മലയാളത്തില്‍ റെഡ് ചില്ലീസ്, ഹസ്ബന്‍ഡ്‌സ് ഇന്‍ ഗോവ, കോബ്ര എന്നീ സിനിമകളിലൂടെ ശ്രദ്ധേയയായ നടിയാണ് ലീന മരിയ പോള്‍. കൊച്ചി കടവന്ത്രയില്‍ ലീന മരിയ പോളിന്റെ ബ്യൂട്ടിപാര്‍ലറില്‍ രവി പൂജാരിയുടെ അധോലോകസംഘം വെടിവച്ച കേസ് ഏറെ വിവാദമായിരുന്നു. അതിനിടെ ലീന മരിയ പോളിനെ ഇരുനൂറ് കോടിയുടെ തട്ടിപ്പ് കേസില്‍ ഡല്‍ഹി പൊലീസിന്റെ സാമ്പത്തിക കുറ്റകൃത്യ വിഭാഗം അറസ്റ്റ് ചെയ്തു.

ലീനയുടെ പങ്കാളിയും ഡല്‍ഹി രോഹിണി ജയിലില്‍ കഴിയുന്ന ചെന്നൈ സ്വദേശിയുമായ സുകേഷ് ചന്ദ്രശേഖറിന്റെ നേതൃത്വത്തില്‍ നടന്ന സാമ്പത്തിക തട്ടിപ്പ് കേസിലാണ് അറസ്റ്റ്. മഹാരാഷ്ട്ര സംഘടിത കുറ്റകൃത്യ നിയന്ത്രണ നിയമം (മക്കോക്ക) ചുമത്തപ്പെട്ട ലീനയെ ഇന്ന് കോടതിയില്‍ ഹാജരാക്കും. അന്വേഷണത്തിനായി ഡല്‍ഹി പൊലീസ് നടിയെ കസ്റ്റഡിയില്‍ അവശ്യപ്പെടും. ലീനയെ കൂടുതല്‍ ചോദ്യം ചെയ്യണമെന്ന് പൊലീസ് വ്യക്തമാക്കിയിട്ടുണ്ട്.

കാനറ ബാങ്കിന്റെ ചെന്നൈ അമ്പത്തൂര്‍ ശാഖയില്‍ നിന്ന് 19 കോടിയും വസ്ത്രവ്യാപാരിയുടെ 62.47 ലക്ഷവും ഉള്‍പ്പെടെ നിരവധി സാമ്പത്തിക തട്ടിപ്പ് കേസുകളിലെ പ്രതികളാണ് സുകേഷും ലീനയും. ഒരു കേസില്‍ 2013 മേയില്‍ ഇരുവരും അറസ്റ്റിലായിരുന്നു. ബോളിവുഡ് നടി ജാക്വലിന്‍ ഫെര്‍ണാണ്ടസ് ഉള്‍പ്പെടെയുള്ള സിനിമാക്കാരില്‍ നിന്ന് പണം തട്ടിയെന്ന കേസും ഇവര്‍ക്കെതിരെയുണ്ട്. കൊച്ചി കടവന്ത്രയില്‍ ലീനയുടെ ബ്യൂട്ടിപാര്‍ലറില്‍ രവി പൂജാരിയുടെ അധോലോകസംഘം വെടിവച്ച കേസുമുണ്ട്.


2397 കോടിയുടെ വായ്പ തട്ടിപ്പ്, കള്ളപ്പണം വെളുപ്പിക്കല്‍ തുടങ്ങിയ കേസുകളില്‍ ജയിലില്‍ കഴിയുന്ന ഫോര്‍ട്ടിസ് ഹെല്‍ത്ത് കെയറിന്റെ മുന്‍ പ്രൊമോട്ടര്‍ ശിവേന്ദര്‍ സിംഗിനെയും സഹോദരന്‍ മല്‍വീന്ദര്‍ മോഹന്‍ സിംഗിനെയും പുറത്തിറക്കാമെന്ന് ശിവേന്ദര്‍ സിംഗിന്റെ ഭാര്യ അതിഥിക്ക് വാഗ്ദാനം നല്‍കി.

കേന്ദ്ര നിയമ സെക്രട്ടറിയാണെന്ന് സുകേഷ് പരിചയപ്പെടുത്തി. ലീന സെക്രട്ടറിയെന്നും പറഞ്ഞു. 200 കോടിരൂപ അതിഥി കൈമാറി.
ഹ തട്ടിപ്പെന്ന് മനസിലാക്കി അതിഥി കഴിഞ്ഞ മാസം 7ന് ഡല്‍ഹി പൊലീസില്‍ പരാതി നല്‍കി. കേസ് ഇ.ഡി ഏറ്റെടുത്തു

സുകേശും 6 കൂട്ടാളികളും കഴിഞ്ഞ 23ന് അറസ്റ്റിലായി. ചെന്നൈ ബംഗ്ലാവില്‍ ഇ.ഡി റെയ്ഡ് നടത്തി. 10 ആഡംബര കാറുകളും പണവും പിടിച്ചെടുത്തു. ലീന മരിയയെ കസ്റ്റഡിയിലെടുത്തശേഷം വിട്ടയച്ചു. ഇന്നലെ ചോദ്യം ചെയ്യലിന് ഹാജരായ നടി അറസ്റ്റിലായി.

ലീന മരിയ പോളിന്റെ കൊച്ചിയിലെ ബ്യൂട്ടി പാര്‍ലറിന് നേരെ ബൈക്കിലെത്തിയ സംഘം വെടിയുതിര്‍ത്ത സംഭവത്തില്‍ അന്നേ ദുരൂഹതയുണ്ടായിരുന്നു. ലീന മരിയ പോള്‍ സംഭവസ്ഥലത്തില്ലാത്തപ്പോള്‍ ഒരു അധോലോക സംഘത്തിനു വെടിവയ്പ് നടത്തേണ്ടതില്ലെന്ന നിഗമനം തള്ളിക്കളയാന്‍ കഴിയില്ലെന്നാണ് പോലീസ് പറഞ്ഞത്.

സെക്യൂരിറ്റിയെ കണ്ടപ്പോള്‍ അധോലോസംഘത്തിലെ അംഗങ്ങള്‍ വെടിവച്ചിട്ട് ഇറങ്ങി ഓടുക എന്നതും വിശ്വസിക്കാന്‍ കഴിയില്ല. ഒന്നെങ്കില്‍ ഈ സ്ഥാപനവുമായി ബന്ധപ്പെട്ടുള്ള തിരക്കഥയായിരിക്കുമെന്നു പോലീസ് സംശയിക്കുന്നു. പല രീതിയിലുള്ള അന്വേഷണം നടത്തുന്നുണ്ട്. വാര്‍ത്തകളില്‍ എന്നും നിറഞ്ഞുനില്‍ക്കുന്ന നടിയാണ് ലീന മരിയ പോള്‍.

നിരവധി സാമ്പത്തിക തട്ടിപ്പ് കേസുകളില്‍ പ്രതിചേര്‍ക്കപ്പെട്ടിട്ടുള്ള നടിയുടെ സ്ഥാപനത്തിന് നേരെയുണ്ടായ ആക്രമണത്തിന് പിന്നില്‍ ഉന്നതരുടെ ഇടപെടലുകള്‍ ഉണ്ടെന്ന സംശയത്തില്‍ തന്നെയായിരുന്നു തുടക്കം മുതലെ പോലീസ് സംഘം. രവി പൂജാരി എന്നെഴുതിയ കടലാസ് തിടുക്കത്തില്‍ ഉപേക്ഷിച്ച് പോയതാണ് സംഭവത്തിന്റെ ദുരൂഹത വര്‍ധിപ്പിക്കുന്നത്. അവസാനം രവി പൂജാരിയെ അറസ്റ്റ് ചെയ്തു.