മുഖ്യമന്ത്രിയുടെ ഓഫീസ് പറഞ്ഞു സര്വകലാശാല സല്യൂട്ടടിച്ചു പിന്നല്ലാതെ നടന്നത് നിയമത്തിലെ അട്ടിമറി
മുഖ്യമന്ത്രിയുടെ ഓഫീസര് ഓണ് സ്പഷ്യല് ഡ്യൂട്ടി ആര്.മോഹന്റെ ഭാര്യയെ കേരള സര്വകലാശാലയില് തിരുകി കയറ്റിയതിന് പിന്നില് കേരള സര്വകലാശാലയില് നടന്നത് വന് ഗൂഢാലോചന.
ഡോ പൂര്ണിമ മോഹനനെ നിയമിക്കാന് മാത്രമായി സര്വ്വകലാശാല ചട്ടങ്ങള് വളച്ചൊടിച്ചെന്നാണ് സൂചന. ലെക്സിക്കന് എഡിറ്റര് തസ്തികക്ക് വേണ്ട അടിസ്ഥാന യോഗ്യത മലയാള ഭാഷയില് ഫസ്റ്റ് ക്ലാസ് അല്ലെങ്കില് സെക്കന്ഡ് ക്ലാസോടുകൂടിയുള്ള ബിരുദമാണെന്ന് സര്വ്വകലാശാല ഓര്ഡിനന്സില് കൃത്യമായി പറയുന്നുണ്ട്. എന്നാല് ഇത് അട്ടിമറിച്ചു.
ഓര്ഡിനന്സിനെ മറികടന്ന് നിയമനത്തിനുള്ള വിജ്ഞാപനത്തില് ചേര്ത്തത് പിഎച്ച്ഡി മലയാളം അല്ലെങ്കില് സംസ്കൃതം ആണ്. സംസ്കൃത ഭാഷാ പ്രൊഫസര് ആയ പൂര്ണിമ മാത്രം അപേക്ഷിച്ചു, നിയമനവും നല്കി. ഓര്ഡിനന്സ് തയ്യാറാക്കിയത് മുഖ്യമന്ത്രിയുടെ ഓഫീസര് ഓണ് സ്പഷ്യല് ഡ്യൂട്ടിയുടെ നിര്ദ്ദേശപ്രകാരമാണെന്നാണ് വിവരം. ഒരു പ്രമുഖ മുന് ഐ. എ. എസ് ഉദ്യോഗസ്ഥയുടെ സഹോദരനാണ് ഇദ്ദേഹം.
രാജാവിനെക്കാള് രാജഭക്തി കാണിക്കുന്ന സര്വകലാശാല മുഖ്യമന്ത്രിയുടെ ഓഫീസില് നിന്നും പറഞ്ഞതൊക്കെ അതേപടി അനുസരിച്ചു. മുഖ്യമന്ത്രിയുടെ ഓഫീസ് പറയുന്നത് അനുസരിക്കാന് സര്വകലാശാലക്ക് യാതൊരു ബാധ്യതയുമില്ല. അത് ഒരു സ്വയം ഭരണ സ്ഥാപനമാണ്. എന്നാല് പിണറായിയുടെ ഓഫീസെന്ന് കേട്ടാല് ഹാലിളകുന്ന സര്വകലാശാല പക്ഷേ തീരുമാനങ്ങള് പാടേ മാറ്റി.
പക്ഷേ ലെക്സിക്കണ് എഡിറ്റര് നിയമന വിവാദത്തില് വിചിത്ര വിശദീകരണവുമായി കേരള സര്വ്വകലാശാല എത്തിയത്. പൂര്ണിമയുടെ നിയമനം ഡെപ്യൂട്ടേഷനില് ആണെന്നാണ് വിശദീകരണം. വിദ?ഗ്ധര് അടങ്ങുന്നു സെലക്ഷന് കമ്മിറ്റിയാണ് വിജ്ഞാപനം ഇറക്കിയതെന്ന് വിശദീകരിക്കുമ്പോഴും ഓര്ഡിനന്സ് വ്യവസ്ഥ മറി കടന്നതിനെ പറ്റിയുള്ള ചോദ്യങ്ങള്ക്ക് വിശദീകരണം ഇല്ല.
പൂര്ണിമ പദവിക്ക് യോ?ഗ്യയാണെന്ന് സര്വകലാശാല ആവര്ത്തിക്കുന്നു. ഡോക്ടറേറ് സംസ്കൃതത്തിലാണെങ്കിലും മലയാളത്തിലും തമിഴിലും പൂര്ണിമയ്ക്ക് പാണ്ഡിത്യം ഉണ്ടെന്നും സര്വകലാശാലയുടെ വിശദീകരണക്കുറിപ്പില് പറയുന്നു. എന്നാല് ഇവര്ക്ക് മലയാളം അറിയില്ലെന്നാണ് വിമര്ശകര് പറയുന്നത്.
മുഖ്യമന്ത്രിയുടെ മുന് പ്രൈവറ്റ് സെക്രട്ടറിയാണ് നിലവിലെ ഓഫീസര് ഓണ് സ്പെഷ്യല് ഡ്യൂട്ടിയായ ആര് മോഹന്.
വിസി നിയമിച്ച സെലക്ഷന് ബോര്ഡാണ് യോഗ്യത നിശ്ചയിച്ചതെന്നും അഭിമുഖം നടത്തിയതും ഭാഷാ വിദഗ്ധരാണെന്നുമാണ് സര്വ്വകലാശാല വിശദീകരണം. പക്ഷെ ഓര്ഡിനന്സ് വ്യവസ്ഥ മറികടന്നതിനെകുറിച്ചുള്ള പ്രധാന ചോദ്യത്തിന് സര്വ്വകലാശാല നടത്തുന്നത് ഒളിച്ചുകളിയാണ്. ഭരിക്കുന്നവര്ക്ക് വേണ്ടി ഇത്തരത്തില് സര്വകലാശാലകള് വീടുപണി മുമ്പും ചെയ്യാറുണ്ട്.
ഡോ പൂര്ണിമയ്ക്ക് മലയാളം അറിയില്ലെന്നാണ് നിയമനത്തിനെതിരെ ഗവര്ണ്ണര്ക്ക് പരാതി സേവ് യൂണിവേഴ്സിറ്റി ക്യാമ്പയിന് കമ്മിറ്റിയുടെ ആക്ഷേപം. മലയാളത്തില് രണ്ട് വരി എഴുതിയാല് സമരം നിര്ത്താമെന്നാണ് പൂര്ണ്ണിമയെ ഘെരാവോ ചെയ്ത് കെഎസ്യു പ്രവര്ത്തകര് മുന്നോട്ട് വെച്ചത്.
നിയമനം വിശദീകരിക്കേണ്ട ബാധ്യത തനിക്കില്ലെന്നാണ് ഡോ പൂര്ണിമ മോഹ?ന്റെ നിലപാട്. യോഗ്യത ബോധ്യപ്പെടുത്തേണ്ടത് സമരക്കാരെയല്ലെന്ന് പറഞ്ഞ ഡോ പൂര്ണിമ നിയമനത്തിലെ ഉത്തരവാദിത്വം സര്വ്വകലാശാലയുടെ തലയിലേക്കിട്ടു. വിവാദം ശക്തമാകുമ്പോള് പരാതിയില് ഗവര്ണര് വിസിയോട് ഉടന് വിശദീകരണം ചോദിക്കാന് ഇടയുണ്ട്. എന്നാല് ഗവര്ണറിലും ആരോപണ വിധേയര്ക്ക് വന് സ്വാധീനമുണ്ട്.
അതിനിടെ പൂര്ണിമയെ ഉപരോധിച്ച് കെഎസ്യു പ്രവര്ത്തകര് നിയമന വിവാദത്തില് പ്രതിഷേധം ശക്തമാക്കി. ഇത് വരും ദിവസങ്ങളില് കൂടുതല് ശക്തമാകും. കോടതിയില് ചോദ്യം ചെയ്യപ്പെടാനുള്ള സാധ്യതയും തള്ളാനാവില്ല.
"
https://www.facebook.com/Malayalivartha
