മുഖ്യമന്ത്രിക്കെതിരെ പരാതിയുമായി ചെന്നിത്തല; മാതൃകാ പെരുമാറ്റച്ചട്ടം ലംഘിച്ചെന്ന് ആരോപണം
തെരഞ്ഞെടുപ്പ് അടുത്തിരിക്കെ മുഖ്യമന്ത്രിക്കെതിരെ പരാതിയുമായി പ്രതിപക്ഷ നേതാവ് രമേശ് ചെന്നിത്തല. തെരഞ്ഞെടുപ്പ് പ്രഖ്യാപിച്ച ശേഷം നടത്തിയ വാര്ത്താ സമ്മേളനങ്ങളില് മുഖ്യമന്ത്രി പിണറായി വിജയന് മാതൃകാ പെരുമാറ്റച്ചട്ടം ലംഘിച്ചെനന്നായിരുന്നു പ്രതിപക്ഷ നേതാവ് രമേശ് ചെന്നിത്തലയുടെ ആരോപണം. ഇക്കാര്യം ഉന്നയിച്ച് മുഖ്യതെരഞ്ഞടുപ്പ് ഓഫീസര് ടീക്കാറാം മീണയ്ക്ക് പ്രതിപക്ഷ നേതാവ് പരാതി നൽകിയിരിക്കുകയാണ്.
കഴിഞ്ഞ മാസം നാല്, ആറ് തീയതികളില് നടത്തിയ വാര്ത്താ സമ്മേളനങ്ങളില് മുഖ്യമന്ത്രി പുതിയ പരിപാടികളും നയങ്ങളും പ്രഖ്യാപിചിരുന്നു. തെരഞ്ഞെടുപ്പ് പ്രഖ്യാപിച്ച ശേഷം ചീഫ് സെക്രട്ടറിയോ പബ്ളിക് റിലേഷന്സ് ഡിപ്പാര്ട്ട്മെന്റോ മാത്രമേ സര്ക്കാരിന്റെ പുതിയ നയത്തെയോ പരിപാടിയേയോ പറ്റി സംസാരിക്കാവൂ എന്നതാണ് അംഗീകൃത കീഴ് വഴക്കങ്ങൾ. മുഖ്യമന്ത്രി ഇത് ലംഘിച്ചിരിക്കുകയാണെന്നും ചെന്നിത്തല പരാതിയിൽ പറയുന്നു.
https://www.facebook.com/Malayalivartha