പലപ്പോഴും പല അപകടങ്ങളും തട്ടി നീക്കുന്നത് ദൈവത്തിന്റെ അത്ഭുതകരമായ പ്രവര്‍ത്തനം കൊണ്ടാണ്. ഇത് എല്ലാവരുടെ ജീവിതത്തിലും സംഭവിച്ചിട്ടുണ്ടാകും. അപ്പോഴാണ് ദൈവത്തിന്റെ മഹത്വം ഓര്‍ക്കുന്നത്.

ഇതുപോലെ അദ്ഭുതകരമായ ആ രക്ഷപ്പെടലിന്റെ വലിയ ആശ്വാസത്തിലാണ് ഒരു കുടുംബം. വീട്ടുമുറ്റത്തെ പോര്‍ച്ചില്‍നിന്നു പുറത്തേക്കെടുത്ത കാര്‍ നിയന്ത്രണം വിട്ട് കിണറിന്റെ ഭിത്തിയിലിടിച്ചു. ഭിത്തി തകര്‍ന്നു. കിണര്‍ മൂടിയിരുന്ന കമ്പിവലയില്‍ ഇരുന്ന 2 കുട്ടികള്‍ എട്ടടിയോളം വെള്ളമുള്ള കിണറ്റില്‍ വീണു. കിണറ്റിലേക്ക് എടുത്തു ചാടിയ പിതൃസഹോദരന്‍ ഇരുവരെയും രക്ഷിച്ചു.

കാര്‍ ഓടിച്ച പനമറ്റം ഇലവനാല്‍ മുഹമ്മദ് ഷബീറിന്റെ മകള്‍ ഷിഫാനയെയും (14) ഷിഫാനയുടെ മടിയില്‍ ഇരുന്ന നാലര വയസുകാരി മുഫസിനെയും ശബ്ദം കേട്ട് ഓടിയെത്തി കിണറ്റില്‍ ചാടിയ, സക്കീര്‍ ഹുസൈന്‍ മൗലവിയാണ് രക്ഷിച്ചത്. ഷബീറിന്റെ സഹോദരനാണ് സക്കീര്‍ മൗലവി. മറ്റൊരു സഹോദരന്‍ സത്താറിന്റെ മകളാണ് മുഫസിന്‍.

ഇന്നലെ രാവിലെയായിരുന്നു അപകടം. ഭിത്തി ഇടിച്ചു തകര്‍ത്ത കാര്‍ കിണറ്റിലേക്കു വീഴാറായ നിലയിലാണു നിന്നത്. മറുവശത്തെ വാതില്‍ തുറന്നാണു ഷബീര്‍ പുറത്തിറങ്ങിയത്. നാട്ടുകാര്‍ എത്തുന്നതു വരെ കുട്ടികളെ കൈകളില്‍ ഉയര്‍ത്തിപ്പിടിച്ചു മൗലവി നീന്തി നിന്നു. കയറില്‍ കസേര കെട്ടിയിറക്കിയാണു ഷിഫാനയെ കയറ്റിയത്.

തലനാരിഴയിടയ്ക്ക് വന്‍ദുരന്തം ഒഴിവായപ്പോഴും പനമറ്റം, ഇലവനാല്‍ മുഹമ്മദ് ഷബീറിനും കുടുംബത്തിനും നടുക്കം മാറിയിട്ടില്ല. വീട്ടുമുറ്റത്തെ ഷെഡില്‍നിന്നു പുറത്തിറക്കിയ ഇന്നോവ കാര്‍ നിയന്ത്രണം വിട്ടതോടെയാണ് കിണറ്റിലേക്ക് കുതിച്ചത്. അതേസമയമാണ് സംരക്ഷണ ഭിത്തിയിലിരുന്ന രണ്ട് കുട്ടികള്‍ ഇടിയുടെ ആഘാതത്തില്‍ കിണറ്റില്‍ വീണത്. ഉടനെ ഓടിയെത്തിയ പിതൃസേഹാദരന്‍ കിണറ്റിലിറങ്ങിയതോടെ കുട്ടികളെ രക്ഷിക്കാനായി. സംരക്ഷണഭിത്തിയുെട ഒരു ഭാഗം തകര്‍ത്ത കാര്‍, വലതുചക്രമുള്‍പ്പെടെ കിണറ്റിലേക്കു ചരിഞ്ഞാണു നിന്നത്.

ഇന്നലെ രാവിലെ എട്ടിനു മുഹമ്മദ് ഷബീര്‍ മുറ്റത്തെ ഷെഡില്‍നിന്നു കാര്‍ പുറത്തേക്കിറക്കവേ അബദ്ധത്തില്‍ കുതിച്ചുനീങ്ങുകയായിരുന്നു. 15 അടി ദൂരത്തിലുള്ള കിണറിന്റെ സംരക്ഷണഭിത്തി തകര്‍ത്താണു കാര്‍ നിന്നത്. ഈ സമയം ഷബീറിന്റെ മകള്‍ ഷിഫാനയും ഷബീറിന്റെ അനുജന്‍ സത്താറിന്റെ മകന്‍ മുഫസിനും ഇരുമ്പവലയിട്ട കിണറിന്റെ സംരക്ഷണഭിത്തിയില്‍ ഇരിക്കുകയായിരുന്നു. കാറിന്റെ അപ്രതീക്ഷിതമായ ഇടിയേറ്റ് ഭിത്തിയുടെ ഒരുഭാഗം തകര്‍ന്നപ്പോള്‍ ഇരുവരും 32 അടി ആഴമുള്ള കിണറ്റില്‍ വീണു. എട്ടടിയോളം വെള്ളമുണ്ടായിരുന്നു.

അഞ്ചടി പൊക്കമുള്ള സംരക്ഷണഭിത്തി തകര്‍ന്ന്, കാറിന്റെ വലതുമുന്‍ ചക്രമുള്‍പ്പെടെ കിണറിന്റെ നടുവിലായി. ശബ്ദം കേട്ട് ഓടിയെത്തിയ ഷബീറിന്റെ ജ്യേഷ്ഠന്‍ ഇ.ജെ. സക്കീര്‍ഹുസൈന്‍ മൗലവി പൈപ്പിലൂടെ കിണറ്റിലേക്ക് ഊര്‍ന്നിറങ്ങി കുട്ടികളെ വെള്ളത്തില്‍നിന്ന് ഉയര്‍ത്തിനിര്‍ത്തി.

ഡ്രൈവിങ് സീറ്റിലായിരുന്ന ഷബീര്‍ ഇടതുവാതിലിലൂടെ പുറത്തിറങ്ങി. കുട്ടികളുടെ മുത്തച്ഛന്‍ ആസാദ്, അനസ് മുഹമ്മദ്, ഷിഹാബ്, മുജീബ് മൗലവി, നിസാര്‍ തുടങ്ങിയവര്‍ ചേര്‍ന്ന് കയറില്‍ കസേര കെട്ടിയിറക്കി ഷിഫാനയെ കരയ്ക്കുകയറ്റി. തുടര്‍ന്ന് സക്കീര്‍ ഹുസൈനെയും മുഫസിനെയും കാഞ്ഞിരപ്പള്ളിയില്‍നിന്ന് എത്തിയ അഗ്‌നിശമനസേനാ യൂണിറ്റ് വലയില്‍ കയറ്റിയാണു കരയിലെത്തിച്ചത്. കുട്ടികളെ കാഞ്ഞിരപ്പള്ളി ജനറല്‍ ആശുപത്രിയിലെത്തിച്ച് പരിശോധന നടത്തി. കിണറ്റിലിറങ്ങി രക്ഷാപ്രവര്‍ത്തനം നടത്തിയ സക്കീര്‍ഹുസൈന്‍ മൗലവി കാഞ്ഞിരപ്പള്ളി ബസ് സ്റ്റാന്‍ഡ് പള്ളിയിലെ ഇമാമാണ്. എന്തായാലും സംഭവം കണ്ടവര്‍ ദൈവത്തിന്റെ അത്ഭുത പ്രവര്‍ത്തിയായാണ് കാണുന്നത്.