മന്ത്രി എ.കെ. ശശീന്ദ്രന് വീരപ്പന്‍ പുരസ്കാരം!; വനം വകുപ്പ് മന്ത്രിക്കെതിരെ പ്രതീകാത്മക പ്രതിഷേധവുമായി എന്‍.സി.കെ പാര്‍ട്ടി
മരംമുറിക്കല്‍ വിവാദത്തില്‍ മന്ത്രി എ.കെ. ശശീന്ദ്രന് വീരപ്പന്‍ പുരസ്കാരം സമ്മാനിച്ച്‌ എന്‍.സി.കെ പാര്‍ട്ടി പ്രവര്‍ത്തകരുടെ പ്രതിഷേധം. രണ്ടാം പിണറായി സര്‍ക്കാരിലെ ഏറ്റവും മികച്ച അഴിമതി മന്ത്രിക്കുള്ള അവാര്‍ഡ് പ്രതിഷേധക്കാര്‍ പ്രതീകാത്മകമായി ശശീന്ദ്രന് നല്‍കുകയായിരുന്നു. എറണാകുളം പാലാരിവട്ടം ഫോറെസ്റ്റ് ഓഫീസിനു മുന്നില്‍ നടന്ന പ്രതിഷേധ സമരത്തിലായിരുന്നു പ്രതീകാത്മകമായി പുരസ്കാരം സമ്മാനിച്ചത്.
.
കേരള സംസ്ഥാനം രൂപം കൊണ്ട ശേഷമുണ്ടായ ഏറ്റവും ആസൂത്രിതവും സംഘടിതവുമായ വനം കൊള്ളയാണ് എല്‍.ഡി.എഫ് സര്‍ക്കാരിന്റെ കാലത്ത് നടന്നതെന്ന് എന്‍.സി.കെ സംസ്ഥാന ജനറല്‍ സെക്രട്ടറി പ്രദീപ് പാറപ്പുറം അഭിപ്രായപ്പെട്ടു. അഴിമതിക്കാരായ ഉദ്യോഗസ്ഥന്മാരെ ന്യായികരിച്ചു മന്ത്രി അവശനായി മാറിയിരിക്കുകയാണ്. ഈ കൊള്ളക്ക് പിന്നില്‍ മുന്‍ ഗതാഗത വകുപ്പ് മന്ത്രിയുടെയും ഒത്താശയും പിന്തുണയും ഉണ്ടായിരുന്നു. വനം കൊള്ളക്ക് ചുക്കാന്‍ പിടിച്ചവരും നിരവധി തട്ടിപ്പ് കേസിലെ പ്രതികളുമായ മംഗോ ഫോണ്‍ ഉടമകളുമായ അടച്ചിട്ട മുറിയില്‍ ചര്‍ച്ച ചെയ്തത് എന്തിനെന്ന് ഇപ്പോഴത്തെ വനം വകുപ്പ് മന്ത്രി വ്യക്തമാക്കണമെന്നും അദ്ദേഹം ആവശ്യപ്പെട്ടു.
https://www.facebook.com/Malayalivartha
