വീട്ടമ്മയുടെ അക്കൗണ്ടില് നിന്നും പലപ്പോഴായി നഷ്ടപ്പെട്ടത് മൂന്നു ലക്ഷം രൂപ; അന്വേഷണം ചെന്നത്തിയത് സ്വന്തം വീട്ടില് തന്നെ!
ആലുവ സ്വദേശിയായ വീട്ടമ്മയുടെ അക്കൗണ്ടില് നിന്നും പലപ്പോഴായി നഷ്ടപ്പെട്ടത് മൂന്നു ലക്ഷം രൂപ. അവിചാരിതമായി അക്കൗണ്ട് പരിശോധിച്ചപ്പോഴാണ് പലപ്പോഴായി പണം അക്കൗണ്ടില് നിന്നു പോയതായി അറിഞ്ഞത്. അക്കൗണ്ടില് നിന്നു പണം നഷ്ടപ്പെട്ടെന്ന വീട്ടമ്മയുടെ പരാതിയില് നടത്തിയ അന്വേഷണത്തിലാണ് സംഭവത്തിന്റെ ഗൗരവം മനസ്സിലായത്. എസ്.പി.യുടെ നേതൃത്വത്തില് സൈബര് പോലീസ് സ്റ്റേഷനിലെ പ്രത്യേക വിഭാഗം അന്വേഷിച്ചപ്പോഴാണ് ഫ്രീ ഫയര് എന്ന ഗെയിം കളിച്ച് സ്വന്തം മകനാണ് പണം കളഞ്ഞതെന്ന് മനസ്സിലായത്.
ഒമ്പതാം ക്ലാസ് വിദ്യാര്ഥിയാണ് ഓണ്ലൈന് ഗെയിം കളിച്ച് മൂന്നു ലക്ഷത്തോളം രൂപ നഷ്ടപ്പെടുത്തിയത്. ഗെയിം ലഹരിയിലായ വിദ്യാര്ഥി 40 രൂപ മുതല് നാലായിരം രൂപ വരെ ഒരു സമയം ചാര്ജ് ചെയ്താണ് കളിച്ചുകൊണ്ടിരുന്നത്. ഒരു ദിവസം തന്നെ പത്തു പ്രാവശ്യം ചാര്ജ് ചെയ്തിട്ടുണ്ട്. സംഭവം മാതാപിതാക്കള് അറിഞ്ഞു വന്നപ്പോഴേക്കും ലക്ഷങ്ങള് നഷ്ടപ്പെട്ടിരുന്നു.
https://www.facebook.com/Malayalivartha