വിസ്മയ മോഹന്ലാലിന്റെ 'തുടക്കം' സിനിമയുടെ ട്രെയിലര് പുറത്തുവിട്ട് അണിയറപ്രവര്ത്തകര്
മോഹന്ലാലിന്റെ മകള് വിസ്മയ മോഹന്ലാല് മലയാളത്തില് അരങ്ങേറ്റം കുറിക്കുന്ന 'തുടക്കം' സിനിമയുടെ ഔദ്യോഗിക ട്രെയിലര് പുറത്തുവിട്ട് അണിയറപ്രവര്ത്തകര്. ആശിര്വാദ് സിനിമാസിന്റെ യുട്യൂബ് ചാനലിലൂടെയാണ് ട്രെയിലര് പുറത്തിറങ്ങിയത്. വിസ്മയയുടെ ആദ്യ ചിത്രമെന്ന ഹൈപ്പിനു പുറമേ മലയാളത്തിന്റെ സ്വന്തം മോഹന്ലാലിന്റെ അതിഥി വേഷവും പ്രേക്ഷകരില് വലിയ ആകാംക്ഷയാണ് സൃഷ്ടിക്കുന്നത്. ഒന്നര മിനിറ്റിലേറെ ദൈര്ഘ്യമുള്ള ട്രെയിലറില് വിസ്മയയ്ക്കൊപ്പം മോഹന്ലാലും പ്രത്യക്ഷപ്പെടുന്നുണ്ട്. ഒരു മികച്ച ത്രില്ലര് ചിത്രമായിരിക്കും തുടക്കം എന്ന് വ്യക്തമാക്കുന്നതാണ് ട്രെയിലര് നല്കുന്ന സൂചനകള്.
സിനിമയുടെ ലോഞ്ചിനിടെ തുടക്കം ഒരു കുടുംബചിത്രമെന്ന വിശേഷണമാണ് സംവിധായകന് ജൂഡ് ആന്തണി നല്കിയിരുന്നതെങ്കിലും ട്രെയിലര് കാണുമ്പോള് സാധാരണ ഒരു കുടുംബചിത്രമായിട്ട് ഒതുങ്ങില്ലെന്നാണ് പ്രേക്ഷകരുടെ പ്രതീക്ഷ. ഓഗസ്റ്റ് ഏഴിനാണ് തുടക്കത്തിന്റെ റിലീസ്. ജൂഡ് ആന്തണിയും ലിനീഷ് നെല്ലിക്കലും അഖില് കൃഷ്ണയും ചേര്ന്നാണ് തിരക്കഥ ഒരുക്കിയിരിക്കുന്നത്. ജേക്സ് ബിജോയ് സംഗീതം പകരുന്നു. ജോമോന് ടി.ജോണ് ആണ് ഛായാഗ്രഹണം നിര്വഹിക്കുന്നത്.
ആശിര്വാദ് സിനിമാസിന്റെ ബാനറില് ആന്റണി പെരുമ്പാവൂറാണ് നിര്മ്മാണം. ചിത്രത്തിന്റേതായി ഇതിനകം പുറത്തുവന്ന ഫസ്റ്റ് ലുക്ക് പോസ്റ്ററുകളും ഏറെ ശ്രദ്ധിക്കപ്പെട്ടിരുന്നു. ആന്റണി പെരുമ്പാവൂരിന്റെ മകന് ആശിഷ് ജോ ആന്റണിയും ചിത്രത്തില് പ്രധാന വേഷത്തില് എത്തുന്നുണ്ട്.സായ്കുമാര്, മനോജ് കെ. ജയന്, കെ.ബി.ഗണേശ്കുമാര്, ബോബി കുര്യന്,ചിപ്പി, ജിബിന് ഗോപിനാഥ് തുടങ്ങിയവരാണ് മറ്റു താരങ്ങള്.
https://www.facebook.com/Malayalivartha
