ഒന്നും മനസിലാകുന്നില്ല... വിനോദിനി ബാലക്യഷ്ണന്റെ പേരിലുള്ള സിം ഉപയോഗിച്ചത് വിനോദിനിയല്ലെന്ന സംശയത്തില് കസ്റ്റംസ്; ഈപ്പന് നല്കിയ ഫോണില് വിനോദിനിയുടെ സിം ഇട്ട് വിളിച്ചത് മറ്റാരെങ്കിലുമാണെന്ന സംശയമാണ് കസ്റ്റംസിനുള്ളത്
ഇത് ഒരു വമ്പന് ട്വിസ്റ്റാണ്. ദൃശ്യം 2 പോലെ... സത്യം ഇതാണെങ്കില് കസ്റ്റംസ് വലയുമെന്നാണ് ഉന്നത പോലീസ് ഉദ്യോഗസ്ഥര് പറയുന്നത്. പോലീസ് ഉദ്യോഗസ്ഥരാണ് ഈപ്പന്റെ ഫോണ് വിനോദിനി ഉപയോഗിച്ചിട്ടില്ലെന്ന് കണ്ടെത്തിയിരിക്കുന്നത്.
വിനോദിനി ബാലകൃഷ്ണന് കസ്റ്റംസ് നോട്ടീസ് ലഭിച്ചതിന് പിന്നാലെ സംസ്ഥാന പോലീസിലെ സ്പഷ്യല് ബ്രാഞ്ച് ഇത് സംബന്ധിച്ച് അന്വേഷണം നടത്തിയിരുന്നു.
ഫോണിന്റെ നമ്പറും ടവറും സിം നമ്പറും പരിശോധിച്ച സപഷ്യല് ബ്രാഞ്ചിന് ഫോണ് വിനോദിനി ഉപയോഗിച്ചിട്ടില്ലെന്ന് മനസിലായി. അതായത് വിനോദിനി തിരുവനന്തപുരത്താണെങ്കില് ഫോണ് ഉപയോഗിച്ചത് കണ്ണൂരിലാണ്. ഇതിന്റെയെല്ലാം വിശദാംശങ്ങള് സംസ്ഥാന പോലീസ് ശേഖരിച്ചിരുന്നു.
എന്നാല് ഇത്തരം സത്യങ്ങളൊന്നും കസ്റ്റംസിന് കൈമാറാന് പോലീസ് തയ്യാറല്ല. അന്വേഷിച്ച് അന്വേഷിച്ച് കസ്റ്റംസ് ഇളിഭൃരാകുമെന്ന് കസ്റ്റംസ് കരുതുന്നു.
സിപിഎം മുന് സംസ്ഥാനസെക്രട്ടറി കോടിയേരി ബാലകൃഷ്ണന്റെ ഭാര്യ വിനോദിനി ബാലകൃഷ്ണന് കസ്റ്റംസിന് മുമ്പാകെ ഹാജരാകാത്തത് ഇതു കൊണ്ടാണ് . ബുധനാഴ്ച ഹാജരാകണമെന്ന് കാണിച്ച് വിനോദിനിക്ക് കസ്റ്റംസ് നോട്ടീസ് നല്കിയിരുന്നു. ലൈഫ് മിഷന് പദ്ധതിയുടെ നിര്മാണക്കരാര് കിട്ടുന്നതിന് കോഴയായി യൂണിടാക് ഉടമ സന്തോഷ് ഈപ്പന് നല്കിയ ഐ ഫോണുകളില് ഒന്ന് വിനോദിനി ഉപയോഗിച്ചതായി കസ്റ്റംസ് കണ്ടെത്തിയിരുന്നു.
യുഎഇ കോണ്സുല് ജനറലിന് നല്കിയ ഐഫോണ് എങ്ങനെ വിനോദിനി ബാലകൃഷ്ണന്റെ കയ്യില് എത്തിയെന്നാണ് കസ്റ്റംസ് പരിശോധിക്കുന്നത്. ഇതില് വിശദീകരണം നല്കാനാണ് വിനോദിനിയോട് ഹാജരാകാന് കസ്റ്റംസ് ആവശ്യപ്പെട്ടത്.
വിനോദിനിയെ സംരക്ഷിക്കണമെന്ന് സി പി എം തീരുമാനിച്ചിട്ടുണ്ട്. കസ്റ്റംസിന്റെ മുന്നില് അവരെ നേര്ച്ചക്കോഴിയാക്കരുതെന്ന് തന്നെയാണ് സിപി എമ്മിന്റെ തീരുമാനം.
സന്തോഷ് ഈപ്പനില് നിന്ന് താന് ഫോണ് കൈപ്പറ്റിയിട്ടില്ലെന്നും സന്തോഷ് ഈപ്പനെ അറയില്ലെന്നും വിനോദിനി ബാലകൃഷ്ണന് നേരത്തെ പറഞ്ഞിരുന്നു. ഫോണ് നല്കിയത് സ്വപ്ന സുരേഷിനാണെന്നും അത് ആര്!ക്കൊക്കെ ലഭിച്ചെന്ന് അറിയില്ലെന്നും സന്തോഷ് ഈപ്പനും പ്രതികരിച്ചിരുന്നു.
ഡോളര് കടത്തില് മുഖ്യമന്ത്രി പിണറായി വിജയനും സ്പീക്കര് പി ശ്രീരാമകൃഷണനും പങ്കുണ്ടെന്ന സ്വപ്നയുടെ മൊഴി കോടതിയില് കൈമാറിയതിന് പിറകെയാണ് സിപിഎം നേതൃത്വത്തെ പ്രതിരോധത്തിലാക്കി കസ്റ്റംസിന്റെ പുതിയ നീക്കം. എന്നാല് ഈ നീക്കം പാളുമെന്നാണ് സര്ക്കാര് കരുതുന്നു.
വടക്കാഞ്ചേരി ലൈഫ് മിഷന് പദ്ധതിയുടെ കരാര് ലഭിക്കാന് യൂണിടാക് ഉടമ സന്തോഷ് ഈപ്പന് കോഴയായി യുഎഇ കോണ്സല് ജനറല് ജമാല് അല്സാബിക്ക് നല്കിയ ഐ ഫോണ് വിനോദിനി ബാലകൃഷ്ണന് ഉപയോഗിച്ചതായാണ് കസ്റ്റംസിന്റെ കണ്ടെത്തല്. ഒരു ലക്ഷത്തി പതിമൂവായിരത്തി തൊള്ളായിരം രൂപ വില വരുന്ന ഐഫോണാണിത്.
ലൈഫ് മിഷന് പദ്ധതിക്ക് കോഴ നല്കാന് 6 ഐഫോണുകളാണ് സന്തോഷ് ഈപ്പന് വാങ്ങിയത്. ഇതില് എം ശിവശങ്കര് ഉള്പ്പെടെ അ!ഞ്ച് ഐഫോണുകള് ഉപയോഗിക്കുന്നവരെ അന്വേഷണ ഏജന്സികള് കണ്ടെത്തിയിരുന്നു. ആറാമത്തെ ഐഫോണിന്റെ ഐഎംഇഐ നമ്പര് കേന്ദ്രീകരിച്ച് നടത്തിയ അന്വേഷണമാണ് വിനോദിനി ബാലകൃഷ്ണനിലെത്തിയത്.
വിനോദിനിയുടെ നമ്പറില് നിന്ന് തിരുവനന്തപുരത്തെ വിസ സ്റ്റാംമ്പിഗ് കമ്പനി യു.എ.എഫ്.എക്സ് ഉടമയെ നിരന്തരം വിളിച്ചെന്നും കസ്റ്റംസിന് ബോധ്യമായിട്ടുണ്ട്. സ്വര്ണ്ണക്കടത്ത് വിവാദമായതോടെ ഈ ഫോണ് പിന്നീട് ഉപയോഗിക്കാതായെന്നും കസ്റ്റംസ് വ്യക്തമാക്കുന്നു. യു.എ. എക്സ് ഉടമ ബിനീഷിന്റെ ബിനാമിയാണെന്ന് നേരത്തെ ആരോപണം ഉയര്ന്നിരുന്നു.
ബിനീഷിന്റെ ഇടപാടുകള് ഇതരത്തിലാണ് സാധാരണ നടക്കുന്നത്. സ്വന്തം ഫോണിലല്ല അദ്ദേഹം ഇടപാടുകള് നടത്തുന്നത്. എന്നാല് അമ്മയുടെ നമ്പര് ഉപയോഗിച്ച് മകന് പറ്റിപ്പ് നടത്തിയെങ്കില് അത് ഭീകരം തന്നെയാണ്. ഏതായാലും സിം വിവാദം ബിനീഷിന്റെ തലയില് കെട്ടിവയ്ക്കാന് തന്നെയാണ് കോടിയേരിയുടെ കുടുംബം ആലോചിക്കുന്നത്. ഏതായാലും ഇതിന്റെ പാപഭാരം വിനോദിനി ഏറ്റെടുക്കില്ല. അതു കൊണ്ടു തന്നെ വിനോദിനിയുടെ ഒരു വിശദീകരണം കസ്റ്റംസിന് മുന്നില് സമര്പ്പിക്കുക മാത്രം ചെയ്യും.
https://www.facebook.com/Malayalivartha