തലയില് കൈവച്ച് ജോസഫ്... പാലായില് കേരള കോണ്ഗ്രസ് സ്ഥാനാര്ത്ഥിയെ തോല്പ്പിച്ച് കളി തുടങ്ങിയ പിജെ ജോസഫ് അവസാനം ജോസ് കെ മാണിയെ തന്നെ യുഡിഎഫില് നിന്നും പുറത്താക്കി; പുറത്തായ ജോസ് കെ മാണിയും കൂട്ടരും ഭരണത്തിലിരിക്കുമ്പോള് തകര്ച്ചയുടെ വക്കിലായി കൂട്ടയടിയില് ജോസഫ് ഗ്രൂപ്പ് നേതാക്കള്
യുഡിഎഫിന് ഭരണം കിട്ടാതെ പോയതിന് പ്രധാന കാരണം പിജെ ജോസഫാണെന്ന് എല്ലാവര്ക്കുമറിയാം. പാല തെരഞ്ഞെടുപ്പ് മുതല് ജോസ് കെ മാണിയെ ഒതുക്കാന് പിജെ ജോസഫ് നടത്തിയ കളികള് യുഡിഎഫ് ഏറ്റെടുത്തതോടെ കാര്യങ്ങള് മാറി.
അവസാനം ജോസ് കെ മാണിയെ മുന്നണിയില് നിന്നും പുറത്താക്കി. എന്നാല് എല്ഡിഎഫ് ജോസിനെ ഏറ്റെടുത്തത് വലിയ വിജയമായി. മധ്യമേഖലയുള്പ്പെടെ മിന്നുന്ന വിജയം നേടാന് ജോസിന്റെ വരവ് സാധിച്ചു. എന്നാല് ജോസഫിന്റെ സ്ഥിതി പരമ ദയനീയമാണ്. കൂട്ടയടി തുടങ്ങി.
കേരള കോണ്ഗ്രസിലെ സ്ഥാനമാനങ്ങളെച്ചൊല്ലി ഒരു വിഭാഗം നേതാക്കള്ക്കുണ്ടായ അതൃപ്തി പരിഹരിക്കാന് സംഘടനാ തിരഞ്ഞെടുപ്പ് നടത്താന് തീരുമാനം. വാര്ഡ് കമ്മിറ്റിമുതല് സംസ്ഥാന കമ്മിറ്റിവരെ തിരഞ്ഞെടുപ്പ് നടത്തുമെന്ന് പുറപ്പുഴയിലെ വസതിയില് വൈകീട്ട് ചേര്ന്ന കോര് കമ്മിറ്റി യോഗത്തിനുശേഷം പി.ജെ.ജോസഫ് മാധ്യമങ്ങളോട് പറഞ്ഞു.
അര്ഹമായ സ്ഥാനം ലഭിക്കാത്തതിലും യോഗം വിളിക്കാതെ പ്രധാന തീരുമാനങ്ങളെടുക്കുന്നതിലും പ്രതിഷേധിച്ച് ഫ്രാന്സിസ് ജോര്ജ്, ജോണി നെല്ലൂര്, അറയ്ക്കല് ബാലകൃഷ്ണപിള്ള, തോമസ് ഉണ്ണിയാടന് തുടങ്ങിയവര് നേരത്തെ അതൃപ്തി രേഖപ്പെടുത്തിയിരുന്നു. തനിക്ക് നല്കിയ ഡെപ്യൂട്ടി ചെയര്മാന് സ്ഥാനം ഏറ്റെടുക്കാനാകില്ലെന്ന് ഫ്രാന്സിസ് ജോര്ജും അറിയിച്ചിരുന്നു. ഇതേത്തുടര്ന്നാണ് പ്രശ്നം പരിഹരിക്കാന് തൊടുപുഴ പുറപ്പുഴയിലെ പി.ജെ.ജോസഫിന്റെ വീട്ടില് തിങ്കളാഴ്ച വൈകീട്ട് അഞ്ചിന് യോഗം ചേര്ന്നത്.
`
നാല് മണിക്കൂറോളം തുടര്ന്ന യോഗത്തില്, ഏകപക്ഷീയമായി തീരുമാനങ്ങളെടുക്കുന്നതിനെതിരേ നേതാക്കള് രൂക്ഷമായി പ്രതികരിച്ചെന്നാണ് സൂചന. മോന്സ് ജോസഫിനും ജോയ് എബ്രഹാമിനുമെതിരേ ഒരുവിഭാഗം നേതാക്കള് ശക്തമായ വിമര്ശനമുന്നയിച്ചു. ഇത് വാക്കുതര്ക്കത്തിലും കലാശിച്ചു.
എന്നാല്, പ്രശ്നങ്ങളെല്ലാം പരിഹരിച്ചെന്നും പാര്ട്ടി ഒറ്റക്കെട്ടായി മുന്നോട്ടുപോകുമെന്നും ജോസഫ് പറഞ്ഞു. പാര്ട്ടി നിദേശിക്കുന്ന ഏത് സ്ഥാനവും ഏറ്റെടുക്കുമെന്ന് പറഞ്ഞ ഫ്രാന്സിസ് ജോര്ജ് നിലവിലെ എക്സിക്യുട്ടീവ് കമ്മിറ്റി താത്കാലികമാണെന്നും ചോദ്യത്തിന് മറുപടിയായി പറഞ്ഞു. പി.ജെ.ജോസഫ്, പി.സി.തോമസ്, മോന്സ് ജോസഫ്, ജോയ് എബ്രഹാം, ഫ്രാന്സിസ് ജോര്ജ്, തോമസ് ഉണ്ണിയാടന്, ജോണി നെല്ലൂര്, ടി.യു.കുരുവിള, അറയ്ക്കല് ബാലകൃഷ്ണപിള്ള എന്നിവരാണ് യോഗത്തില് പങ്കെടുത്തത്.
കേരള കോണ്ഗ്രസ് പി ജെ ജോസഫ് വിഭാഗം ഭാരവാഹികളുടെ ശീതസമരം ഭരണഘടനാ തര്ക്കത്തിലേക്ക് എത്തിയിരിക്കുകയാണ്. പി സി തോമസും പി ജെ വിഭാഗവും ലയിച്ചശേഷം ഉണ്ടാക്കിയ ഭരണഘടനയിലെ സെക്രട്ടറി ജനറല്, എക്സിക്യൂട്ടീവ് ചെയര്മാന് സ്ഥാനങ്ങള് ചൊല്ലിയാണ് പോര്.
നിലവില് ഈ സ്ഥാനങ്ങള് വഹിക്കുന്ന ജോസഫ് വിഭാഗത്തിലെ ജോയി ഏബ്രാഹം, മോന്സ് ജോസഫ് എന്നിവരും ഡെപ്യൂട്ടി ചെയര്മാന്മാരായ ഫ്രാന്സിസ് ജോര്ജ്, തോമസ് ഉണ്ണിയാടന്, ജോണി നെല്ലൂര് എന്നിവരും തമ്മിലാണ് തര്ക്കം. ലയനമുണ്ടായപ്പോള് എല്ലാവര്ക്കും സ്ഥാനം നല്കാനാണ് ഭരണഘടന രൂപപ്പെടുത്തി പുതിയ സ്ഥാനം കൊണ്ടുവന്നതെന്ന് ജോസഫ് വിഭാഗം പറയുന്നു. എന്നാല് ഈ സ്ഥാനങ്ങള് നിശ്ചയിച്ച ഭരണഘടനാ ഭേദഗതിക്ക് സാംഗത്യമില്ലെന്നാണ് മറുവിഭാഗവും മുതിര്ന്ന നേതാവ് അറയ്ക്കല് ബാലകൃഷ്ണപിള്ളയും വാദിക്കുന്നത്.
രണ്ട് ഡസനോളം പിളര്പ്പുണ്ടായ പാര്ടിയില് ഇതുവരെ ഈ സ്ഥാനമുള്ള ഭരണഘടന കണ്ടിട്ടില്ലെന്ന് ഇവര് പറയുന്നു. ഏത് സംസ്ഥാന കമ്മിറ്റിയാണ് ഭരണഘടന അംഗീകരിച്ചതെന്നും ഇവര് ചോദിക്കുന്നു.
"
https://www.facebook.com/Malayalivartha
