ലക്ഷദ്വീപിലെ ഇന്റര്നെറ്റ് സേവനങ്ങള് ഉടന് റദ്ദാക്കിയേക്കുമെന്ന് ഹൈബി ഈഡന് എംപി; ലക്ഷദ്വീപ് അഡ്മിനിസ്ട്രേറ്റര് പ്രഫുല് പടേലിനെതിരെ വിമര്ശനവുമായി മുന് അഡ്മിനിസ്ട്രേറ്റര് ഉമേഷ് സൈഗാള് രംഗത്ത്
ലക്ഷദ്വീപിലെ ഇന്റര്നെറ്റ് സേവനങ്ങള് ഉടന് റദ്ദാക്കിയേക്കുമെന്ന് ഹൈബി ഈഡന് എംപി. എംപി മാരുടെ സംഘം ലക്ഷദ്വീപിലേക്ക് പോകാനിരിക്കെ കടുത്ത യാത്ര നിയന്ത്രണം ഏര്പ്പെടുത്തിയിരുന്നു. കോവിഡ് വ്യാപന പശ്ചാത്തലത്തിലാണ് നടപടിയെന്നാണ് വിശദീകരണം. പുതിയ ഉത്തരവ് പ്രകാരം എഡിഎമിന്്റെ അനുമതി ഉള്ളവര്ക്ക് മാത്രമാണ് ദ്വീപിലേക്ക് സന്ദര്ശനാനുമതി. നിലവില് സന്ദര്ശനത്തിനെത്തി ദ്വീപിലുള്ളവര്ക്ക് പാസ് നീട്ടണമെങ്കിലും എഡിഎമിന്്റെ അനുമതി വേണം.
അതിനിടെ, ലക്ഷദ്വീപ് അഡ്മിനിസ്ട്രേറ്റര് പ്രഫുല് പടേലിനെതിരെ വിമര്ശനവുമായി മുന് അഡ്മിനിസ്ട്രേറ്റര് ഉമേഷ് സൈഗാള് രംഗത്തെത്തി. പുതിയ തീരുമാനങ്ങള് ദ്വീപിലെ സമാധാന അന്തരീക്ഷം തകര്ക്കുമെന്ന് ഉമേഷ് സൈഗാള് അഭിപ്രായപ്പെട്ടു. ഗുണ്ട ആക്ടും അംഗനവാടികള് അടച്ചു പൂട്ടിയതും ഉദ്യോഗസ്ഥരെ മാറ്റിയതും മത്സ്യത്തൊഴിലാളികളുടെ ഷെഡുകള് പൊളിച്ചതും തെറ്റായ നടപടികളാണ്. അഡ്മിനിസ്ട്രേറ്റര്ക്ക് പ്രത്യേക അജണ്ടയുള്ളതായി സംശയിക്കുന്നതായും ഉമേഷ് സൈഗാള് പറഞ്ഞു.
https://www.facebook.com/Malayalivartha
