നിഥിന മോളുടെ അരുംകൊലയില്‍ നിര്‍ണായക വിവരങ്ങള്‍ പുറത്ത്... നിഥിന മോളെ കൊലപ്പെടുത്താനായി പ്രതി ഒരാഴ്ച മുന്‍പ് പുതിയ ബ്ലേഡ് വാങ്ങി, കൂത്താട്ടുകുളത്തെ കടയില്‍ നിന്നാണ് ഇത് വാങ്ങിയതെന്ന് പൊലീസിനോട് അഭിഷേക് . പേപ്പര്‍ കട്ടറില്‍ പഴയ ബ്ലേഡ് മാറ്റി പുതിയത് ഇടുകയായിരുന്നു. പ്രതിയെ ഇന്ന് കാമ്പസിലെത്തിച്ച് തെളിവെടുപ്പ് നടത്തും .

അഭിഷേകിനെ ഒരു ദിവസത്തേക്ക് കസ്റ്റഡിയില്‍ വാങ്ങാനാണ് അന്വേഷണ സംഘത്തിന്റെ തീരുമാനം. പെണ്‍കുട്ടി പ്രണയം നിരസിച്ചതോടെ അമ്മയടക്കമുള്ളവര്‍ക്ക് ഇയാള്‍ ഭീഷണി സന്ദേശം അയച്ചിരുന്നു.

ഫോണ്‍ വിവരങ്ങള്‍ ശേഖരിക്കാന്‍ പൊലീസ് നടപടി തുടങ്ങി. നിഥിന മോളുടെ പോസ്റ്റ്മോര്‍ട്ടം ഇന്ന് നടക്കും. കോട്ടയം മെഡിക്കല്‍ കോളേജിലാണ് പോസ്റ്റ്മോര്‍ട്ടം. മൃതദേഹം ഉച്ചയോടെ വീട്ടില്‍ പൊതുദര്‍ശനത്തിന് വയ്ക്കും. ശേഷം ബന്ധുവീട്ടില്‍ സംസ്‌കരിക്കും.