കോവിഡ് വ്യാപനത്തിന്റെ പശ്ചാത്തലത്തില് ആഘോഷങ്ങളില്ലാതെ രണ്ടാം പിണറായി സര്ക്കാരിന്റെ സത്യപ്രതിജ്ഞാച്ചടങ്ങ് രാജ്ഭവനില് നടത്താന് ആലോചന....
കോവിഡ് വ്യാപനത്തിന്റെ പശ്ചാത്തലത്തില് ആഘോഷങ്ങളില്ലാതെ രണ്ടാം പിണറായി സര്ക്കാരിന്റെ സത്യപ്രതിജ്ഞാച്ചടങ്ങ് രാജ്ഭവനില് നടത്താനാണ് സി.പി.എമ്മിന്റെ ആലോചന.
മുഖ്യമന്ത്രിയും മന്ത്രിമാരും ഒരുമിച്ച് സത്യപ്രതിജ്ഞ ചെയ്ത് അധികാരമേല്ക്കാമെന്നതാണ് ധാരണ. എല്.ഡി.എഫ്. യോഗത്തിനുശേഷം ഇക്കാര്യത്തില് അന്തിമ തീരുമാനമുണ്ടാകും. സെന്റര് സ്റ്റേഡിയത്തില് ആഘോഷപൂര്വമായിരുന്നു ഒന്നാം പിണറായി സര്ക്കാര് അധികാരമേറ്റത്.
സര്ക്കാര് രൂപവത്കരണം സംബന്ധിച്ചുള്ള കാര്യങ്ങള് ചൊവ്വാഴ്ച ചേരുന്ന സെക്രട്ടേറിയറ്റ് ചര്ച്ചചെയ്യും. ബുധനാഴ്ച പൊളിറ്റ് ബ്യൂറോ യോഗവുമുണ്ട്. മുഖ്യമന്ത്രിയെ തീരുമാനിക്കുന്നത് പി.ബി. ആണ്.
പിണറായിയുടെ കാര്യത്തില് അത്തരമൊരു തീരുമാനമെന്നത് സാങ്കേതികമായ നടപടിമാത്രമാണ്. മന്ത്രിമാരെ സംബന്ധിച്ചുള്ള സംസ്ഥാനനേതൃത്വത്തിന്റെ നിര്ദേശങ്ങള് കോടിയേരി ബാലകൃഷ്ണന് പി.ബി. യോഗത്തില് അറിയിക്കും. ഇക്കാര്യത്തില് തീരുമാനമായശേഷം സംസ്ഥാനസമിതിയോഗവും എല്.ഡി.എഫ്. യോഗവും ചേരും
.തിങ്കളാഴ്ച സര്ക്കാര് അധികാരമേല്ക്കുമെന്നാണ് വിവരം. ഇതിനുമുമ്പായി ഘടകകക്ഷികളുമായി ചര്ച്ച നടത്തി, മന്ത്രിമാര്, വകുപ്പുകള് എന്നിവയില് ധാരണയുണ്ടാക്കും.സീറ്റ് വിഭജനകാര്യത്തിലടക്കം ഉഭയകക്ഷിചര്ച്ചയില് കാര്യക്ഷമമായി ഇടപെട്ട കോടിയേരി ബാലകൃഷ്ണന് തന്നെയാകും ഇതിന്റെയും ചുമതല.
ഒറ്റ അംഗങ്ങളുള്ള കക്ഷികള്ക്ക് മന്ത്രിസ്ഥാനം നല്കാനിടയില്ല. അതിനുകഴിയാത്ത സാഹചര്യം അവരെ ബോധ്യപ്പെടുത്തുകയാകും ഉഭയകക്ഷി ചര്ച്ചയിലുണ്ടാകുക.
"
https://www.facebook.com/Malayalivartha