26 ലക്ഷം പോയ പോക്ക്... തെരഞ്ഞെടുപ്പിന് അഞ്ചിന്റെ കാശില്ലാതെ മുല്ലപ്പള്ളി രാമചന്ദ്രന് ക്ഷ, ണ്ണ വരച്ചപ്പോള് സുരേന്ദ്രന് ചെലവിട്ടത് കാല് കോടിക്ക് മുകളിലെന്ന് തെരഞ്ഞെടുപ്പ് നിരീക്ഷകന്റെ വിലയിരുത്തല്; ആ പുകഴത്തല് പണിയാകുമെന്ന് കണ്ട് തിരിച്ചടിച്ച് സുരേന്ദ്രന്
ഇന്നത്തെ കാലത്ത് ലക്ഷങ്ങളൊന്നും ഒന്നുമല്ല. ഒരാള്ക്ക് ഒരു നേരത്തെ ആഹാരം വാങ്ങിക്കൊടുക്കണമെങ്കില് പോലും പത്തുമുന്നൂറ് രൂപയാകും. ആ നിലയ്ക്ക് തെരഞ്ഞെടുപ്പില് സ്ഥാനാര്ത്ഥിക്ക് എത്രപേരെ ഊട്ടണം. എത്ര പ്രചാരണം നടത്തണം.
ലക്ഷക്കണക്കിന് രൂപ ദിവസവും ആകുമെന്നിരിക്കെ കണക്ക് കുറയ്ക്കാനായി അവര് ചില പൊടികൈകള് നടത്തും. യഥാര്ത്ഥ കണക്ക് കൊടുത്താല് തെരഞ്ഞെടുപ്പില് നിന്നും സ്ഥാനാര്ത്ഥി ഔട്ടാകും.
ഇങ്ങനെ പണമുള്ളവര് പല തന്ത്രങ്ങള് പയറ്റുമ്പോള് അഞ്ചിന്റെ പൈസ കൈയ്യിലില്ലാത്ത പാര്ട്ടികളുമുണ്ട്. ഒരിടത്തും അധികാരത്തിലില്ലാത്ത കോണ്ഗ്രസിന്റെ കാര്യമായിരുന്നു കഷ്ടം. ഫ്ളക്സടിക്കാന് പോലും പൈസയില്ലെന്ന് കോണ്ഗ്രസ് അധ്യക്ഷന് മുല്ലപ്പള്ളി രാമചന്ദ്രന് തന്നെ പറഞ്ഞു. ഇപ്പോഴിതാ ബിജെപി അധ്യക്ഷന്റെ പേരില് ഒരു വിവാദം വന്നിരിക്കുകയാണ്.
കാസര്കോട്ടെ സ്ഥാനാര്ത്ഥികളുടെ തിരഞ്ഞെടുപ്പ് ചെലവില് മുന്പന് കെ സുരേന്ദ്രനെന്നാണ് അധികൃതര് വ്യക്തമാക്കുന്നത്. ഇരുപത്താറ് ലക്ഷത്തിലധികം രൂപ സുരേന്ദ്രന് ചെലവിട്ടതായാണ് തെരഞ്ഞെടുപ്പ് നിരീക്ഷകന്റ കണക്ക്. എന്നാല് അധികൃതരുടെ കണക്കില് തെറ്റ് പറ്റിയിട്ടുണ്ടെന്നാണ് ബിജെപി നേതൃത്വം പറയുന്നത്. സുരേന്ദ്രനെ ബോധപൂര്വം കുടുക്കാനുള്ള ശ്രമങ്ങളാണ് നടക്കുന്നതെന്നാണ് ബിജെപി ആക്ഷേപം.
അതേസമയം സംസ്ഥാന ബിജെപിക്ക് ക്ഷീണമാകുന്ന റിപ്പോര്ട്ട് കഴിഞ്ഞ ദിവസം പുറത്തായി. കേരളത്തില് ബിജെപിക്ക് വളര്ച്ചയില്ലെന്നാണ് കേന്ദ്രത്തിന്റെ വിലയിരുത്തലത്രെ. നിയമസഭാ തെരഞ്ഞെടുപ്പിനു മുന്പേ കോണ്ഗ്രസില് നിന്നടക്കം നിരവധി നേതാക്കള് ബിജെപിയിലെത്തുമെന്ന പ്രഖ്യാപനങ്ങള് വെറുതെയായതിന്റെ നിരാശയിലാണ് ബിജെപി കേന്ദ്ര നേതൃത്വം.
സംസ്ഥാനത്ത് ബിജെപിയ്ക്ക് ജനകീയ അടിത്തറയില്ലാത്തതാണ് കാരണമെന്നും ആര്എസ്എസിന്റെയും പോഷകസംഘടനകളുടെയും പ്രവര്ത്തകര് മാത്രമാണ് ബിജെപിയിലുള്ളതെന്നുമാണ് കേന്ദ്ര നേതൃത്വത്തിന്റെ വിലയിരുത്തല്.
തെരഞ്ഞെടുപ്പിനു മുന്പ് മുതിര്ന്ന നേതാക്കളടക്കം പലരും ബിജെപി പാളയത്തിലെത്തുമെന്ന് ബിജെപി സംസ്ഥാന അധ്യക്ഷന് കെ സുരേന്ദ്രന് വാദിച്ചിരുന്നു. എന്നാല് ചുരുക്കം ചില പ്രാദേശിക നേതാക്കളൊഴികെ ആരും ബിജെപിയിലെത്തിയില്ല.
സംഘടന വളരുന്നുണ്ടെങ്കിലും പാര്ട്ടിയുടെ ജനകീയ അടിത്തറ ഇപ്പോഴും ശക്തമല്ലെന്നാണ് ബിജെപി കണക്കുകൂട്ടുന്നത്. പാര്ട്ടി വളരാന് ജനകീയ പങ്കാളിത്തമുണ്ടാകണമെന്നും ബിജെപിയുടെ രാഷ്ട്രീയ സ്വഭാവം നഷ്ടമാകാനുള്ള കാരണം ഇതാണെന്നും ബിജെപി കേന്ദ്രനേതൃത്വം വിലയിരുത്തിയതായി ഒരു പ്രമുഖ പത്രം റിപ്പോര്ട്ട് ചെയ്തു.
തെരഞ്ഞെടുപ്പ് പ്രചാരണത്തിനായി കൊച്ചിയിലെത്തിയ അമിത് ഷായും ഇക്കാര്യം യോഗത്തില് സൂചിപ്പിച്ചിരുന്നതായാണ് റിപ്പോര്ട്ടില് വ്യക്തമാക്കുന്നത്. നിയോജകമണ്ഡലങ്ങളുടെ ചുമതലയുള്ള നേതാക്കള് മുതല് സംസ്ഥാന നേതാക്കള് വരെയുള്ളവരില് ആര്എസ്എസ് ബന്ധമില്ലാത്ത നാലോ അഞ്ചോ പേര് മാത്രമാണ് ഉണ്ടായിരുന്നത്. സംഘപരിവാറുമായി ബന്ധമില്ലാത്തവര് ബിജെപിയില് എത്തുന്നില്ലെന്നതിന്റെ തെളിവാണ് ഇതെന്ന തരത്തിലായിരുന്നു അന്ന് കേന്ദ്ര ആഭ്യന്തരമന്ത്രിയുടെ പ്രതികരണം.
കേരളത്തിനു പുറത്തു എല്ലാ സംസ്ഥാനങ്ങളിലും സംഘപരിവാര് പ്രസ്ഥാനങ്ങള്ക്കു പുറത്തുള്ളവരും ബിജെപിയിലേയ്ക്ക് എത്തുന്നുണ്ടെന്നാണ് ബിജെപി കേന്ദ്രനേതൃത്വം ചൂണ്ടിക്കാണിക്കുന്നത്. എന്നാല് കേരളത്തില് ഇതു സംഭവിക്കുന്നില്ല. ബിജെപി ആര്എസ്എസിന്റെ നിഴലില് നിന്നു പുറത്തു വരണമെന്നും ബഹുജന പ്രസ്ഥാനമായി വളരണമെന്നുമാണ് കേന്ദ്രനേതൃത്വം വ്യക്തമാക്കുന്നത്.
https://www.facebook.com/Malayalivartha