നിയമസഭാ തെരഞ്ഞെടുപ്പിന് ദിവസങ്ങൾ അവശേഷിക്കെ പത്തനാപുരത്ത് എൽ ഡി എഫിനകത്ത് പോർവിളിയും തർക്കങ്ങളും. തെ​ര​ഞ്ഞെ​ടു​പ്പ് മ​ണ്ഡ​ലം എ​ക്സി​ക്യൂ​ട്ടീ​വ് ക​മ്മി​റ്റി യോ​ഗ​ത്തി​ല്‍ സ്ഥാ​നാ​ര്‍​ഥി​യും സി​റ്റിം​ഗ് എം​എ​ല്‍​എ​യു​മാ​യ കെ.​ബി.​ഗ​ണേ​ഷ്കു​മാ​റും സി​പി​ഐ നേ​താ​ക്ക​ളും ത​മ്മി​ല്‍ അധിക്ഷേപ പ്രസംഗങ്ങൾ.

യോ​ഗ​ത്തി​ലെ പ്ര​സം​ഗ​ത്തി​നി​ടയിൽ സി​പി​ഐ നേ​താ​ക്ക​ള്‍ കാ​ലു​വാ​രു​മെ​ന്ന് പ​ര​ക്കെ ആ​ക്ഷേ​പ​മു​ണ്ടെ​ന്ന എം​എ​ല്‍​എ​യു​ടെ വാ​ക്കു​ക​ളാ​ണ് ത​മ്മി​ല​ടി​ക്ക് കാ​ര​ണമായത്.

കാ​ലു​വാ​രു​മെ​ന്ന ആ​ക്ഷേ​പം ഒ​ഴി​വാ​ക്കാ​ന്‍ നേ​താ​ക്ക​ള്‍ ത​ന്നെ പ​ത്ര​സ​മ്മേ​ള​നം വി​ളി​ച്ചു വി​ശ​ദീ​ക​ര​ണം ന​ല്‍​ക​ണ​മെ​ന്നും എം​എ​ല്‍​എ ആ​വ​ശ്യ​പ്പെ​ട്ട​തോ​ടെ സി​പി​ഐ നേ​താ​ക്ക​ള്‍ പ്ര​തി​ഷേ​ധ​വു​മാ​യി എഴുനേൽക്കുകയായിരുന്നു.

എം​എ​ല്‍​എ ഉ​ന്ന​യി​ച്ച ആ​ക്ഷേ​പം തെ​ളി​യി​ക്ക​ണ​മെ​ന്നും ത​ങ്ങ​ള്‍ പി​റ​പ്പു​ദോ​ഷ​മു​ള്ള​വ​ര​ല്ലെ​ന്നും സി​പി​ഐ നേ​താ​ക്ക​ള്‍ ആരോപിച്ചു. സി​പി​ഐ​യെ​ക്കു​റി​ച്ച്‌ പി​താ​വ് ആ​ര്‍.​ബാ​ല​കൃ​ഷ്ണ​പി​ള്ള​യോ​ട് പോ​യി ചോ​ദി​ക്കാ​നും നേ​താ​ക്ക​ള്‍ നി​ര്‍​ദ്ദേ​ശിക്കുകയായിരുന്നു.

സം​സ്ഥാ​ന കൗ​ണ്‍​സി​ല്‍ അം​ഗം എ​സ്.​വേ​ണു​ഗോ​പാ​ല്‍, മ​ണ്ഡ​ലം സെ​ക്ര​ട്ട​റി എം.​ജി​യാ​സു​ദ്ദീ​ന്‍ എ​ന്നി​വ​രാ​ണ് എം​എ​ല്‍​എ​യ്ക്കെ​തി​രേ രൂ​ക്ഷ​മാ​യ പ്രതികരണവുമായി രംഗത്ത് എത്തിയത്.

ത​ദ്ദേ​ശ തെ​ര​ഞ്ഞെ​ടു​പ്പി​ല്‍ സി​പി​ഐ സ്ഥാ​നാ​ര്‍​ഥി​ക​ളെ തോ​ല്‍​പ്പി​ക്കാ​ന്‍ കേ​ര​ള കോ​ണ്‍​ഗ്ര​സ്-​ബി ശ്ര​മി​ച്ചെ​ന്നും ഇ​ത് മ​റ​ന്നാ​ണ് എ​ല്‍​ഡി​എ​ഫി​ന് വേ​ണ്ടി മ​ണ്ഡ​ല​ത്തി​ല്‍ പ്ര​വ​ര്‍​ത്തി​ക്കു​ന്ന​തെ​ന്നും സി​പി​ഐ നേ​താ​ക്ക​ള്‍ ഓ​ര്‍​മി​പ്പി​ച്ചു. ത​ര്‍​ക്കം രൂ​ക്ഷ​മാ​യി​ട്ടും യോ​ഗ​ത്തി​ല്‍ സി​പി​എം നേ​താ​ക്ക​ള്‍ മൗ​നം പാ​ലിക്കുകയായിരുന്നു.

ശ​ക്ത​മാ​യ മ​ത്സ​രം ന​ട​ക്കു​ന്ന പ​ത്ത​നാ​പു​ര​ത്ത് യു​ഡി​എ​ഫി​ന് വേ​ണ്ടി കെ​പി​സി​സി ജ​ന​റ​ല്‍ സെ​ക്ര​ട്ട​റി ജ്യോ​തി​കു​മാ​ര്‍ ചാ​മ​ക്കാ​ല​യാ​ണ് മത്സരിക്കുന്നത്. ബി​ജെ​പി ജി​ല്ലാ സെ​ക്ര​ട്ട​റി വി.​എ​സ്.​ജി​തി​ന്‍ ദേ​വാ​ണ് എ​ന്‍​ഡി​എക്ക് വേണ്ടി ജനവിധി തേടുന്നത്.

2016-ല്‍ ​യു​ഡി​എ​ഫ് സ്ഥാ​നാ​ര്‍​ഥി​യും ന​ട​നു​മാ​യ ജ​ഗ​ദീ​ഷി​നെ 24,562 വോ​ട്ടു​ക​ള്‍​ക്ക് തോ​ല്‍​പ്പി​ച്ചാ​യിരുന്നു ഗണേഷ് തവണയും ജയിച്ചത്.