അന്ന് മരണത്തിൽ നിന്ന് ജീവിതത്തിലേക്ക്; ഒടുവിലിതാ അബ്ദുള് ജബ്ബാര് മരണത്തിന് മുന്നിൽ കീഴടങ്ങി
പോസ്റ്റ്മോര്ട്ടത്തില് നിന്ന് ജീവിതത്തിലേക്ക് തിരിച്ച് വന്ന കൊച്ചി സ്വദേശിയുടെ ജീവിതാനുഭവം വാർത്തകളിൽ നിറഞ്ഞതാണ്. മാഹി പുത്തലത്ത് താമസിക്കുന്ന അബ്ദുള് ജബ്ബാര് ഇന്ന് അന്തരിച്ചു. വാര്ധക്യ സഹജമായ അസുഖങ്ങളെ തുടര്ന്ന് കണ്ണൂരിലെ സ്വകാര്യ ആശുപത്രിയിലായിരുന്നു ജബ്ബാറിന്റെ അന്ത്യം.
1973 ജനുവരിയിലാണ് മരണത്തിൽ നിന്നും ഒരു തിരിച്ചു വന്ന സംഭവം നടക്കുന്നത് . ദുബായില് ഇലക്ട്രോണിക് ടെക്നീഷ്യനായിരുന്നു അബ്ദുള് ജബ്ബാര്. നാട്ടില് വന്ന ശേഷം 30 ന് ദുബായ്ക്ക് മടങ്ങാന് അദ്ദേഹം വണ്ടി പിടിച്ചു. മംഗളൂരുവില് നിന്ന് ബസില് മുംബൈയില് എത്തിയ ശേഷം അവിടെ നിന്ന് ദുബായ്ക്ക് വിമാനത്തില് പോകാനായിരുന്നു തീരുമാനിച്ചത്.
മംഗളൂരുവില് നിന്ന് മുംബൈയ്ക്കുള്ള യാത്രയ്ക്കിടെ അബ്ദുള് ജബ്ബാര് സഞ്ചരിച്ച വാഹനം അപകടത്തില്പ്പെട്ടു.അപകടത്തില് ജബ്ബാറിന്റെ മരണം ഡോക്ടര്മാര് സ്ഥിരീകരിച്ചു.ശേഷം പോസ്റ്റ്മോര്ട്ടത്തിന്റ ഭാഗമായി തലയോട്ടിയില് കണ്ണിന് മുകളില് പതിഞ്ഞ ആദ്യ അടിയില് കൈവിരല് ചെറുതായൊന്ന് ചലിച്ചതായി ഡോക്ടര് കണ്ടെത്തി. ഉടന് വേണ്ട ചികിത്സ നല്കി ജീവന് രക്ഷിച്ചെടുക്കുകയായിരുന്നു. തലയോട്ടിയിലെ ആ അടിയില് അബ്ദുള് ജബ്ബാറിന്റെ ഒരു കണ്ണിന്റെ കാഴ്ച പൂര്ണമായി നഷ്ടപ്പെട്ടിരുന്നു.
https://www.facebook.com/Malayalivartha
