'പാവപ്പെട്ട പട്ടികജാതിക്കാര്ക്ക് കിട്ടേണ്ട പണം സിപിഎമ്മുകാര് തട്ടിയെടുക്കുന്നു'; പട്ടികജാതി ക്ഷേമഫണ്ട് രാഷ്ട്രീയ സ്വാധീനം ഉപയോഗിച്ച് സി പി എം നേതാക്കള് തട്ടിയെടുക്കുന്നുവെന്ന് ബി ജെ പി സംസ്ഥാന അദ്ധ്യക്ഷന് കെ സുരേന്ദ്രന്
കേന്ദ്ര സര്ക്കാര് കേരളത്തിലെ തദ്ദേശ സ്വയംഭരണ സ്ഥാപനങ്ങള്ക്ക് നല്കുന്ന പട്ടികജാതി ക്ഷേമഫണ്ട് രാഷ്ട്രീയ സ്വാധീനം ഉപയോഗിച്ച് സി പി എം നേതാക്കള് തട്ടിയെടുക്കുന്നുവെന്ന് ബി ജെ പി സംസ്ഥാന അദ്ധ്യക്ഷന് കെ സുരേന്ദ്രന് ആരോപിച്ചു. തിരുവനന്തപുരത്തെ ഒരു എസ് സി പ്രമോട്ടറെ സ്വാധീനിച്ച് ഡി വൈ എഫ്ഐ സംസ്ഥാന സമിതി അംഗം ഫണ്ട് തട്ടിയത് ഇതിന്റെ ഉദാഹരണമാണെന്നും വാര്ത്താസമ്മേളനത്തില് അദ്ദേഹം പറഞ്ഞു.
'ഡി വൈ എഫ്ഐ സംസ്ഥാന സമിതി അംഗത്തിന്റെ അമ്മയുടേയും അച്ഛന്റെയും അക്കൗണ്ടിലേക്ക് ട്രഷറി വഴി പണം എത്തിയെന്ന് എസ് സി പ്രമോട്ടര് പരാതി നല്കിയിട്ടും സര്ക്കാര് അവഗണിച്ചു. 2016 മുതല് പണം വരുന്നുണ്ടെങ്കിലും ഒരു നടപടിയും സര്ക്കാര് സ്വീകരിച്ചില്ല. പാവപ്പെട്ട പട്ടികജാതിക്കാര്ക്ക് കിട്ടേണ്ട പണം അക്കൗണ്ട് നമ്ബര് മാറ്റി സിപിഎമ്മുകാര് തട്ടിയെടുക്കുകയാണ്. ഈ കേസില് പൊലീസ് എഫ്ഐആര് ഇട്ടെങ്കിലും അവരുടെ അനാസ്ഥ കാരണം പ്രതികള്ക്ക് ജാമ്യം ലഭിച്ചു. തിരുവനന്തപുരത്തേത് മഞ്ഞുമലയുടെ ഒരു അറ്റം മാത്രമാണ്. കേരളത്തിലെ എല്ലാ നഗരസഭകളിലും ഇത്തരം തട്ടിപ്പ് നടക്കുന്നുണ്ട്. എസ് സി പ്രമോട്ടര്മാര് വഴിയാണ് അഴിമതി നടക്കുന്നത്. പട്ടികജാതി-പട്ടികവര്ഗ ക്ഷേമ വകുപ്പ് മന്ത്രിയായിരുന്ന എകെ ബാലന് അഴിമതിയുടെ കാര്യങ്ങള് നേരത്തെ അറിയാമായിരുന്നെങ്കിലും അദ്ദേഹം കണ്ണടച്ചു -സുരേന്ദ്രന് പറഞ്ഞു.
'സിപിഎം സംസ്ഥാന സെക്രട്ടറി എ വിജയരാഘവന് ഉള്പ്പെടെയുള്ള നേതാക്കള്ക്ക് പരാതി നല്കിയിട്ടും ഫലമുണ്ടായില്ല. പഠനത്തിനും മറ്റു കാര്യത്തിനുമായി പട്ടികജാതി വിഭാഗത്തിന് കിട്ടേണ്ട പണം സിപിഎം നേതാക്കള് അടിച്ചു മാറ്റിയത് ഉന്നത നേതാക്കള് അറിഞ്ഞിട്ടും അഴിമതി മറച്ചുവച്ചു. ഈ കേസില് സമഗ്രമായ അന്വേഷണം വേണം. മുഖ്യമന്ത്രി ഇടപെട്ട് എന്താണ് നടന്നതെന്ന് വിശദീകരിക്കണം. കേന്ദ്ര-സംസ്ഥാന പട്ടികജാതി കമ്മീഷനുകള് പ്രശ്നത്തില് ഇടപെടണം. ട്രഷറി ഉദ്യോഗസ്ഥര്ക്കും പട്ടികജാതി വകുപ്പിലെ ഉദ്യോഗസ്ഥര്ക്കും സംഭവത്തില് പങ്കുണ്ടെന്നും സുരേന്ദ്രന് ആരോപിച്ചു.
'സ്വര്ണക്കടത്ത് കേകേസില് പ്രതിയായ സരിത്തിനെ കൊണ്ട് ബിജെപി നേതാക്കള്ക്കെതിരെ മൊഴി കൊടുക്കാന് നിര്ബന്ധിച്ചത് ജയില് സൂപ്രണ്ടാണ്. മുഖ്യമന്ത്രിയുടെ കീഴിലുള്ള ജയില് വകുപ്പിലാണ് അധികാര ദുര്വിനിയോഗം നടന്നത്. സിപിഎം നിയന്ത്രണത്തിലുള്ള ജുഡീഷ്യല് കമ്മീഷന്്റെ മുമ്ബില് കേന്ദ്രമന്ത്രി വി.മുരളീധരന്റെ ഉള്പ്പെടെ ബിജെപി-കോണ്ഗ്രസ് നേതാക്കളുടെ പേര് വരുത്താനാണ് ശ്രമം. നീചമായ കാര്യങ്ങളാണ് കേരളത്തില് നടക്കുന്നത്. ജയിലില് പ്രതികള് മയക്കുമരുന്ന് ഉപയോഗിക്കുന്നുണ്ടെങ്കില് ഉത്തരവാദികള് ജയില്വകുപ്പാണെന്നും കെ.സുരേന്ദ്രന് പറഞ്ഞു.
https://www.facebook.com/Malayalivartha
