ലോക്ഡൗണ് ഇളവുകള് പ്രഖ്യാപിച്ച് സര്ക്കാര്... മൊബൈല്, കമ്പ്യൂട്ടര് റിപ്പയറിംഗ് കടകള്ക്ക് ചൊവ്വയും ശനിയും തുറക്കാം
സംസ്ഥാനത്ത് കൂടുതല് ലോക്ഡൗണ് ഇളവുകള് പ്രഖ്യാപിച്ച് സര്ക്കാര്. മൊബൈല് ഫോണും കമ്പ്യൂട്ടറും അറ്റകുറ്റപ്പണി നടത്തുന്ന കടകള്ക്ക് ചൊവ്വ, ശനി ദിവസങ്ങളില് പ്രവര്ത്തിക്കാന് അനുമതി നല്കി ഉത്തരവിറക്കി. മലപ്പുറം ഒഴികെയുള്ള ജില്ലകളിലാണ് ഇളവുകള് ബാധകം. ഗ്യാസ് സ്റ്റൗ അറ്റകുറ്റപ്പണി നടത്തുന്ന കടകള്, കണ്ണടകള്, ശ്രവണ സഹായികള്, കൃത്യമക്കാലുകള് എന്നിവയുടെ വില്പനയും അറ്റകുറ്റപ്പണിയും നടത്തുന്ന കടകള്ക്കും ചൊവ്വാഴ്ചയും ശനിയാഴ്ചയും തുറക്കാം. ചകിരി ഉപയോഗിച്ച് കയര് നിര്മിക്കുന്ന യന്ത്രങ്ങള് കേടുകൂടാതെ സൂക്ഷിക്കാന് ചൊവ്വ, ശനി ദിവസങ്ങളില് അവ ഉപയോഗിക്കാനും അനുമതി നല്കി. വിമണ് ഹൈജീന് സാധനങ്ങള് വില്പന സ്ഥലങ്ങളില് എ ത്തിക്കുന്ന വാഹനങ്ങള്ക്കും അനുമതി നല്കിയിട്ടുണ്ട്. ലോക്ഡൗണ് കാലാവധി ഞായറാഴ്ച അവസാനിക്കാനിരിക്കേ വീണ്ടും നീട്ടണമോ എന്ന കാര്യത്തില് ശനിയാഴ്ചത്തെ യോഗത്തില് തീരുമാനമുണ്ടാകും. കോവിഡ് വ്യാപനത്തില് കുറവുണ്ടായെങ്കില് ടെസ്റ്റ് പോസിറ്റിവിറ്റി നിരക്ക് 10 ശതമാനത്തില് താഴെയാകാത്ത സാഹചര്യത്തില് ലോക്ഡൗണ് നീട്ടാനാണു സാധ്യതയെന്നാണു സര്ക്കാര് വൃത്തങ്ങള് പറയുന്നത്.
https://www.facebook.com/Malayalivartha
