കഞ്ചാവ് കടത്തുന്നതായുള്ള രഹസ്യവിവരത്തെ തുടര്ന്ന് പോലീസ് പരിശോധനയ്ക്കിടെ നാലു കിലോ കഞ്ചാവുമായി യുവാവ് പിടിയിലായി, മഹസര് തയ്യാറാക്കുന്നതിനിടെ പോലീസ് വെട്ടിച്ച് രക്ഷപ്പെടാന് ശ്രമിക്കവേ ഷോക്കേറ്റു, ഒടുവില്....
കഞ്ചാവ് കടത്തുന്നതായുള്ള രഹസ്യവിവരത്തെ തുടര്ന്ന് പോലീസ് പരിശോധനയ്ക്കിടെ നാലു കിലോ കഞ്ചാവുമായി യുവാവ് പിടിയിലായി, മഹസര് തയ്യാറാക്കുന്നതിനിടെ പോലീസ് വെട്ടിച്ച് രക്ഷപ്പെടാന് ശ്രമിക്കവേ ഷോക്കേറ്റു,
ഒടുവില് വൈദ്യുതിബന്ധം മാറ്റിയെങ്കിലും രക്ഷിക്കാനായില്ല. പാലക്കാട് ഒറ്റപ്പാലം സ്വദേശി രഞ്ജിത്ത് (26) ആണ് മരിച്ചത്. ഇന്നലെ വൈകിട്ട് ആറോടെ എറണാകുളം കെഎസ്ആര്ടിസി ബസ് സ്റ്റാന്ഡിന് സമീപത്തായി അംബേദ്കര് സ്റ്റേഡിയത്തിനു മുന്നിലായിരുന്നു സംഭവം നടന്നത്.
കഞ്ചാവ് കടത്തുന്നതായുള്ള രഹസ്യവിവരത്തെ തുടര്ന്നാണ് ജില്ല ആന്റി നര്ക്കോട്ടിക്സ് സ്പെഷല് ആക്ഷന് ഫോഴ്സും എറണാകുളം സെന്ട്രല് പോലീസും കാത്തുനില്ക്കുന്നതിനിടെ നാലുകിലോ കഞ്ചാവുമായി എത്തിയ ഇയാളെ പോലീസ് പിടികൂടുകയായിരുന്നു.
മഹസര് തയാറാക്കുന്നതിനിടെ പോലീസിനെ വെട്ടിച്ച് രക്ഷപ്പെടാനായി തൊട്ടടുത്തുള്ള അംബേദ്കര് സ്റ്റേഡിയത്തിനകത്തേക്ക് ഓടിക്കയറി. ഗാലറിയിലൂടെ ഓടിയ ഇയാളെ പിടികൂടാന് പോലീസും പിന്തുടര്ന്നു.
ഗാലറിയില്നിന്നു താഴെയുള്ള തകര ഷീറ്റിട്ട കടയുടെ മുകളിലേക്കു ചാടിയ യുവാവിനെ പോലീസ് വളഞ്ഞതോടെ തൊട്ടടുത്തുണ്ടായ വൈദ്യുതി പോസ്റ്റിനു മുകളിലേക്കു വലിഞ്ഞുകയറി. ഇതിനിടെ കൈവിട്ട് പ്രതി വൈദ്യുതി കമ്പിക്ക് മുകളിലേക്കു വീണു. ഉടന് വൈദ്യുതി ബന്ധം വിച്ഛേദിച്ചെങ്കിലും ലൈനിനു മുകളില് യുവാവ് കുടുങ്ങി കിടന്നു.
അഗ്നിരക്ഷാ സേന എത്തി ഇയാളെ താഴെയിറക്കിയെങ്കിലും മരണം സംഭവിച്ചിരുന്നു. മൃതദേഹം എറണാകുളം ജനറല് ആശുപത്രിയിലേക്കു മാറ്റി. രഞ്ജിത്തിനെക്കുറിച്ചു കൂടുതല് വിവരങ്ങള് പോലീസ് അന്വേഷിച്ചു വരികയാണ്.
https://www.facebook.com/Malayalivartha
