സബ് ഇന്സ്പെക്ടറെ വിഡ്ഢിയെന്നധിക്ഷേപിച്ച് മൃഗത്തോടുപമിച്ചു; ഡി.സി.പി എം. ഹേമലതയില് നിന്ന് വിശദീകരണം തേടി സിറ്റി പൊലീസ് മേധാവി
സബ് ഇന്സ്പെക്ടറെ വിഡ്ഢിയെന്നധിക്ഷേപിച്ച് മൃഗത്തോടുപമിച്ച ഡെപ്യൂട്ടി പൊലീസ് കമീഷണറില് നിന്ന് സിറ്റി പൊലീസ് മേധാവി വിശദീകരണം തേടി. ക്രമസമാധാന ചുമതല വഹിക്കുന്ന ഡി.സി.പി എം. ഹേമലതയില് നിന്നാണ് സിറ്റി പൊലീസ് മേധാവി എ.വി. ജോര്ജ് വിശദീകരണം തേടിയത്. ഏപ്രില് 13ന് രാവിലെയാണ് സംഭവം. പതിവായി നടക്കുന്ന വയര്ലെസ് യോഗത്തിനിടെയാണ് കണ്ട്രോള് റൂം സബ് ഇന്സ്പെക്ടറെ മേലുദ്യോഗസ്ഥ കടുത്ത ഭാഷയില് അധിക്ഷേപിച്ചത്.
ഫ്ലയിങ് സ്ക്വാഡിെന്റ എല്ലാ വാഹനങ്ങളിലും എസ്.ഐ തലത്തിലുളള ഉദ്യോഗസ്ഥന് വേണമെന്ന് നേരത്തെ നിര്ദേശിച്ചിരുന്നു. ഇത് നടപ്പാവാത്തതാണ് ഡി.സി.പിയെ പ്രകോപിപ്പിച്ചത്. മൃഗത്തോടുപമിച്ചുള്ള 'പരസ്യ ശാസന' വയര്െലസിലൂടെ യോഗത്തില് പങ്കെടുത്ത മറ്റ് ഉദ്യോഗസ്ഥരെല്ലാം കേട്ടു. തെരഞ്ഞെടുപ്പ് ഡ്യൂട്ടിയിലായിരുന്ന പലരും അവധിയില് പോയതിനാലാണ് പട്രോളിങ് വാഹനങ്ങളിലെല്ലാം എസ്.ഐമാര് വേണമെന്ന നിര്ദേശം പാലിക്കാനാകാതിരുന്നതെന്ന് ഇന്സ്പെക്ടര് വിശദീകരിക്കാന് ശ്രമിച്ചെങ്കിലും അത് കേള്ക്കാതെയായിരുന്നു നിങ്ങള് മൃഗങ്ങളാണോ? നിങ്ങള്ക്ക് സാമാന്യ ബുദ്ധിയില്ലേ? തുടങ്ങിയ കടുത്ത പ്രയോഗങ്ങള് നടത്തിയുള്ള ഡി.സി.പിയുടെ ആക്രോശം.
പൊലീസുദ്യോഗസ്ഥരുടെ മനോവീര്യം തകര്ക്കുന്നതും ആത്മാഭിമാനം ചോദ്യം ചെയ്യുന്നതുമാണ് മേലുദ്യോഗസ്ഥയുടെ നടപടിയെന്ന് ചൂണ്ടിക്കാട്ടി സേനാംഗങ്ങളില് പലരും വിമര്ശനവുമായി രംഗത്തെത്തിയതോടെ അസോസിയേഷന് വിഷയത്തിലിടപെടുകയും പ്രശ്നം സിറ്റി പൊലീസ് മേധാവിയുടെ മുന്നില് പരാതിയായി ഉന്നയിക്കുകയുമായിരുന്നു. തുടര്ന്നാണ് ഡി.സി.പിയില് നിന്ന് വിശദീകരണം തേടിയത്.
https://www.facebook.com/Malayalivartha
