മലയാള സിനിമാപ്രേമികള്‍ ഏറെ ആകാംഷയോടെ കാത്തിരിക്കുന്ന ജീത്തു ജോസഫ് ചിത്രമാണ് ദൃശ്യം 3 യുടെ പുതിയ പോസ്റ്റര്‍ പുറത്തുവന്നിരിക്കുകയാണ്. മോഹന്‍ലാല്‍ അവതരിപ്പിക്കുന്ന ജോര്‍ജുകുട്ടി എന്ന കഥാപാത്രമാണ് പോസ്റ്ററില്‍ ഉള്ളത്. വാഴകള്‍ക്കിയിലൂടെ നിഗൂഢതയുണര്‍ത്തി നടന്ന് പോകുന്ന നടനെയാണ് പോസ്റ്റര്‍ കാണാന്‍ സാധിക്കുന്നത്. ദൃശ്യം 3 ഏപ്രില്‍ 2ന് തിയറ്ററുകളിലെത്തും.

മോഹന്‍ലാലിന് പുറമേ മീന, അന്‍സിബ ഹസന്‍, എസ്തര്‍ അനില്‍, ആശാ ശരത്, സിദ്ധിഖ്, കലാഭവന്‍ ഷാജോണ്‍, ഇര്‍ഷാദ് തുടങ്ങിയവരും ദൃശ്യത്തില്‍ പ്രധാന വേഷങ്ങളില്‍ എത്തുന്നുണ്ട്. സുജിത് വാസുദേവാണ് ദൃശ്യത്തിന്റെ ഛായാഗ്രാഹണം നിര്‍വഹിക്കുന്നത്. വിനു തോമസും അനില്‍ ജോണ്‍സണുമാണ് സംഗീത വിഭാഗം കൈകാര്യം ചെയ്യുന്നത്. ദൃശ്യം 3 യ്‌ക്കൊപ്പം ഏപ്രില്‍ രണ്ടിനാണ് വാഴ 2 വും തിയറ്ററില്‍ എത്തുന്നത്. ഇതുമായി കുട്ടിയിണക്കിയാണ് കമന്റുകള്‍ ഏറെയും വരുന്നത്.