വിസ്മയയുടെ വീട്ടിലേക്ക് ഭീഷണിക്കത്ത്! കേസില് നിന്ന് പിന്മാറിയില്ലെങ്കില് വിസ്മയയുടെ വിധി തന്നെ സഹോദരന് വിജിത്തിന് ഉണ്ടാകുമെന്ന് ഭീഷണി... പോലീസ് അന്വേഷണം ആരംഭിച്ചു...
ഭര്തൃവീട്ടില് ദുരൂഹ സാഹചര്യത്തില് മരിച്ച നിലയില് കണ്ടെത്തിയ വിസ്മയയുടെ വീട്ടിലേക്ക് ഭീഷണിക്കത്ത്. കേസില് നിന്ന് പിന്മാറിയില്ലെങ്കില് സഹോദരനെ വധിക്കുമെന്നാണ് ഭീഷണി.
ഭീഷണിക്കത്ത് വിസ്മയയുടെ കുടുംബം പൊലീസിന് കൈമാറി. പത്തനംതിട്ടയില് നിന്നാണ് കത്ത് പോസ്റ്റ് ചെയ്തിരിക്കുന്നത്.
കേസില് നിന്ന് പിന്മാറിയാല് ആവശ്യപ്പെടുന്ന പണം നല്കാമെന്ന് കത്തില് പറയുന്നു. കേസില് നിന്ന് പിന്മാറിയില്ലെങ്കില് വിസ്മയയുടെ വിധി തന്നെ സഹോദരന് വിജിത്തിന് ഉണ്ടാകുമെന്നാണ് കത്തിലെ ഭീഷണി.
ചടയമംഗലം പൊലീസ് തുടര് നടപടികള്ക്കായി കത്ത് കോടതിയില് സമര്പ്പിച്ചു. ത്രിവിക്രമന് നായരുടെ മൊഴിയും രേഖപ്പെടുത്തി. കേസിന്റെ ശ്രദ്ധ തിരിച്ചുവിടാനുള്ള ശ്രമമണോ എന്ന് പൊലീസ് സംശയിക്കുന്നുണ്ട്. കുറ്റപത്രം കോടതിയില് സമര്പ്പിച്ചതിനു തൊട്ടു പിന്നാലെയാണ് ഭീഷണി കത്ത് എത്തിയിരിക്കുന്നത്.
https://www.facebook.com/Malayalivartha
