രാജ്യത്ത് കാലവർഷം ശക്തി പ്രാപിക്കുന്നു . അസം ഉൾപ്പെടെയുള്ള വടക്കുകിഴക്കൻ സംസ്ഥാനങ്ങളിലും ഒഡീഷയിലും ഉത്തരേന്ത്യയിലും അതിതീവ്ര മഴ മുന്നറിയിപ്പ് നൽകിയിരിക്കുകയാണ് കേന്ദ്ര കാലാവസ്ഥാ നിരീക്ഷണ കേന്ദ്രം. അസമിൽ മരണസംഖ്യ 87 . 7 ജില്ലകളിലായി 1.28 ലക്ഷം ജനങ്ങളുടെ ജീവിതം ദുസ്സഹമാണ് .

നിരവധി ഗ്രാമങ്ങൾ വെള്ളത്തിനടിയിലാകുന്ന സാഹചര്യം . കാർഷിക മേഖലയെയും പ്രളയം സാരമായി ബാധിച്ചു. ഒഡീഷയിലെ നാല് ജില്ലകളിലും പ്രളയ ഭീഷണിയിലാണ്. ഉത്തർപ്രദേശ്, ബീഹാർ, ഡൽഹി-എൻസിആർ എന്നിവയുൾപ്പെടെ 17 സംസ്ഥാനങ്ങളിൽ കനത്ത മഴയ്ക്കും ഇടിമിന്നലിനും സാധ്യതയുള്ളതായി കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ് .

ഓഗസ്റ്റ് 4 ചൊവ്വാഴ്ചത്തെ കാലാവസ്ഥാ നിരീക്ഷണ കേന്ദ്രത്തിന്റെ പ്രവചനം അനുസരിച്ച് ഡൽഹിയിലും നോയിഡയിലെ സമീപ ജില്ലകളിലും മണിക്കൂറിൽ 35 കിലോമീറ്റർ വേഗതയിലുള്ള കാറ്റിനും ഇടിമിന്നലോട് കൂടിയ മഴയ്ക്കും സാധ്യത .

ഇന്ത്യയുടെ ചില ഭാഗങ്ങളിൽ മൺസൂൺ ശക്തി പ്രാപിക്കുന്നതിനാലാണ് വിവിധ സംസ്ഥാനങ്ങളിൽ കനത്ത മഴയ്ക്കും കൊടുങ്കാറ്റിനും സാധ്യയുണ്ടെന്ന മുന്നറിയിപ്പ് നൽകിയത്. ഇന്ന് നാല് സംസ്ഥാനങ്ങളിൽ റെഡ് അലേർട്ടും ആറ് സംസ്ഥാനങ്ങളിൽ ഓറഞ്ച് അലേർട്ടുമാണ് കേന്ദ്രകാലാസ്ഥ വകുപ്പ് പ്രഖ്യാപിച്ചത്.