കഴിഞ്ഞ ദിവസം രാജ്യത്ത് റിപ്പോര്‍ട്ട് ചെയ്യപ്പെട്ട കോവിഡ് കേസുകളുടെ 57% വും കേരളത്തിലാണെന്നു ചൂണ്ടിക്കാട്ടി രാഷ്ട്രീയ സാമൂഹിക നിരീക്ഷകന്‍ ശ്രീജിത്ത് പണിക്കര്‍ രംഗത്ത്. സജീവ കേസുകളുടെ 54% വും കേരളത്തില്‍ തന്നെയാണ്. കൂടാതെ ഇന്നലെ റിപ്പോര്‍ട്ട് ചെയ്യപ്പെട്ട മരണങ്ങളുടെ 41% കേരളത്തില്‍. ഇപ്പോഴും രാജ്യത്തെ ഏറ്റവും ഉയര്‍ന്ന ടിപിആര്‍ 13.83% കേരളത്തില്‍.

ഇപ്പോള്‍ ഈ കേരള മോഡല്‍ റിപ്പോര്‍ട്ട് ചെയ്യാന്‍ വാഷിങ്ടണ്‍ പോസ്റ്റും ഗാര്‍ഡിയനും ഒക്കെ അച്ചടി നിര്‍ത്തിയോ ആവോ എന്ന് ശ്രീജിത്ത് പണിക്കര്‍ പരിഹസത്തോടെ ചോദിക്കുന്നു. കേരള മോഡലിനെ പുകഴ്ത്തി ഈ വിദേശ മാധ്യമങ്ങളില്‍ വാര്‍ത്തകള്‍ വന്നിരുന്നു.

അദ്ദേഹത്തിന്റെ പോസ്റ്റ് ഇങ്ങനെ:

കേരളാ മോഡല്‍!
ഇന്നലെ രാജ്യത്ത് റിപ്പോര്‍ട്ട് ചെയ്യപ്പെട്ട കോവിഡ് കേസുകളുടെ 57% കേരളത്തില്‍. സജീവ കേസുകളുടെ 54% കേരളത്തില്‍. ഇന്നലെ റിപ്പോര്‍ട്ട് ചെയ്യപ്പെട്ട മരണങ്ങളുടെ 41% കേരളത്തില്‍. ഇപ്പോഴും രാജ്യത്തെ ഏറ്റവും ഉയര്‍ന്ന ടിപിആര്‍ 13.83% കേരളത്തില്‍. നാളിതുവരെയുള്ള കേസുകളില്‍ രണ്ടാമത്. സജീവ കേസുകളില്‍ ഒന്നാമത്. ആകെ മരണങ്ങളുടെ എണ്ണത്തില്‍ കഴിഞ്ഞയാഴ്ച്ച ഡല്‍ഹിയെ പിന്തള്ളി നാലാമത്. ഡല്‍ഹിയും ഉത്തര്‍പ്രദേശും ഗുജറാത്തും ഒക്കെ നമുക്കുതാഴെ.

ഇന്നലെ കേരളത്തിലെ ടെസ്റ്റുകള്‍ 88914. പോസിറ്റീവ് കേസുകള്‍ എണ്ണം 12297. മരണം 74. എപ്പോഴും പുച്ഛിക്കപ്പെടുന്ന ഉത്തര്‍പ്രദേശില്‍ ഇന്നലത്തെ ടെസ്റ്റുകള്‍ 1.7 ലക്ഷം. പോസിറ്റീവ് കേസുകള്‍ 22. ടിപിആര്‍ 0.01%. മരണം 2. ബിഹാറില്‍ ഇന്നലെ 92200 ടെസ്റ്റുകള്‍. പോസിറ്റീവ് കേസുകള്‍ 3. ടിപിആര്‍ 0.003%. മരണം പൂജ്യം. ഡല്‍ഹിയില്‍ ഇന്നലത്തെ ടെസ്റ്റുകള്‍ 50600. പോസിറ്റീവ് കേസുകള്‍ 33. ടിപിആര്‍ 0.07%. മരണം പൂജ്യം. ഗുജറാത്തില്‍ ഇന്നലത്തെ ടെസ്റ്റുകള്‍ 49400. പോസിറ്റീവ് കേസുകള്‍ 14. ടിപിആര്‍ 0.05%. മരണം പൂജ്യം.

അയല്‍സംസ്ഥാനങ്ങളായ തമിഴ്നാട്ടില്‍ ഇന്നലെ ടെസ്റ്റുകള്‍ 1.5 ലക്ഷം. പോസിറ്റീവ് 1531. ടിപിആര്‍ 1.02%. മരണം 23. കര്‍ണാടകയില്‍ ടെസ്റ്റുകള്‍ 1.3 ലക്ഷം. പോസിറ്റീവ് 664. ടിപിആര്‍ 0.51%. മരണം 8. വാഷിങ്ടണ്‍ പോസ്റ്റും ഗാര്‍ഡിയനും ഒക്കെ അച്ചടി നിര്‍ത്തിയോ ആവോ!