വൈറല് വീഡിയോ പങ്കുവെച്ചതിന് തന്റെ അക്കൗണ്ടും ബ്ലോക്ക് ചെയ്തിരുന്നു; കേന്ദ്ര മന്ത്രിയുടെ അക്കൗണ്ട് ലോക്ക് ചെയ്ത സംഭവത്തില് ട്വിറ്ററില് നിന്ന് വിശദീകരണം തേടുമെന്ന് ശശി തരൂര്
കേന്ദ്ര ഐടി മന്ത്രി രവിശങ്കര് പ്രസാദിന്റെ അക്കൗണ്ട് ലോക്ക് ചെയ്ത സംഭവത്തില് ട്വിറ്ററില് നിന്ന് വിശദീകരണം തേടുമെന്ന് ശശി തരൂര്. മന്ത്രിയുടെ അക്കൗണ്ട് ലോക്ക് ചെയ്യാനുണ്ടായ കാരണം, നടപടികള് എന്നിവ ആരായും. 'റാസ്പുടിന് ' വൈറല് വീഡിയോ പങ്കുവെച്ചതിന് തന്റെ അക്കൗണ്ടും ട്വിറ്റര് ഒരുതവണ ബ്ലോക്ക് ചെയ്തിരുന്നെന്നും തരൂര് പറഞ്ഞു. പാര്ലമെന്ററി സ്റ്റാന്ഡിങ് കമ്മിറ്റി ചെയര്മാനാണ് തരൂര്.
ഒര് മണിക്കൂറോളമാണ് ട്വിറ്റര് കേന്ദ്രമന്ത്രിയുടെ അക്കൗണ്ട് ലോക്ക് ചെയ്തത്. ട്വിറ്റര് അവകാശപ്പെടും പോലെ അവര് അഭിപ്രായ സ്വാതന്ത്ര്യത്തിന്റെ വക്താക്കളല്ലെന്ന് ഈ നടപടി വ്യക്തമാക്കുന്നെന്നായിരുന്നു മന്ത്രിയുടെ വിമര്ശനം. ട്വിറ്റര് വരക്കുന്ന വരയില് നിന്നില്ലങ്കില് ഏകപക്ഷീയമായി നീക്കം ചെയ്യുമെന്ന ഭീഷണിയാണിത്. സ്വന്തം അജണ്ട നടപ്പാക്കാനാണ് ട്വിറ്ററിന് താല്പ്പര്യം. ഏത് പ്ലാറ്റ്ഫോം ആണെങ്കിലും ഐടി ചട്ടം നടപ്പാക്കേണ്ടിവരുമെന്നും രവിശങ്കര് പ്രസാദ് പറഞ്ഞു.
https://www.facebook.com/Malayalivartha
