സമൂഹത്തിൽ സംഭവിക്കുന്ന ലിംഗവിവേചനങ്ങൾക്കെതിരെ ആഞ്ഞടിച്ച് ആക്ടിവിസ്റ്റ് രഹ്ന ഫാത്തിമ രംഗത്ത് . വാളയാര്‍ പെണ്‍കുട്ടികള്‍ക്ക് നീതി ലഭിക്കണമെന്ന് വ്യക്തമാക്കി ഫേസ്ബുക്ക് പോസ്റ്റിലൂടെ രഹ്ന ഫാത്തിമ പ്രതികരിച്ചിരുന്നു . രഹ്ന ഫാത്തിമയുടെ ഫേസ്ബുക്ക് പോസ്റ്റിന്റെ പൂര്‍ണരൂപം ഇങ്ങനെ :

വിട്ടുവീഴ്ചയില്ലാത്ത സ്ത്രീ സുരക്ഷ എന്ന എല്‍ഡിഎഫ് സര്‍ക്കാരിന്റെ വാഗ്ദാനം എത്രമാത്രം വഞ്ചനാപരമായിരുന്നു എന്നു തുറന്നു കാട്ടേണ്ടതുണ്ട് എന്ന് മാത്രമല്ല ഇനിയൊരമ്മയ്ക്കും ഈ ദുര്‍വിധി ഉണ്ടാവാതിരിക്കാന്‍ ഈ വിഷയം ശരിയായ രീതിയില്‍ കേരള സമൂഹത്തില്‍ ചര്‍ച്ച ചെയ്യപ്പെടേണ്ടതുണ്ട് എന്ന സുവ്യക്തമായ രാഷ്ട്രീയ ബോധ്യത്തില്‍ നിന്നാണ് ഭാഗ്യവതി ഈയൊരു തീരുമാനത്തില്‍ എത്തിച്ചേര്‍ന്നത്.

അതുകൊണ്ടുതന്നെ സ്ത്രീ സുരക്ഷ ഉറപ്പു വരുത്തുന്നതില്‍ ഗുരുതരമായ വീഴ്ച വരുത്തിയ ആഭ്യന്തര വകുപ്പ് കൈകാര്യം ചെയ്യുന്ന കേരള മുഖ്യമന്ത്രി പിണറായി വിജയനെതിരെയാണ് ഭാഗ്യവതി മത്സരിക്കാന്‍ തീരുമാനിച്ചിരിക്കുന്നത്.

വ്യവസ്ഥാപിത രാഷ്ട്രീയ പാര്‍ട്ടികളുടെ സംവിധാനങ്ങള്‍ ഒന്നുമില്ലാതെ തിരഞ്ഞെടുപ്പിനെ നേരിടുക എന്നത് വലിയ വെല്ലുവിളി ഉയര്‍ത്തുന്നുണ്ടെങ്കിലും നമ്മള്‍ ഉയര്‍ത്തുന്ന രാഷ്ട്രീയ മുദ്രാവാക്യം ജനങ്ങള്‍ ഏറ്റെടുക്കും എന്ന വിശ്വാസത്തില്‍ വരുന്ന തിരഞ്ഞെടുപ്പില്‍ ധര്‍മ്മടം നിയമസഭാ മണ്ഡലത്തില്‍ സ്വതന്ത്ര സ്ഥാനാര്‍ത്ഥിയായി വാളയാര്‍ ഭാഗ്യവതി മത്സരിക്കുന്ന വിവരം അറിയിക്കട്ടെ.

നമ്മുടെ ചിഹ്നം ഫ്രോക്ക് (കുഞ്ഞുടുപ്പ്: ) ആണ്. NB :- ഒരു പോസ്കോ കേസിന്റെ പേരില്‍ 14 ദിവസം ജയിലില്‍ കിടന്നവള്‍ എന്ന നിലയില്‍ പറയട്ടെ, പുരുഷന് എന്തുമാകാം പണവും അധികാരവും ആള്‍ ബലവുമുണ്ടെങ്കില്‍ എന്ത്‌ ചെയ്താലും സമൂഹത്തില്‍ മാന്യനായി കഴിയാം.