'ഇഡിക്കെതിരായ കേസും ചവറ്റുകുട്ടയില് വീണെന്ന് അറിഞ്ഞ സയാമീസ് ഹൃദയന്'; മുഖ്യമന്ത്രി പിണറായി വിജയനെയും സംസ്ഥാന സര്ക്കാരിനെയും പരിഹസിച്ച് ശ്രീജിത്ത് പണിക്കര്
എന്ഫോഴ്സ്മെന്റ് ഡയറക്ടറേറ്റിനെതിരായ ക്രൈം ബ്രാഞ്ച് കേസ് ഹൈക്കോടതി റദ്ദാക്കിയ സാഹചര്യത്തില് മുഖ്യമന്ത്രി പിണറായി വിജയനെയും സംസ്ഥാന സര്ക്കാരിനെയും പരിഹസിച്ച് രാഷ്ട്രീയ സംവാദകന് ശ്രീജിത്ത് പണിക്കര്.
'ഇഡിക്കെതിരായ കേസും ചവറ്റുകുട്ടയില് വീണെന്ന് അറിഞ്ഞ സയാമീസ് ഹൃദയന്.' എന്ന തലക്കെട്ടില് വരവേല്പ്പ് സിനിമയില് ജാള്യതയോടെ നില്ക്കുന്ന ജഗദീഷ് അവതരിപ്പിക്കുന്ന വത്സന് എന്ന കണ്ടക്ടര് കഥാപാത്രത്തിന്റെ ചിത്രമാണ് ശ്രീജിത്ത് പണിക്കര് ഫേസ്ബുക്കില് പങ്ക് വെച്ചിരിക്കുന്നത്. അണികള് ആവേശപൂര്വം പിണറായി വിജയനെ വിളിക്കുന്ന ഇരട്ട ചങ്കന് എന്ന പ്രയോഗത്തെ പരിഹസിക്കുന്ന'സയാമീസ് ഹൃദയന്' എന്ന പ്രയോഗം സാമൂഹിക മാധ്യമങ്ങളില് ചിരി പടര്ത്തുകയാണ്.
എന്ഫോഴ്സ്മെന്റ് ഡയറക്ടറേറ്റിന് എതിരെ ക്രൈംബ്രാഞ്ച് റജിസ്റ്റര് ചെയ്ത രണ്ട് എഫ്ഐആറുകളാണ് ഹൈക്കോടതി ഇന്ന് റദ്ദാക്കിയത്.
സ്വര്ണക്കടത്ത് കേസുമായി ബന്ധപ്പെട്ട് കേസുകളാണ് റദ്ദാക്കിയിരിക്കുന്നത്. സംസ്ഥാനസര്ക്കാരിന് കനത്ത തിരിച്ചടിയാണ് എഫ്ഐആറുകള് റദ്ദാക്കിക്കൊണ്ടുള്ള ഹൈക്കോടതിയുടെ ഉത്തരവ്. കേസിന്റെ മെറിറ്റിലേക്ക് ഹൈക്കോടതി കടന്നിട്ടില്ല. ഒരു ഏജന്സി നടത്തുന്ന അന്വേഷണത്തില് മറ്റൊരു ഏജന്സി ഇടപെടുന്നത് ശരിയല്ല എന്ന നിരീക്ഷണത്തോടെയാണ് ഹൈക്കോടതി വിധി.
https://www.facebook.com/Malayalivartha
