'എല്ലാ ബോട്ടിലെയും തൊഴിലാളികള് സുരക്ഷിതരായിരിക്കുന്നു. ഈ പ്രതിസന്ധിക്ക് നടുവിലും നമ്മുടെ ആവശ്യപ്രകാരം അവസരോചിതമായി ഇടപെട്ട് നമ്മുടെ തൊഴിലാളികളെ സംരക്ഷിച്ച ലക്ഷദ്വീപ് ഫിഷറീസ് സെക്രട്ടറിക്കും മറ്റ് ഉദ്യോഗസ്ഥര്ക്കും എല്ലാ അഭിനന്ദനങ്ങളും അറിയിക്കുന്നു..' കടലില് കുടുങ്ങിയ മല്സ്യത്തൊഴിലാളികളെ രക്ഷിച്ച് ജെ.മേഴ്സിക്കുട്ടിയമ്മ
കടലില് കുടുങ്ങിയ മല്സ്യത്തൊഴിലാളികള്ക്ക് രക്ഷകയായി എത്തിയിരിക്കുകയാണ് ജെ.മേഴ്സിക്കുട്ടിയമ്മ. പ്രതിസന്ധിക്ക് നടുവിലും അവസരോചിതമായി ഇടപെട്ട് നമ്മുടെ തൊഴിലാളികളെ സംരക്ഷിച്ച ലക്ഷദ്വീപ് ഫിഷറീസ് സെക്രട്ടറിക്കും മറ്റ് ഉദ്യോഗസ്ഥര്ക്കും എല്ലാ അഭിനന്ദനങ്ങളും അറിയിക്കുന്നതായി മേഴ്സിക്കുട്ടിയമ്മ ഫെയ്സ് ബുക്കില് കുറിക്കുകയും ചെയ്തു .
ഫേസ്ബുക്ക് കുറിപ്പ് ഇങ്ങനെ;
വിഴിഞ്ഞത്ത് നിന്നും ഒരു മത്സ്യത്തൊഴിലാളിയുടെ വിളിവന്നു. കൊച്ചിയില് നിന്നും പോയ തിരുവനന്തപുരം മത്സ്യത്തൊഴിലാളികള് ഉള്പ്പെടെയുള്ള ബോട്ട് രൂക്ഷമായ തിരയില്പ്പെട്ടുവെന്നും എങ്ങനെയും അവരെ ലക്ഷദ്വീപില് അടുക്കുവാന് സഹായിക്കണം എന്നുമായിരുന്നു ആവശ്യം.
ലക്ഷദ്വീപില് പുറത്തുനിന്നുമുള്ള ബോട്ട് അവിടെ അടുക്കുന്നത് അനുവദനീയമല്ല. എന്നാല് ആപത്തില്പെട്ട ബോട്ടുകള് ജീവരക്ഷാര്ത്ഥം അവിടെ അടുത്തേ മതിയാകൂ. ലക്ഷദ്വീപ് അഡ്മിനിസ്ട്രേഷനുമായി ബന്ധപ്പെടുകയും അവര്ക്ക് ആവശ്യമായ സഹായം ഉറപ്പിക്കുകയും ചെയ്തു. എന്നാല് ബോട്ട് എവിടെയാണ് എന്ന് ലൊക്കേറ്റ് ചെയ്യുന്നതായിരുന്നു പ്രശ്നം.
പിന്നീട് അന്വേഷിച്ചു വന്നപ്പോള് തിരുവനന്തപുരം സ്വദേശികള് ഉള്പ്പെടുന്ന ഒരു ബോട്ട് അല്ല കൊച്ചിയില് നിന്നും പോയ 3 ബോട്ടുകളും തമിഴ്നാട് രജിസ്ട്രേഷനുള്ള 3 ബോട്ട് അടക്കം 6 ബോട്ടുകളാണ് അപകടത്തില് പെട്ടിരുന്നത്. അതിലൊന്നിന്റെ പ്രവര്ത്തനം നിലച്ചു പോയിരുന്നു.
ഒടുവില് ഉച്ചയോടുകൂടി അപകടത്തില്പ്പെട്ട ബോട്ടിനെ മറ്റ് ബോട്ടിലെ തൊഴിലാളികള് അവരുടെ ബോട്ടില് സാഹസികമായി കെട്ടി കടമത്ര ദ്വീപിനെ ലക്ഷ്യമാക്കി നീങ്ങുന്നതായി തൊഴിലാളികള് അറിയിച്ചു. 3.30 കഴിഞ്ഞാല് ഒരു ദ്വീപിനെയും കടലില്നിന്നും തൊഴിലാളികള്ക്ക് കാണാന് കഴിയാത്ത തരത്തില് എല്ലാ ദ്വീപിലെയും വൈദ്യുതി ബന്ധം പൂര്ണമായി തകര്ന്നിരുന്നു. എന്ന് മാത്രമല്ല അവിടെയുള്ള ബോട്ടുകള്ക്ക് ഇവരെ കൂട്ടിക്കൊണ്ടുവരാന് കഴിയുന്ന സാഹചര്യവും ആയിരുന്നില്ല.
എന്തായാലും ഒടുവില് ലക്ഷദ്വീപ് അഡ്മിനിസ്ട്രേഷന് ഈ മത്സ്യത്തൊഴിലാളികളുമായി ബന്ധപ്പെടാന് കഴിയുകയും അവരെ കടമത്ര ദ്വീപിലേക്ക് എത്തിച്ച് രക്ഷപ്പെടുത്തുകയുമാണുണ്ടായത്. എല്ലാ ബോട്ടിലെയും തൊഴിലാളികള് സുരക്ഷിതരായിരിക്കുന്നു. അവര് നേരിട്ട് വിളിച്ചിരുന്നു എന്ന വിവരം തിരുവനന്തപുരം കോട്ടപ്പുറം കൗണ്സിലര് പനിയടിമ എന്നെ വിളിച്ച് അറിയിക്കുകയും നന്ദി പറയുകയും ചെയ്തു. എന്നാല് ഞാന് അഭിനന്ദനം അറിയിക്കുന്നത് ലക്ഷദ്വീപ് അഡ്മിനിസ്ട്രേഷനെയാണ്.
ഈ പ്രതിസന്ധിക്ക് നടുവിലും നമ്മുടെ ആവശ്യപ്രകാരം അവസരോചിതമായി ഇടപെട്ട് നമ്മുടെ തൊഴിലാളികളെ സംരക്ഷിച്ച ലക്ഷദ്വീപ് ഫിഷറീസ് സെക്രട്ടറിക്കും മറ്റ് ഉദ്യോഗസ്ഥര്ക്കും എല്ലാ അഭിനന്ദനങ്ങളും അറിയിക്കുന്നു.
https://www.facebook.com/Malayalivartha
