വീട്ടമ്മയുടെ കൊലപാതകം.... മണ്കട്ടയില് പണിത വീടിന്റെ അടുക്കളയില് അടുപ്പ് പൊളിച്ചു നീക്കി അടിയില് കുഴികുഴിച്ച് മൃതദേഹം കുഴിച്ചിട്ടു....പിന്നീട് പഴയ രീതിയില് അടുപ്പ് പണിതു, നാലു ദിവസം തീ കത്തിച്ചതോടെ അടുപ്പില് പതിവു പോലെ കരിയും ചാരവും നിറഞ്ഞു, പോലീസ് നായ എത്തിയിട്ടും കണ്ടെത്താനായില്ല,ഒടുവില് ബന്ധുക്കളുടെ തെരച്ചില് കണ്ടത് അവിശ്വസനീയമായ കാഴ്ച.... കാമുകനായി അന്വേഷണം ഊര്ജ്ജിതത്തില്
വീട്ടമ്മയുടെ കൊലപാതകം .... മണ്കട്ടയില് പണിത വീടിന്റെ അടുക്കളയില് അടുപ്പ് പൊളിച്ചു നീക്കി അടിയില് കുഴികുഴിച്ച് മൃതദേഹം കുഴിച്ചിട്ടു....പിന്നീട് പഴയ രീതിയില് അടുപ്പ് പണിതു, നാലു ദിവസം തീ കത്തിച്ചതോടെ അടുപ്പില് പതിവു പോലെ കരിയും ചാരവും നിറഞ്ഞു, പോലീസ് നായ എത്തിയിട്ടും കണ്ടെത്താനായില്ല,ഒടുവില് ബന്ധുക്കളുടെ തെരച്ചില് കണ്ടത് അവിശ്വസനീയമായ കാഴ്ച.... കാമുകനായി അന്വേഷണം ആരംഭിച്ചു.
കൊച്ചുകാമാക്ഷി വലിയപറമ്പില് സിന്ധുവിനെ കഴിഞ്ഞ മാസം 11 മുതല് കാണാതായിട്ടും പ്രതിയെന്ന് സംശയിക്കുന്ന പണിക്കന്കുടി മാണിക്കുന്നേല് ബിനോയി പോലീസിനെ വെട്ടിച്ച് മുങ്ങിയിട്ടും മൃതദേഹം കണ്ടെത്താന് 23 ദിവസമെടുത്തു.
യുവതിയെ കാണാതായ അന്നു മുതല് പോലീസ് അന്വേഷണം ആരംഭിച്ചതു വരെയുള്ള നാലു ദിവസങ്ങള് പ്രതി ബുദ്ധിപൂര്വം വിനിയോഗിച്ചു. മണ്കട്ടയില് പണിത വീടിന്റെ അടുക്കളയില് അടുപ്പ് പൊളിച്ചു നീക്കിയതിനുശേഷം അടിയില് കുഴികുഴിച്ച് മൃതദേഹം കുഴിച്ചിട്ട ശേഷം അടുപ്പ് പഴയ നിലയില് പണി ചെയ്തു.
തുടര്ന്ന് നാലു ദിവസം തീ കത്തിച്ചു. അതോടെ അടുപ്പില് പതിവു പോലെ കരിയും ചാരവും നിറഞ്ഞു. പോലീസ് നായ എത്തിയ ശേഷവും കണ്ടെത്താനാവാത്ത നിലയില് വിദഗ്ധമായി പദ്ധതി പൂര്ത്തിയാക്കി.
ബിനോയിക്കൊപ്പമുണ്ടായിരുന്ന സിന്ധുവിന്റെ മകനെ സംഭവം നടക്കുമ്പോള് ബിനോയിയുടെ ബന്ധുവിന്റെ വീട്ടിലേക്കു മാറ്റിയിരുന്നു. പരാതിയെ തുടര്ന്ന് പോലീസ് എത്തിയതോടെ ബിനോയി മുങ്ങുകയായിരുന്നു.
മുന്പ് തന്റെ വീട്ടില് ഒളിവില് കഴിയാന് എത്തിയ റാന്നി സ്വദേശിയുടെ വീട്ടിലാണ് ബിനോയി ആദ്യം എത്തിയത്. ഫോണ് നമ്പര് പിന്തുടര്ന്ന് പോലീസ് റാന്നിയിലെത്തിയതോടെ പൊള്ളാച്ചിയിലേക്ക് കടന്നു. ഇവിടെയും പോലീസ് അന്വേഷണം എത്തിയതോടെ പാലക്കാടും തൃശൂരും എത്തിയതായി പോലീസിന് വിവരം ലഭിച്ചു. പിന്നീട് ഫോണ് സ്വിച്ച് ഓഫ് ചെയ്യുകയായിരുന്നു. അന്വേഷണം പോലീസ് ഊര്ജ്ജിതത്തിലാക്കി.
"
https://www.facebook.com/Malayalivartha
