അതിമാരകമായ മയക്കുമരുന്നുമായി യുവതി അടക്കം മൂന്ന് പേർ അറസ്റ്റിൽ; പിടിയിലായവരില് രണ്ട് പേര് ടെക്നോപാര്ക്ക് ജീവനക്കാർ: പാര്ട്ടി ഡ്രഗ്സ് എന്നറിയപ്പെടുന്ന മയക്കുമരുന്നിന് വിപണിയിൽ പത്ത് ലക്ഷം രൂപ വരെ വില വരുമെന്ന് എക്സൈസ്
കേരള - കര്ണാടക അതിര്ത്തി ഭാഗങ്ങളില് എക്സൈസ് നടത്തിയ റെയ്ഡില് അതിമാരകമായ മയക്കുമരുന്നുമായി യുവതിയെയും യുവാക്കളെയും പിടികൂടി. പിടിയിലായവരില് രണ്ട് പേര് ടെക്നോപാര്ക്ക് ജീവനക്കാരാണെന്ന് എക്സൈസ് ഉദ്യോഗസ്ഥര് പറഞ്ഞു.
കാട്ടിക്കുളം- ബാവലി റോഡില് വെച്ച് നടത്തിയ വാഹന പരിശോധനക്കിടെ മാരുതി സ്വിഫ്റ്റ് ഡിസയര് കാറില് കടത്തിക്കാണ്ടു വന്ന നൂറ് ഗ്രാം അതിമാരക മയക്കുമരുന്നായ എംഡിഎംഎയുമായി ഇവരെ പിടികൂടിയത്. മൂവരും മയക്കുമരുന്ന് കൊണ്ടുവന്നത് ബംഗളൂരുവില് നിന്നാണ്.
തിരുവനന്തപുരം സ്വദേശികളായ അമൃതം വീട്ടില് മനോജ് കുമാര് മകന് യദുകൃഷ്ണന് എം(25), പൂന്തുറ പടിഞ്ഞാറ്റില് വീട്ടില് സുരേഷ്കുമാര് മകള് ശ്രുതി എസ് എന്(25), കോഴിക്കോട് സ്വദേശിയായ മേരിക്കുന്ന് കുനിയിടത്ത് താഴം ഭാഗത്ത് നൗഫത്ത് മഹല് യൂസഫ് മകന് നൗഷാദ് പിടി(40) എന്നിവരാണ് അറസ്റ്റിലായത്. ഇവരില് യദുകൃഷ്ണനും ശ്രുതിയും തിരുവനന്തപുരം ടെക്നോപാര്ക്കിലെ ഐടി ജീവനക്കാരാണ്.
കണ്ടെടുത്ത അതിമാരക മയക്കുമരുന്നായ MDMA ക്ക് വിപണിയില് പത്ത് ലക്ഷം രൂപ വരെ വിലമതിക്കുന്നതാണെന്നും അതിനൂതന ലഹരി മരുന്നായ ഇവയെ പാര്ട്ടി ഡ്രഗ്സ് എന്ന പേരിലുംഅറിയപ്പെടുന്നുവെന്നും എക്സെസ് ഉദ്യോഗസ്ഥര് പറഞ്ഞു.
മാനന്തവാടി എക്സൈസ് റെയിഞ്ച് പാര്ട്ടി എക്സൈസ് ഇന്സ്പെക്ടര് പി.ജി രാധാകൃഷ്ണന്റെ നേതൃത്വത്തിലായിരുന്നു പരിശോധന നടന്നത്. കസ്റ്റഡിയിലുള്ള പ്രതികളെയും തൊണ്ടിമുതലുകളും മാനന്തവാടി ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതിയില് ഹാജരാക്കും.
എക്സൈസ് റെയ്ഡ് പാര്ട്ടിയില് പ്രിവന്റീവ് ഓഫീസര്മാരായ കെപി ലത്തീഫ്, സുരേഷ് വെങ്ങാലി കുന്നേല്, സിവില് എക്സൈസ് ഓഫീസര്മാരായ അനൂപ്. ഇ , വിബിന് W, സനൂപ് കെ.എസ് സാലിം ഇ,വജീഷ്കുമാര് വി പി , WCEO ഷൈനി.കെ. ഇ ഡ്രൈവര് അബ്ദുറഹിം എം വി , എന്നിവര് പങ്കെടുത്തു.
https://www.facebook.com/Malayalivartha
