പ്രാദേശിക മേല്‍വിലാസം തെളിയിക്കുന്ന രേഖകളോ മറ്റു തിരിച്ചറിയില്‍ രേഖകളോ ഇല്ലാത്തതിന്റെ പേരില്‍ ആര്‍ക്കും ചികിത്സയോ അവശ്യ മരുന്നുകളോ നിഷേധിക്കരുതെന്ന് സുപ്രീംകോടതി.

സംസ്ഥാനങ്ങളിലോ കേന്ദ്ര ഭരണ പ്രദേശങ്ങളിലോ പ്രാദേശിക മേല്‍വിലാസം ഇല്ലാത്തത് കൊണ്ട് കോവിഡ് രോഗികള്‍ക്ക് ചികിത്സ നിഷേധിക്കരുത്.

കോവിഡ് പ്രതിസന്ധിക്കാലത്ത് മരുന്നുകള്‍ ഉള്‍പ്പടെ അവശ്യ സേവനങ്ങളുടെ വിതരണവുമായി ബന്ധപ്പെട്ട് സുപ്രീംകോടതി സ്വമേധയ എടുത്ത കേസ് പരിഗണിക്കവേയാണ് നിര്‍ദേശം.

കോവിഡ് രോഗികളുടെ ആശുപത്രി പ്രവേശനത്തിനായി കേന്ദ്ര സര്‍ക്കാര്‍ രണ്ടാഴ്ചയ്ക്കുള്ളില്‍ ഒരു ദേശീയ നയം രൂപീകരിക്കണമെന്നും സംസ്ഥാനങ്ങള്‍ ഇത് പാലിക്കണമെന്നും സുപ്രീംകോടതി നിര്‍ദേശിച്ചു.

ജസ്റ്റീസുമാരായ ഡി.വൈ. ചന്ദ്രചൂഡ്, എല്‍. നാഗേശ്വര റാവു, എസ്. രവീന്ദ്ര ഭട്ട് എന്നിവര്‍ ഉള്‍പ്പെട്ട ബെഞ്ചിന്റേതാണ് നിര്‍ദേശം.