ശബരിമല വിഷയത്തിൽ മറുപടി നൽകാതെ മുഖ്യമന്ത്രി പിണറായി വിജയൻ. ശബരിമല യുവതീ പ്രവേശനവുമായി ബന്ധപ്പെട്ട് കടകംപള്ളി ഖേദം പ്രകടിപ്പിച്ചത്​ എന്തിനാണെന്ന്​ മനസ്സിലായില്ലെന്ന്​പിണറായി വിജയൻ. ​ അതി​ലേക്ക്​ അദ്ദേഹത്തെ നയിച്ചതെന്ന്​ എന്താണെന്ന് അറിയില്ലെന്ന് പറഞ്ഞു.

അദ്ദേഹത്തോ​ട്​ അതിനെക്കുറിച്ച്‌​ ചോദിച്ചിട്ടില്ലെന്നും മുഖ്യമന്ത്രി സൂചിപ്പിച്ചു. സ്വകാര്യചാനലിന്​ നല്‍കിയ അഭിമുഖത്തിലായിരുന്നു പിണറായിയുടെ ഈ രീതിയിലെ അഭിപ്രായ പ്രകടനം. അതേസമയം എന്‍.എസ്​.എസിന്​ അടിസ്ഥാനപരമായി ചില നിലപാടുകളുണ്ട്​.

പക്ഷേ ആ വിഭാഗം മൊത്തമായും എതിരഭിപ്രായം ഉള്ളവരല്ല. ശബരിമല വിഷയത്തില്‍ സുപ്രീംകോടതി തന്നെ അയവുവരുത്തിയിരിയ്ക്കുകയാണ്​. ശബരിമലയില്‍ വിധി വിശാല ബെഞ്ചിന്‍റെ പരിശോധനയിലുമുണ്ട്​. വിധി പരിശോധിക്കേണ്ട കാര്യങ്ങളുണ്ടെന്ന്​ സുപ്രീംകോടതിക്ക്​ തന്നെ തോന്നിയിരിയ്ക്കുകയാണ്​. ശബരിമല തദ്ദേശ തെരഞ്ഞെടുപ്പില്‍ ബാധിച്ചില്ലെന്നും മുഖ്യമന്ത്രി വ്യക്തമാക്കിയിരിയ്ക്കുന്നു.

ബാറുകള്‍ വേണ്ട എന്ന നിലപാട്​ എൽ ഡി എഫ് സർക്കാരിനില്ല. മദ്യം വേണ്ട ഒരുപാട്​ ആളുകളുണ്ട്​. മദ്യം ഇല്ലെങ്കില്‍ അവര്‍ മറ്റു ഗുരുതരമായ കാര്യങ്ങളിലേക്ക്​ എത്തിച്ചേരും. മദ്യ നിരോധനം നടപ്പിലാക്കിയ സംസ്ഥാനത്തും ഇതൊക്കെ കിട്ടുക തന്നെ ചെയ്യും. മദ്യവര്‍ജനത്തിനായി ബോധവല്‍ക്കരണ പ്രവര്‍ത്തനങ്ങള്‍ നടത്തിയിരുന്നു. കഴിഞ്ഞ അഞ്ചുവര്‍ഷത്തിനിടയില്‍ ഒഴിവാക്കാമായിരുന്നുവെന്ന്​ തോന്നിയ ഒരു നടപടിയുമുണ്ടായിട്ടില്ലെന്നും മുഖ്യമന്ത്രി കൂട്ടിച്ചേർത്തു.