അലനും സ്നേഹയ്ക്കും ഇനി വൈദ്യുതി വെളിച്ചത്തില് പഠിക്കാം...വൈദ്യുതിയില്ലെന്ന് പരാതിപ്പെട്ട വിദ്യാര്ത്ഥിയുടെ വീട്ടില് നാലാം ദിവസം വൈദ്യുതി ലഭിച്ചു
കൊവിഡ് പശ്ചാത്തലത്തില് ഓണ്ലൈന് പഠനകാലത്ത് വൈദ്യുതിയില്ലാത്ത വീട്ടില് മൊബൈല് ഫോണില് പഠനം ദുസ്സഹമായ അലനും സ്നേഹയ്ക്കും ഇനി വൈദ്യുതി വെളിച്ചത്തില് പഠിക്കാം. വര്ഷങ്ങളായി വൈദ്യുതിയില്ലാത്ത വീട്ടില് മന്ത്രി പി. പ്രസാദിന്റെ ഇടപെടലിലൂടെ വൈദ്യുതി കണക്ഷന് ലഭിച്ചു. വീട്ടിലെ വൈദ്യുതിയുടെ സ്വിച്ച് ഓണ് കര്മം മന്ത്രി നേരിട്ടെത്തി നിര്വഹിച്ചു.
പട്ടണക്കാട് ആറാട്ടുവഴി മാണിയാംപൊഴിയില് എം. സി. പ്രിന്സിന്റെ മകന് അലന് പ്രിന്സ് എന്ന മൂന്നാം ക്ലാസുകാരനാണ് മന്ത്രിക്ക് പരാതി നല്കിയത്. വൈദ്യുതിയില്ലാത്തതിനാല് പഠിക്കാനാകുന്നില്ലെന്നും ഇടപെടണമെന്നും ആവശ്യപ്പെട്ട് സ്കൂള് ഹെഡ്മാസ്റ്റര് മുഖേനയാണ് അലന് കൃഷി മന്ത്രിക്ക് പരാതി നല്കിയത്. പരാതി സംബന്ധിച്ച് അന്വേഷണം നടത്തി അടിയന്തര നടപടി സ്വീകരിക്കണമെന്ന് പട്ടണക്കാട് സെക്ഷന് ഓഫീസിലെ അസിറ്റന്ന്റ് എന്ജിനീയര് ടി. പ്രദീപിന് മന്ത്രി അടിയന്തര നിര്ദേശം നല്കുകയായിരുന്നു.
വൈദ്യുതി വകുപ്പ് ഉദ്യോഗസ്ഥര് അലന് താമസിക്കുന്ന സ്ഥലത്ത് എത്തുകയും വൈദ്യുതി ലൈന് വലിക്കുന്നതിന് അയല്വാസികളുടെ അനുവാദം വേണമെന്ന് കാണുകയും ചെയ്തു. തുടര്ന്ന് അയല്വാസികളുമായി ചര്ച്ച നടത്തി സമ്മതം വാങ്ങിയതോടെ നടപടികള് വേഗത്തിലായി. മൂന്ന് പോസ്റ്റ് നാട്ടി 15 മീറ്റര് ലൈന് വലിച്ചാണ് വൈദ്യുതി കണക്ഷന് നല്കിയത്. പണി പൂര്ത്തിയാകാത്ത വീട്ടില് സൗജന്യമായി ലൈന് വലിച്ചാണ് ഉദ്യോഗസ്ഥര് വൈദ്യുതി കണക്ഷന് നല്കിയത്.
https://www.facebook.com/Malayalivartha
