കോവിഡ് വ്യാപനത്തിന്റെ പശ്ചാത്തലത്തില് തിരുവനന്തപുരം ജില്ലയിലെ ആരാധനാലയങ്ങളില് കര്ശന കോവിഡ് മാനദണ്ഡങ്ങള് പാലിക്കണമെന്ന് കലക്ടര് ഡോ. നവ്ജ്യോത് ഖോസ...
കോവിഡ് വ്യാപനത്തിന്റെ പശ്ചാത്തലത്തില് തിരുവനന്തപുരം ജില്ലയിലെ ആരാധനാലയങ്ങളില് കര്ശന കോവിഡ് മാനദണ്ഡങ്ങള് പാലിക്കണമെന്ന് കലക്ടര് ഡോ. നവ്ജ്യോത് ഖോസ.
ആരാധനാലയങ്ങള്ക്കുള്ളില് സ്ഥലവിസ്തൃതിയുടെ പകുതിയില് താഴെ ആളുകളെ മാത്രമേ പ്രവേശിപ്പിക്കാവൂ. ഇത് പരമാവധി 75 പേരില് കവിയരുതെന്നും കലക്ടര് പറഞ്ഞു.
കോവിഡിന്റെ പശ്ചാത്തലത്തില് ജില്ലയിലെ മത-സാമുദായിക സ്ഥാപനങ്ങളുടെ പ്രതിനിധികളുമായി നടത്തിയ ചര്ച്ചയിലാണ് നിര്ദേശങ്ങള്.
ഉത്സവങ്ങള്, പെരുന്നാളുകള്, മറ്റ് ആഘോഷങ്ങള് എന്നിവ നടത്തുമ്പോള് ജില്ല ദുരന്തനിവാരണ അതോറിറ്റിയില്നിന്ന് മുന്കൂര് അനുമതി വാങ്ങണം. കഴിയുന്നതും ചടങ്ങുകള് മാത്രമായി ഇവ പൂര്ത്തിയാക്കണം.
അന്നദാനം അടക്കമുള്ള പരിപാടികള് ഒഴിവാക്കണം. ആരാധാനാലയങ്ങളില് ടാങ്കുകളിലും മറ്റും വെള്ളം സംഭരിച്ച് പൊതുവായി ഉപയോഗിക്കുന്നതിനുപകരം പൈപ്പ് വഴി വെള്ളം ഉപയോഗിക്കണം. ആവശ്യത്തിന് സാനിറ്റൈസറും കൈ കഴുകുന്നതിനുള്ള മറ്റു സൗകര്യങ്ങളും എല്ലായിടത്തും ഉറപ്പാക്കണം.
ഇന്ഡോര് പരിപാടികളില് 75ഉം ഔട്ട് ഡോര് പരിപാടികളില് 150 പേരും മാത്രമേ പങ്കെടുക്കാന് പാടുള്ളൂ. സാമൂഹിക അകലം കര്ശനമായി ഉറപ്പാക്കണം. 10 വയസ്സിന് താഴെയുള്ള കുട്ടികളും 60 ന് മുകളിലുള്ളവരും ഗര്ഭിണികളും വീടുകളില്ത്തന്നെ കഴിയണമെന്നും കലക്ടര് പറഞ്ഞു.
ആരാധനാലയങ്ങള്ക്കുള്ളിലും പുറത്തും വീടുകളിലും കോവിഡ് മാനദണ്ഡങ്ങള് പാലിക്കേണ്ടതിന്റെ ആവശ്യകത സംബന്ധിച്ച് അനൗണ്സ്മെന്റ് നടത്തണം.
തിരക്കേറിയ സമയങ്ങളില് നിര്ബന്ധമായും അനൗണ്സ്മെന്റ് വേണം. ആരാധനാലയങ്ങളിലെ 45 നുമേല് പ്രായമുള്ള എല്ലാ പുരോഹിതന്മാരും സഹായികളും കോവിഡ് വാക്സിന് എടുക്കണമെന്ന് കലക്ടര് അഭ്യര്ഥിച്ചു.
വാക്സിന് എടുത്തിട്ടില്ലാത്തവരും 45 വയസ്സിനു താഴെ പ്രായമുള്ള മറ്റുള്ളവരും ഓരോ 15 ദിവസം കഴിയുമ്ബോഴും ആര്.ടി.പി.സി.ആര് ടെസ്റ്റ് നടത്തി കോവിഡ് നെഗറ്റിവാണെന്ന് ഉറപ്പാക്കണമെന്നും കലക്ടര് പറഞ്ഞു.
കോവിഡ് വ്യാപനം തടയുന്നതിനുള്ള എല്ലാ നടപടികള്ക്കും പൂര്ണ സഹകരണവും സഹായവും നല്കുമെന്ന് യോഗത്തില് പങ്കെടുത്ത മത-സാമുദായിക സ്ഥാപന പ്രതിനിധികള് കലക്ടര്ക്ക് ഉറപ്പുനല്കി.
കലക്ടറേറ്റ് മിനി കോണ്ഫറന്സ് ഹാളില് നടന്ന യോഗത്തില് വിവിധ മത, സാമുദായിക സ്ഥാപനങ്ങളെ പ്രതിനിധാനംചെയ്ത് എ.കെ. മീരാ സാഹിബ്, എ.ആര്. ഖാന്, എ. സാബു, ഫിന്നി സക്കറിയ, ബി. ശ്രീകുമാര്, വിഷ്ണു വിജയ്, ആര്. രാഹുല്, ഉണ്ണികൃഷ്ണന്, തോമസ് തെക്കേല്, ആര്. പ്രതാപചന്ദ്രന്, ജെ. രാധാകൃഷ്ണപിള്ള, വി. ശോഭ, എം.എ. അജിത് കുമാര്, ബി. അനില്കുമാര് എന്നിവരും ദുരന്തനിവാരണ വിഭാഗം ഡെപ്യൂട്ടി കലക്ടര് ജി.കെ. സുരേഷ് കുമാര്, തിരുവിതാംകൂര് ദേവസ്വം ബോര്ഡ് സെക്രട്ടറി എസ്. ഗായത്രീദേവി തുടങ്ങിയവരും പങ്കെടുത്തു.
കണ്ടെയ്ന്മെന്റ് സോണുകളില് കര്ശന ജാഗ്രത.ടേക് എവേ കൗണ്ടറുകള് രാത്രി 11 വരെ
തിരുവനന്തപുരം: കോവിഡ് രോഗവ്യാപനം നിയന്ത്രിക്കുന്നതിന്റെ ഭാഗമായി ജില്ലയിലെ കണ്ടെയ്ന്മെന്റ് സോണുകളില് കര്ശന കോവിഡ് ജാഗ്രതാ മാനദണ്ഡങ്ങള് നടപ്പാക്കുമെന്ന് ജില്ല കലക്ടര് ഡോ. നവജ്യോത് ഖോസ പറഞ്ഞു.
കണ്ടെയ്ന്മെന്റ് സോണുകളില് സാമൂഹിക അകലം, മാസ്ക്, സാനിറ്റൈസര് ഉള്പ്പടെയുള്ള കര്ശന കോവിഡ് മാനദണ്ഡങ്ങള് പാലിച്ച് ജനങ്ങള്ക്ക് ദൈനംദിന പ്രവര്ത്തനങ്ങളില് ഏര്പ്പെടാം. പ്രദേശത്ത് പൊതുചടങ്ങുകള്, ഒത്തുകൂടലുകള് എന്നിവ ജില്ല ഭരണകൂടത്തിന്റെ അനുമതിയോടെ മാത്രമേ നടത്താന് പാടുള്ളൂ. വിവാഹം, ഗൃഹപ്രവേശം, മരണാനന്തര ചടങ്ങുകള്, കുടുംബ കൂടിച്ചേരലുകള് തുടങ്ങിയവ നടത്തുന്നതിനു മുമ്ബ് തൊട്ടടുത്തുള്ള പൊലീസ് സ്റ്റേഷനിലെ എസ്.എച്ച്.ഒയെ വിവരം അറിയിക്കണം.
കണ്ടെയ്ന്മെന്റ് സോണുകളിലെ മാളുകള്, കടകള്, ഹോട്ടലുകള്, റസ്റ്റാറന്റുകള് മുതലായ സ്ഥലങ്ങളില് കോവിഡ് പ്രോട്ടോകോള് കര്ശനമായും പാലിക്കുന്നുണ്ടോയെന്ന് ബന്ധപ്പെട്ട എസ്.എച്ച്.ഒമാര് ഉറപ്പുവരുത്തണം.
ഹോട്ടലുകള്, റസ്റ്റാറന്റുകള്, കടകള്, വ്യാപാരസ്ഥാപനങ്ങള് എന്നിവ രാത്രി ഒമ്ബതിനുശേഷം പ്രവര്ത്തിക്കാന് പാടില്ല. ഹോട്ടലുകളിലും റസ്റ്റാറന്റുകളിലും ടേക് എവേ കൗണ്ടറുകള് രാത്രി 11 വരെ പ്രവര്ത്തിപ്പിക്കാം. ഹോട്ടലുകളില് 50 ശതമാനം സീറ്റുകളില് മാത്രമേ ആളുകളെ ഇരിക്കാന് അനുവദിക്കൂ.
ജില്ലയില് കോവിഡ് പ്രോട്ടോകോള് കര്ശനമായും പാലിക്കുന്നുണ്ടെന്ന് തിരുവനന്തപുരം, നെടുമങ്ങാട് സബ് ഡിവിഷനല് മജിസ്ട്രേറ്റുമാര്, പൊലീസ്, സെക്ടറല് മജിസ്ട്രേറ്റുമാര് എന്നിവര് ചേര്ന്ന് ഉറപ്പുവരുത്തുമെന്നും ജില്ല കലക്ടര് പറഞ്ഞു.
"
https://www.facebook.com/Malayalivartha
