എന്നെ തോല്പ്പിക്കാന് കോണ്ഗ്രസ് എന്തും ചെയ്യും; വര്ഗീയ ഫാസിസത്തിനെതിരെ ചങ്കൂറ്റതോടെ പൊരുതാന് ഇടതുപക്ഷം മുന്നിലുണ്ട്; നിലമ്പൂരില് യു.ഡി.എഫ് ബി.ജെ.പി രഹസ്യധാരണയെന്ന് പി.വി. അന്വര്
നിലമ്പൂരില് യു.ഡി.എഫ് ബി.ജെ.പി രഹസ്യധാരണയെന്ന് എല്.ഡി.എഫ് സ്ഥാനാര്ത്ഥി പി.വി. അന്വര് എം.എല്.എ. വര്ഗീയ കക്ഷികളുമായി ചേര്ന്ന് തിരഞ്ഞെടുപ്പ് വിജയം മാത്രമാണ് യു.ഡി.എഫ് ലക്ഷ്യം. വര്ഗീയ ഫാസിസത്തിനെതിരെ ചങ്കൂറ്റതോടെ പൊരുതാന് ഇടതുപക്ഷം മുന്നിലുണ്ടെന്നും താമസിയാതെ രാഹുല് ഗാന്ധിക്കു പോലും എല്.ഡി.എഫ് നയങ്ങളെ പ്രശംസിക്കേണ്ടി വരുമെന്നും അന്വര് നിലമ്ബൂരില് പറഞ്ഞു.
തന്നെ തോല്പ്പിക്കാന് കോണ്ഗ്രസ് എന്തും ചെയ്യും എന്ന അവസ്ഥയിലാണുള്ളത്. ഇതിന്റെ ഭാഗമായാണ് ബി.ജെ.പിയുമായി രഹസ്യധാരണ ഉണ്ടാക്കിയിട്ടുള്ളത്. ബി.ജെ.പി-ആര്.എസ്.എസ് സംഘടനകളുടെയും മറ്റ് വര്ഗീയ കക്ഷികളുടെയും വോട്ട് എല്.ഡി.എഫിന് ആവശ്യമില്ല. വര്ഗീയ കക്ഷികളുടെ വോട്ട് വേണ്ടെന്ന് പറയാന് യു.ഡി.എഫ് സ്ഥാനാര്ത്ഥി വി.വി. പ്രകാശ് തയ്യാറാകുമോ എന്നും അന്വര് ചോദിച്ചു.
സംസ്ഥാനത്ത് തുടര്ഭരണം ഉറപ്പാണ്. നിലമ്ബൂരില് എല്.ഡി.എഫിന്റെ വിജയം ഡമ്ബിള് ഉറപ്പ്. തന്റെ നേതൃത്വത്തില് മണ്ഡലത്തില് കഴിഞ്ഞ അഞ്ചു വര്ഷം നടപ്പിലാക്കിയ വികസന പ്രവര്ത്തനങ്ങള് ജനങ്ങള്ക്ക് നേരിട്ട് ബോദ്ധ്യപ്പെട്ടതാണ്. നിലമ്ബൂരില് സര്ക്കാര് വികസന പ്രവര്ത്തനങ്ങള് നടത്തിയിട്ടില്ലെന്ന യു.ഡി.എഫ് സ്ഥാനാര്ത്ഥിയുടെ പ്രഖ്യാപനം മണ്ഡലത്തിന്റെ പല ഭാഗങ്ങളും അദ്ദേഹത്തിന് അറിയില്ലെന്നതിന്റെ തെളിവാണെന്നും ജനങ്ങള്ക്ക് തന്നെയും തനിക്ക് അവരെയും വിശ്വാസമുണ്ടെന്നും അന്വര് പറഞ്ഞു.
രാഹുല് ഗാന്ധിയുടെ മണ്ഡലത്തില് നിന്നും നിരവധി കോണ്ഗ്രസുകാര് എല്.ഡി.എഫിലേക്ക് എത്തി കൊണ്ടിരിക്കുന്നു. താമസിയാതെ രാഹുല് ഗാന്ധിക്കു പോലും എല്.ഡി.എഫ് നയങ്ങളെ പ്രശംസിക്കേണ്ടി വരും. വര്ഗീയതക്കെതിരെയുള്ള പോരാട്ടത്തിനൊപ്പം പാവപ്പെട്ടവരുടെ ക്ഷേമ പ്രവര്ത്തനങ്ങളിലും എല്.ഡി.എഫ് പ്രതിജ്ഞാബദ്ധമാണെന്നും അന്വര് കൂട്ടിച്ചേര്ത്തു.
https://www.facebook.com/Malayalivartha
