ആരോഗ്യമന്ത്രി വീണ ജോര്ജിനെതിരേ രൂക്ഷ വിമര്ശനവുമായി എംഎല്എ യു. പ്രതിഭ; എത്ര തവണ വിളിച്ചാലും ചില മന്ത്രിമാര് ഫോണെടുക്കാറില്ലെന്നും തിരിച്ചുവിളിക്കാനുള്ള മര്യാദ കാണിക്കാറില്ലെന്നും പരാതി
സിപിഎമ്മിൽ പെൺപോര് കൊടുക്കുന്നു. ആരോഗ്യമന്ത്രി വീണ ജോര്ജിനെതിരേ രൂക്ഷ വിമര്ശനവുമായി കായംകുളം സിപിഎം എംഎല്എ യു. പ്രതിഭ രംഗത്ത്. എത്ര തവണ വിളിച്ചാലും ചില മന്ത്രിമാര് ഫോണെടുക്കാറില്ലെന്നും തിരിച്ചുവിളിക്കാനുള്ള മര്യാദ പോലും കാണിക്കാറില്ലെന്നുമാണ് കായംകുളം എം.എല്.എയുടെ പരാതി എന്നത്. താന് മന്ത്രിയെ വിളിക്കുന്നത് വ്യക്തിപരമായ കാര്യം സംസാരിക്കാനല്ലെന്നും പ്രതിഭ ചൂണ്ടിക്കാട്ടുന്നു.
എന്നാല്, മന്ത്രി ശിവന്കുട്ടി അങ്ങനെയല്ലെന്നും പ്രതിഭ വ്യക്തമാക്കി. സിപിഎം നേതാവും മന്ത്രിയുമായ വി. ശിവന്കുട്ടി, ആലപ്പുഴ എം.പി എ.എം ആരിഫ് എന്നിവര് വേദിയിലിരിക്കെയാണ് മന്ത്രിമാര്ക്കെതിരേ പാര്ട്ടി എംഎല്എ തന്നെ രംഗത്ത് വന്നത് എന്നത് ശ്രദ്ധേയമാണ്.
അതോടൊപ്പം തന്നെ മറ്റ് എല്ലാ മന്ത്രിമാരും വിളിച്ചാല് ഫോണ് എടുക്കും. എടുക്കാന് പറ്റാത്തവര് തിരികെ വിളിക്കും. എന്നാല് എത്ര തവണ വിളിച്ചാലും ഒരു മന്ത്രി ഫോണ് എടുക്കില്ല. തിരക്കായിരിക്കുമോ എന്ന് നൂറ് തവണ ആലോചിച്ച ശേഷമാണ് മന്ത്രിയെ വിളിക്കാറുള്ളതെന്നും എം.എല്.എ വ്യക്തമാക്കുകയുണ്ടായി.
https://www.facebook.com/Malayalivartha
