നിയമസഭാ തിരഞ്ഞെടുപ്പുകളുടെ വോട്ടെണ്ണൽ പുരോഗമിക്കുമ്പോൾ കേരളത്തിലും ബംഗാളിലും തമിഴ്നാട്ടിലും ഭരണമാറ്റമെന്ന സൂചനയാണ് ലഭിക്കുന്നത്. കേരളത്തിൽ ഇടത്കോട്ടകൾ ഇളക്കി യുഡിഎഫ് മുന്നേറുന്നു.

മുഖ്യമന്ത്രി ഉൾപ്പെടെ എൽഡിഎഫ് മന്ത്രിമാർ ലീ‌ഡ് നിലയിൽ പിന്നിലാണ്. യുഡിഎഫിന്റെ ലീ‌ഡ് 95കടന്നു. ഭരണവിരുദ്ധ വികാരം ശക്തമാണെന്ന സൂചനകളാണ് വോട്ടെണ്ണലിന്റെ ആദ്യ ഫലസൂചനകൾ നൽകുന്നത്.

പശ്ചിമ ബംഗാളിൽ ബിജെപിയും തൃണമൂലും ഇഞ്ചോടിഞ്ച് പോരാട്ടം നടത്തുമ്പോൾ തമിഴ്‌നാട്ടിൽ ടിവികെ മുന്നേറ്റം നടത്തുകയാണ്. പശ്ചിമ ബംഗാളിൽ തിരഞ്ഞെടുപ്പിന്റെ വോട്ടെണ്ണൽ പുരോഗമിക്കുമ്പോൾ ബിജെപി വലിയ ലീഡ് ഉയർത്തുകയാണ്. ആദ്യഘട്ട ഫലസൂചനകൾ പ്രകാരം ബിജെപി 157 സീറ്റിലും ഭരണകക്ഷിയായ തൃണമൂൽ കോൺഗ്രസ് 95 സീറ്റിലുമാണ് മുന്നേറുന്നത്.