രാജ്യത്തിനെ കാക്കാന്‍ മലയാളക്കരയില്‍ നിന്നും ആ ചുണക്കുട്ടി. അസാം റൈഫിള്‍സിലെ ഏക മലയാളി യുവതിയായ ആതിര കെ. പിള്ളയാണ് രാജ്യത്തെ ഞെട്ടിച്ച കൊച്ചുമിടുക്കി. ബുള്ളറ്റ് പ്രൂഫ് ജാക്കറ്റണിഞ്ഞ് എ.കെ.47 പെണ്‍കുട്ടി. കാശ്മീര്‍ താഴ്വരയിലെ ഗന്ധര്‍ ബല്ലിലെ ഇന്ത്യയുടെ സൈനിക പോസ്റ്റിലാണ് ഈ പെണ്‍ സാന്നിധ്യം അറിയാന്‍ സാധിക്കുന്നത്.

അതിര്‍ത്തി കാക്കുന്ന വിവിധ സേനകളിലെ വനിതാ സൈനികരിലെ ഏക മലയാളി പെണ്‍കുട്ടി എന്ന വിശേഷണവും ഇനിമുതല്‍ ആതിരയ്ക്ക് സ്വന്തം.കായംകുളം പുള്ളിക്കണക്ക് തെക്കേ മങ്കുഴി ഐക്കര കിഴക്കേതില്‍ വീട്ടിലാണ് ആതിര. പിതാവ് കാണിച്ചു തന്ന അതേ പാത പിന്തുടരുകയാണ് ഈ ഇരുപത്തിയഞ്ചുകാരി .

അസാം റൈഫിള്‍സില്‍ സൈനികനായിരിക്കെ പതിമൂന്ന് വര്‍ഷം മുന്‍പാണ് അച്ഛന്‍ കേശവപിള്ള മരിച്ചത്., അച്ഛന്‍ ചെയ്ത അതേ ജോലി ചെയ്യണമെന്ന് വലിയ ആഗ്രഹം ആതിരയ്ക്ക് കുഞ്ഞു കാലം മുതല്‍ക്കേ ഉണ്ടായിരുന്നു. സേനയില്‍ ചേരണമെന്ന മോഹം ചെറുപ്പത്തിലേ അവള്‍ക്ക് ഉണ്ടായിരുന്നു .

അച്ഛന്‍ മരിക്കുമ്പോള്‍ ആതിരയ്ക്ക് പ്രായം പന്ത്രണ്ട് മാത്രം ആയിരുന്നു . മന്ദിരം എല്‍. പി. എസ്, വി. വി. എച്ച്. എസ് താമരക്കുളം എന്നിവിടങ്ങളിലായിരുന്നു സ്‌കൂള്‍ വിദ്യാഭ്യാസം. പ്രൈവറ്റായി പഠിച്ച് ഡിഗ്രി സമ്പാദി?ച്ചു. പഠനം പൂര്‍ത്തിയായതോടെ അച്ഛന്‍ ജോലി ചെയ്തിരുന്ന അസാം റൈഫിള്‍സില്‍ത്തന്നെ ജോലി തേടിപ്പോയി.




ഷില്ലോംഗിലെ റിക്രൂട്‌മെന്റ് ക്യാമ്പില്‍ പങ്കെടുത്തു. നാലുവര്‍ഷം മുന്‍പ് സൈന്യത്തില്‍ ചേര്‍ന്ന ആതിര നാഗാലാന്റ്, മണിപ്പൂര്‍ എന്നിവിടങ്ങളിലെ സേവനത്തിനുശേഷമാണ് നാലു മാസം മുമ്പ് കാശ്മീരിലെ അതിര്‍ത്തി ജില്ലയായ ഗന്ധര്‍ബാലില്‍ എത്തിയത്.


ആതിര ഉള്‍പ്പെടെ നാല് വനിതകളുണ്ട് ഗന്ധര്‍ബാലില്‍. അസം റൈഫിള്‍സിലെ ഇന്‍ഫര്‍മേഷന്‍ വാര്‍ഫെയര്‍ വിഭാഗത്തിലാണ് ജോലി. പട്രോളിംഗിനൊപ്പം നാട്ടുകാരുമായുള്ള ബന്ധം മെച്ചപ്പെടുത്തുകയാണ് പ്രധാനമായും ഇവര്‍ക്കുള്ള ചുമതല. അതിര്‍ത്തിയിലെ പെണ്‍കുട്ടികളില്‍ ദേശസ്‌നേഹം വളര്‍ത്തുകയും ഇവരുടെ ലക്ഷ്യമാണ്.



വീടുകള്‍ കയറിയുള്ള പരിശോധനകളുമുണ്ട്.കാശ്മീര്‍ താഴ്വരകളില്‍ കരുത്തോടെ കാവല്‍ നില്‍ക്കുമ്പോള്‍ രാജ്യത്തിന്റെ സുരക്ഷ മാത്രമാണ് ആതിരയുടെ മുന്നില്‍ ഉണ്ടായിരുന്നത് . ജയലക്ഷ്മിയാണ് മാതാവ്. ഭര്‍ത്താവ് സ്മിതീഷ് പ്രവാസിയാണ്. അഭിലാഷാണ് സഹോദരന്‍.അക്ഷരാര്‍ത്ഥത്തില്‍ കൊച്ചു മിടുക്കി രാജ്യത്തെ മുഴുവന്‍ ഞെട്ടിച്ചിരിക്കുകയാണ്.