സ്റ്റേഷനുകളിലെത്തുന്നവരുടെ പരാതി ഇന്സ്പെക്ടര് നേരിട്ട് കേള്ക്കണം..... അറസ്റ്റിലാകുന്നവരുടെയും സ്റ്റേഷനുകളില് രാത്രി കഴിയുന്നവരുടെയും പൂര്ണവിവരം ഡിവൈ.എസ്.പിമാര് അറിയണം.... പുതിയ നിര്ദേശങ്ങള് മുന്നോട്ടുവച്ച് സംസ്ഥാന പൊലീസിന് പുതുമുഖം നല്കാനൊരുങ്ങി ഡി.ജി.പി അനില്കാന്ത്...
സ്റ്റേഷനുകളിലെത്തുന്നവരുടെ പരാതി ഇന്സ്പെക്ടര് നേരിട്ട് കേള്ക്കണം..... അറസ്റ്റിലാകുന്നവരുടെയും സ്റ്റേഷനുകളില് രാത്രി കഴിയുന്നവരുടെയും പൂര്ണവിവരം ഡിവൈ.എസ്.പിമാര് അറിയണം.... പുതിയ നിര്ദേശങ്ങള് മുന്നോട്ടുവച്ച് സംസ്ഥാന പൊലീസിന് പുതുമുഖം നല്കാനൊരുങ്ങി ഡി.ജി.പി അനില്കാന്ത്...
വനിതകള്ക്കെതിരായ അതിക്രമ പരാതികള് കീഴുദ്യോഗസ്ഥരെ ഏല്പിക്കാതെ സ്റ്റേഷന് ഹൗസ് ഓഫീസര് തന്നെ ഏറ്റെടുത്ത് അടിയന്തരമായി പരിഹരിക്കുകയും പരാതിക്കാരെക്കൊണ്ട് സ്റ്റേഷനറി സാധനം വാങ്ങിപ്പിക്കുന്നതുപോലുള്ള തരംതാണ പരിപാടികള് അവസാനിപ്പിക്കുകയും ചെയ്യുന്നതടക്കം പുതിയ നിര്ദേശങ്ങള് മുന്നോട്ടുവച്ച് സംസ്ഥാന പൊലീസിന് പുതുമുഖം നല്കാന് ഡി.ജി.പി അനില്കാന്ത്. കാര്യക്ഷമത വര്ദ്ധിപ്പിക്കാനുള്ള നടപടികള് നിര്ദേശിച്ചിട്ടുണ്ട്.
മനുഷ്യാവകാശങ്ങളുടെ സംരക്ഷകരാകേണ്ട പൊലീസ് കുറ്റവാളികളെ നിയമവിരുദ്ധമായി തടഞ്ഞുവച്ചാല് കര്ശന നടപടി സ്വീകരിക്കും.പരാതി ലഭിച്ചാലുടന് നടപടികള് സ്വീകരിക്കുകയും അതിക്രമത്തിന് ഇരയാകുന്നവരുടെ സുരക്ഷ ഉറപ്പാക്കുകയും വേണം.
രാഷ്ട്രീയം ഉള്പ്പെടെയുള്ള കാര്യങ്ങളില് പൊലീസ് ഉദ്യോഗസ്ഥര് സാമൂഹ്യ മാദ്ധ്യമങ്ങളില് അഭിപ്രായം പറയരുത്. സാമൂഹ്യമാദ്ധ്യമങ്ങളില് സ്വകാര്യ അക്കൗണ്ട് തുടങ്ങാന് ഔദ്യോഗിക ഇ-മെയില് വിലാസവും ഫോണ് നമ്പറും ഉപയോഗിക്കരുത്.
സ്റ്റേഷനുകളിലെത്തുന്നവരുടെ പരാതി ഇന്സ്പെക്ടര് നേരിട്ട് കേള്ക്കണം. ഗൗരവമുള്ള പരാതികളില് അടിയന്തരമായി എഫ്.ഐ.ആര് ഫയല് ചെയ്യണം. ഇക്കാര്യം സ്റ്റേഷന് ഹൗസ് ഓഫീസറോ ഡിവൈ.എസ്.പിയോ നിരീക്ഷിക്കണം. പരാതികള്ക്ക് കൈപ്പറ്റ് രസീത് നല്കുന്നുവെന്ന് ഉറപ്പാക്കണം.
സ്റ്റേഷനുകളില് വേണ്ട സ്റ്റേഷനറി സാധനങ്ങള് പരാതിക്കാരെക്കൊണ്ട് വാങ്ങിപ്പിക്കുന്നത് ഒഴിവാക്കണം. ഇവ വാങ്ങാന് സ്റ്റേഷനുകള്ക്ക് പെര്മനന്റ് അഡ്വാന്സായി 5,000 രൂപ നല്കും.
അറസ്റ്റിലാകുന്നവരുടെയും സ്റ്റേഷനുകളില് രാത്രി കഴിയുന്നവരുടെയും പൂര്ണവിവരം ഡിവൈ.എസ്.പിമാര് അറിയണം. അനധികൃത കസ്റ്റഡിയില്ലെന്ന് ഉറപ്പാക്കാനാണിത്.
അറസ്റ്റിലാകുന്നവരുടെ വൈദ്യപരിശോധന പൂര്ത്തിയാക്കി നിശ്ചിത സമയത്തിനകം കോടതിയില് ഹാജരാക്കണം. കേസ് രജിസ്റ്റര് ചെയ്താലും ഇല്ലെങ്കിലും ഇന്സ്പെക്ഷന് മെമ്മോ തയ്യാറാക്കണം. നാട്ടുകാര് പിടികൂടി ഏല്പ്പിക്കുന്ന കുറ്റവാളികളുടെ ദേഹപരിശോധന നടത്തി പരിക്കുകള് കണ്ടെത്തിയാല് വിവരം ഇന്സ്പെക്ഷന് മെമ്മോയില് രേഖപ്പെടുത്തണം.
വൈദ്യപരിശോധന നടത്തി തുടര്നടപടിയെടുക്കണം.മറ്റ് നിര്ദ്ദേശങ്ങള് ക്രിമിനലുകളെ ചോദ്യം ചെയ്യുമ്പോള് സ്റ്റേഷന് ഹൗസ് ഓഫീസറുടെയും അന്വേഷണ ഉദ്യോഗസ്ഥന്റെയും സാന്നിധ്യം നിര്ബന്ധം പൊലീസ് സ്ക്വാഡും, ഷാഡോ പൊലീസും പിടികൂടുന്ന ക്രിമിനലുകളെ ചോദ്യം ചെയ്യാന് ഹൗസ് ഓഫീസര്മാര് മടിക്കരുത് .
ഷാഡോ ടീം ചോദ്യം ചെയ്യുന്നത് മിക്കപ്പോഴും കൊടിയ പീഡനങ്ങളില് കലാശിക്കുന്നു പിടികൂടി സ്റ്റേഷനില് കൊണ്ടുവരുന്നവര് ലഹരി ഉപയോഗിച്ചിട്ടുണ്ടെങ്കില് ഉടന് വൈദ്യപരിശോധനയ്ക്ക് വിധേയരാക്കണം സ്റ്റേഷനുകളുടെ ദൈനംദിന പ്രവര്ത്തനങ്ങള് ജില്ലാ പൊലീസ് മേധാവിയും ഡിവൈ.എസ്.പിയും ശ്രദ്ധിക്കണം.
https://www.facebook.com/Malayalivartha
