പുനലൂരിൽ നിന്നു പാലക്കാട്ടേക്കു‌‌ പോവുകയായിരുന്ന പാലരുവി സ്പെഷൽ ട്രെയിനിനു മുൻപിലേയ്ക്ക് ചാടിയ യുവാവ് ട്രാക്കിനു നടുവിൽ കിടന്നു... പാളത്തിൽ ആളു കിടക്കുന്നതു ദൂരെ നിന്നേ കണ്ട എൻജിൻ ഡ്രൈവർ ഹോൺ മുഴക്കി ബ്രേക്ക് ഇട്ടെങ്കിലും യുവാവ് ട്രെയിനിന് അടിയിലായത് കണ്ടതോടെ ഇദ്ദേഹത്തിന്റെ ഭാര്യ ബോധരഹിതയായി....

കോതനല്ലൂർ റെയിൽവേ ഗേറ്റിനു സമീപം ഇന്നലെ രാവിലെ 7.45 നാണു സംഭവം ഉണ്ടായത് . കോതനല്ലൂരിൽ വാടകയ്ക്കു താമസിക്കുന്ന പാറമ്പുഴ കരിങ്കുഴി വീട്ടിൽ രാജേഷ് (47) ആണ് പുനലൂരിൽ നിന്നു പാലക്കാട്ടേക്കു‌‌ പോവുകയായിരുന്ന പാലരുവി സ്പെഷൽ ട്രെയിനിനു ട്രെയിനിന് മുന്നിലേയ്ക്ക് ചാടിയത് .

ട്രാക്കിനടിയിൽ പെട്ടെങ്കിലും സാരമായ പരുക്കില്ല. പക്ഷെ നാട്ടുകാർ പുറത്തെടുക്കാൻ ശ്രമിച്ചെങ്കിലും കഴിഞ്ഞില്ല. കടുത്തുരുത്തിയിൽ നിന്നു പൊലീസും അഗ്നിശമന സേനയും റെയിൽവേ പൊലീസും എത്തിയതിനു ശേഷം ഒരുമണിക്കൂർ പരിശ്രമിച്ചതിനു ശേഷമാണ് രാജേഷിനെ പുറത്തെടുക്കാനായത് . നാട്ടുകാരിൽ ഒരാൾ ട്രെയിനിന് അടിയിൽ കയറി പുറത്തേക്കു വലിച്ചെടുക്കുകയായിരുന്നു...

സംഭവം കണ്ടു നിന്ന ഇദ്ദേഹത്തിന്റെ ഭാര്യ കുഴഞ്ഞു വീണു. ഇരുവരെയും കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. സംഭവത്തെത്തുടർന്നു കോട്ടയം – എറണാകുളം പാതയിൽ ഒരു മണിക്കൂറോളം ട്രെയിൻ ഗതാഗതം തടസ്സപ്പെട്ടു.

യുവാവിന് എതിരെ റെയിൽവേ പൊലീസ് കേസെടുത്തു. മനോദൗർബല്യമുണ്ടെന്നു സംശയിക്കുന്നതായി പൊലീസ് പറഞ്ഞു