മുന് എം.പി കൂടിയായ പന്ന്യന് രവീന്ദ്രന് തികഞ്ഞ ആത്മവിശ്വാസത്തിലാണ്. .. 1977 നു ശേഷം കേരളത്തില് തുടര്ഭരണം വരാന് പോകുന്നു... എത്ര സീറ്റ് കിട്ടുമെന്ന് ഇപ്പോള് പറയുന്നില്ല. ആപത്തു വരുമ്പോള് സഹായിക്കാന് ഒരു സര്ക്കാരുണ്ടെന്ന് ജനങ്ങള്ക്കു വ്യക്തമായി. ജനങ്ങള് തകര്ന്നുപോകാതിരിക്കാനുള്ള സംവിധാനം കേരളത്തില് ഒരുക്കിയ സര്ക്കാരിനെ അവര് കൈവിടില്ല..അദ്ദേഹം പറയുന്നു
തിരഞ്ഞെടുപ്പില് കേരളം കര്ത്തവ്യം നിര്വഹിക്കും. തികഞ്ഞ ആത്മവിശ്വാസത്തിലാണ് മുന് എം.പി കൂടിയായ പന്ന്യന് രവീന്ദ്രന്. 1977 നു ശേഷം കേരളത്തില് തുടര്ഭരണം വരാന് പോകുന്നു. എത്ര സീറ്റ് കിട്ടുമെന്ന് ഇപ്പോള് പറയുന്നില്ല.
തിരഞ്ഞെടുപ്പില് വിലയിരുത്തുന്നത് രാഷ്ട്രീയ സംഭവ വികാസങ്ങളാണ്. തദ്ദേശഭരണ തിരഞ്ഞെടുപ്പില് ഇതു കണ്ടതാണ്. ജനങ്ങള് ഇതെല്ലാം അറിയുന്നുണ്ട്. കോവിഡിനെതിരെ ഇത്ര ശക്തമായ പ്രതിരോധ സംവിധാനം ഉണ്ടാക്കിയത് കേരളത്തിലല്ലേ.
സര്ക്കാര് ആശുപത്രിയില് കോവിഡ് ചികിത്സ സൗജന്യമാക്കി. പ്രധാനമന്ത്രി ലോക്ഡൗണ് പ്രഖ്യാപിച്ച് വീട്ടിലിരിക്കണമെന്ന് ആവശ്യപ്പെട്ടപ്പോള് ഇവരെങ്ങനെ ഭക്ഷണം കഴിക്കുമെന്നു പറഞ്ഞില്ലല്ലോ. അന്നന്നത്തെ വരുമാനം കൊണ്ടു ജീവിക്കുന്ന പാവപ്പെട്ടവര് എങ്ങനെ ജീവിക്കുമെന്നാണ് പറയുന്നത്. കേരള സര്ക്കാര് എല്ലാവര്ക്കും കിറ്റ് കൊടുത്തു. 20 രൂപയ്ക്കു ഭക്ഷണം കൊടുക്കുന്ന സാമൂഹിക അടുക്കളകള് ഉണ്ടാക്കി. ഇങ്ങനെയുള്ള പരിഷ്കാരങ്ങളൊക്കെ ജനങ്ങള്ക്കു വേണ്ടിയാണ് ചെയ്തത്.
ഈ ഘട്ടത്തില് എല്ലാവരും ഒരുമിച്ചു പ്രവര്ത്തിച്ചു. ഇതോടെ ആപത്തു വരുമ്പോള് സഹായിക്കാന് ഒരു സര്ക്കാരുണ്ടെന്ന് ജനങ്ങള്ക്കു വ്യക്തമായി. ജനങ്ങള് തകര്ന്നുപോകാതിരിക്കാനുള്ള സംവിധാനം കേരളത്തില് ഒരുക്കിയ സര്ക്കാരിനെ അവര് കൈവിടില്ല.
കേരളത്തിലെ ജനങ്ങള് വിവേകവും വിവേചനബുദ്ധിയുമുള്ളവരാണ്. കാര്യങ്ങളുടെ നന്മയും തിന്മയും തിരിച്ചറിഞ്ഞ് പ്രവര്ത്തിക്കുന്നവരാണ്. അതുകൊണ്ട് എല്ഡിഎഫിന് അനുകൂലമായ വിധി ജനങ്ങള് നല്കുമെന്ന് ഉറപ്പാണ്. നന്മയ്ക്കു വേണ്ടിയുള്ള പിന്തുണയാണ് അവര് നല്കുന്നത്.വന് ഭൂരിപക്ഷത്തോടെ തുടര്ഭരണം വരാന്പോകുകയാണ്.
ശബരിമല വിഷയത്തില് തര്ക്കത്തിനു കാര്യമില്ല. വിശ്വാസത്തിന്റെ കാര്യത്തില് എല്ഡിഎഫില് സംശയത്തിന്റെ കാര്യം ഉദിക്കുന്നില്ല. വിശ്വാസികളുടെ ഒരു പ്രധാനപ്പെട്ട കേന്ദ്രമാണ് ശബരിമല. ശബരിമലയില് ഏറ്റവും കൂടുതല് കാര്യങ്ങള് ചെയ്തത് ഇടതുപക്ഷ സര്ക്കാരാണ്. ഒരുപാടു സൗകര്യങ്ങള് അവിടെ ചെയ്തിട്ടുണ്ട്. കേരളത്തിനു പുറത്തുള്ളവര്ക്കുകൂടി വരുന്നതിന് സൗകര്യമൊരുക്കാന് കേന്ദ്ര സര്ക്കാരുമായി നന്നായി ബാര്ഗെയ്ന് ചെയ്താണ് ശബരി റെയിലിന് അനുമതി വാങ്ങിയെടുത്തത്.
1999 ലെ ബജറ്റിലുള്ള കാര്യമായിരുന്നു ശബരി റെയില് പാത. അതിനുശേഷം കേന്ദ്രത്തില് കോണ്ഗ്രസും ബിജെപിയും 22 വര്ഷത്തോളം ഭരിച്ചു. ഇവരാരും ഇതേക്കുറിച്ച് ആലോചിച്ചുപോലുമില്ല. ഈ സര്ക്കാരാണ് അതിനുവേണ്ടി പരിശ്രമിച്ചത്.
ഞങ്ങള് ദൈവത്തിന് എതിരല്ല, ദൈവവിശ്വാസികള്ക്കും എതിരല്ല. ശബരിമല വിഷയത്തില് അങ്ങനൊരു തര്ക്കത്തിന് ഇടമേയില്ല. വിശ്വാസവും വിശ്വാസരാഹിത്യവും തമ്മിലുള്ള തര്ക്കമൊന്നും ഇവിടെയില്ല. അതു കേരളത്തിന് ഭൂഷണമല്ലെന്നാണ് ഞങ്ങളുടെ അഭിപ്രായം.
വ്യത്യസ്തമായ അഭിപ്രായങ്ങള് ഏതു രീതിയിലാണ് വന്നതെന്ന് അറിയില്ല. അങ്ങനെയൊരു അഭിപ്രായത്തിനു വലിയ കാര്യമുണ്ടെന്നു തോന്നുന്നില്ല എന്നൊക്കെയാണ് പന്ന്യന് ഇപ്പോള് മനസ് തുറന്നിരിക്കുന്നത്.
https://www.facebook.com/Malayalivartha