്സ്യത്തൊഴിലാളികളെ ഒറ്റു കൊടുത്ത ചതിയനാണ് മുഖ്യമന്ത്രിയെന്നും വി മുരളീധരന്‍ പറഞ്ഞു. ഇ എം സി സി കമ്പനിക്ക് കേരളത്തിലെ ആഴകടലില്‍ മത്സ്യബന്ധനം നടത്താന്‍ കരാര്‍ ഒപ്പിട്ടതിന്റെ കൂടുതല്‍ വിവരങ്ങള്‍ പുറത്ത് വരികയാണ്. കേരളം പ്രളയത്തിലായിരുന്നപ്പോള്‍ രക്ഷാപ്രവര്‍ത്തനത്തിന് മുന്നിട്ടിറങ്ങിയവരാണ് മത്സ്യത്തൊഴിലാളികള്‍. കേരളത്തിന്റെ സൈന്യമെന്ന് മുഖ്യമന്ത്രി ഇവരെ വിളിച്ചിട്ട് ഇപ്പോള്‍ സൈന്യത്തിന്റെ ചോറില്‍ കൈയിട്ട് വാരുകയാണ്. ബി ജെ പി സംസ്ഥാന പ്രസിഡന്റ് കെ സുരേന്ദ്രന്‍ നയിക്കുന്ന വിജയ യാത്രയുടെ ഉദ്ഘാടന ചടങ്ങില്‍ സംസാരിക്കുകയായിരുന്നു അദ്ദേഹം.
ലാവ്‌ലിന്‍ മുതല്‍ തുടങ്ങിയ പിണറായി വിജയന്റെ അഴിമതി ഏറ്റവും ദരിദ്രരായ ജനവിഭാഗമായ മത്സ്യത്തൊഴിലാളികളെ വഞ്ചിക്കുന്നതില്‍ എത്തി നില്കുന്നുവെന്നും അമേരിക്കന്‍ കമ്പനിക്ക് മത്സ്യബന്ധനത്തിന് അനുമതി നല്കി അഴിമതി നടത്താനാണ് ശ്രമിച്ചതെന്നും കെ മുരളീധരന്‍ കുറ്റപ്പെടുത്തി. അഴിമതിക്കാരെയും കൊള്ളക്കാരെയും വിജയയാത്ര തുറന്ന് കാണിക്കുമെന്നും കേരളത്തെ അഴിമതി മുക്തമാക്കാനാണ് ശ്രീരാമ ജന്മഭൂമിയില്‍ നിന്നും ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ് വിജയയാത്രയില്‍ പങ്കെടുക്കാന്‍ എത്തിയതെന്നും അദ്ദേഹം കൂട്ടിച്ചേര്‍ത്തു.
https://www.facebook.com/Malayalivartha
