അമിത വേഗതയെ തുടർന്ന് നിയന്ത്രണം നഷ്ടപ്പെട്ടു; റോഡിലൂടെ നടന്നുപോയ കാല്നട യാത്രികനെ ഇടിച്ചു തെറിപ്പിച്ച് കാർ, മൂന്നു പേർക്ക് പരിക്ക്
അമിത വേഗതയെ തുടര്ന്ന് നിയന്ത്രണം വിട്ട് റോഡിരികിലൂടെ നടന്നുപോകുകയായിരുന്ന ആളെ കാര് ഇടിച്ചു തെറിപ്പിച്ചു. അപകടത്തില് കാല്നട യാത്രികന് ഉള്പെടെ മൂന്നു പേര്ക്ക് പരിക്ക് ഏറ്റു.
കൊടുങ്ങല്ലൂരിന് സമീപം ദേശീയപാതയില് മതിലകം മതില്മൂലയില് കഴിഞ്ഞ ദിവസം വൈകിട്ട് അഞ്ചുമണിയോടെയായിരുന്നു അപകടം നടന്നത്. വേഗത്തിലെത്തിയ കാര് നിയന്ത്രണം വിട്ട് മരത്തിലിടിച്ച ശേഷം കാല്നടയാത്രക്കാരനെ ഇടിച്ചു വീഴ്ത്തുകയായിരുന്നു.
കാല്നട യാത്രികനായ മതിലകം സ്വദേശി കൂളിയേടത്ത് വീട്ടില് കറപ്പന് (76), കാര് യാത്രികരായ കോണത്തുകുന്ന് സ്വദേശികളായ മാടത്തിങ്കല് അരവിന്ദാക്ഷന് (54), മാടത്തിങ്കല് സുരേഷ് (50) എന്നിവര്ക്കാണ് പരിക്കേറ്റിരിക്കുന്നത്.
സാരമായി പരിക്കേറ്റ സുരേഷിനെയും അരവിന്ദാക്ഷനെയും വിദഗ്ധ ചികിത്സയ്ക്കായി മറ്റൊരു ആശുപത്രിയിലേക്കു മാറ്റി. അപകടത്തില് കാറിന്റെ മുന്ഭാഗം പൂര്ണമായും തകർന്നിരിക്കുകയാണ്...
https://www.facebook.com/Malayalivartha